الموضوع جميل بصراحة :) و يوضح مدي اهتمام الشركة الام بعملائها في مصر علشان ما شاء الله محدش كان يتوقع الانتشار الجميل للوجي بالطريقة ديه :) ربنا يزيدكم :)
عرض للطباعة
الموضوع جميل بصراحة :) و يوضح مدي اهتمام الشركة الام بعملائها في مصر علشان ما شاء الله محدش كان يتوقع الانتشار الجميل للوجي بالطريقة ديه :) ربنا يزيدكم :)
بصراحه توكيل المقطم قمه فى سوء المعامله والتنفيض للمشاكل
انا عندى مشكله فى ان العربيه بتبطل لما بشغل التكييف لفتره وكذا مره اروح ويحلفوا بالطلاق انها اتحلت وبعد فتره الاقى المشكله موجوده
انا عملت شكوى رسميه فى مدير صيانة المقطم لانه حلف انه هايحل المشكله بنفسه وبرضه طلع بطيخه
ولآخر مره لو روحت فرع المقطم برضه وماعرفوش يعالجوا المشكله هاعمل فيهم اللى عمرهم ما يتوقعوه
إظاهر إن اهتمامهم عشوائي، ﻷني عندي نفس مشكلة الحرارة اللي بتدخل الصالون، لدرجة إني لما ببقى حاطط مادلية المفاتيح في الكونسول جنب الطفاية وآجي امسكها بتلسع إيدي، واشتكيت لحماية المستهلك، وكلمني الاستاذ عمرو ابوالفتوح ورتب زيارة لحل المشكلة وما اتحلتشي برضه، ولما اتصلت بالاستاذ عمرو والعربية في الصاينة استفهم منه هما هيعملوا ايه والوضع هيبقى ايه، كانت الخلاصة إني ما اقارنشي اللوجان بعربية تانية من حيث التسرب الحراري!!! واقارنها بلوجان، وآديني اهه بلاقي ناس عندها نفس المشكلة.
المهم بعت لرينو فرنسا من فترة وإيميل رفرنس رايح وايميل رفرنس جي، ولسة ما حديش اتصل ولا اتكلم. املي دلوقتي مرتبط بجهاز حماية المستهلك.
الحاجة اللي تغيظ، لما روحت احل المشكلة صدفت صيانة ال 10000 والجماعة في فرع العبور عملوا حركة، اقل ما يقال عنها انه تهريج واستعباط. انا طلبت تظبيط زوايا فقالولي انها بتتكلف 80 جنيه، قلت وماله، وبعد ما قعدت طول النهار اكتشفت اكتشاف مزهل لما جيت ادفع الحساب، إن ال 80 جنيه موش موجودين في الفاتورة، ولما جيت استلم العربية اكتشفت اكتشاف اكثر ازهالا، إنهم ما حلوش فرد الكاوتش!!!! ﻷني لاقيت القفزان اللمتركبة على الطاسات زي ما هي!!! ولما سألت مهندس الاستقبال: ساعدته قاللي ايوة يا افندم احنا موش ظبطنا الزوايا، قال ايه لاقينا الطارة بتاعت الدريكسيون معوجة شوية وعدلناها، وعن القفزان، رد حضرته وقال: ايوة افندم احنا ركبنالك قفزان تانية بدل اللي فكيناها، ﻷننا في صيانة العشرة لازم نشيك على الفرامل ونربط العفشة!!! حضرته فاكرني داقق عصافير.
من امتى هم بيركبو القفزان، ولو كانو ركبوها، ما كتبوهاش في الفاتورة ليه؟ ده اذا كان يا مؤمن كاتبين تمن طبة الزيت ب 3 جنيه!
اذا كان انت بتشتكى فرع العبور اللى الناس بيقولوا انه احسن من فرع المقطم.. فتخيل بقى فرع المقطم
انا عملت شكوى فى المهندس عمرو ابو الفتوح والفرع كله بسبب التنفيض وعدم البحث عن سبب المشكله
وكلمنى حد من الفرع ولسه هاروح الاسبوع الجاى المفروض وعدوا انها اخر مره والمشكله هاتتحل حل جذرى
بس كويس انك نبهتنى موضوع القفيز انه لازم يتشال علشان تظبيط الفرامل
لإن القفزان لسه زى ما هى وكنت قولتلهم ان الفرامل بقت اخف من الاول وقالولى ماتقلقش .. احنا بنكشف عليها كده كده وهاتبقى زى الفل
ولما جيت استلمها قالولى كله زى الفل والعربيه تمام تكييف وفرامل ومش بتبطل وماتقلقش من حاجه وكله قشطه
وطبعا ولا كأن حاجه حصلت
والدليل اهوه فى القفزان
بجد اخرهم معايا يوم الحد وانا ذوق معاهم جدا لغاية دلوقتى بس لو ما اتعالجتش المشاكل هابقى معاهم قمه فى قلة الادب
ياريت يا جماعة لو حد يعرف ايميل رينو الشرق الأوسط وايميل رينو الام فى فرنسا ياريت ينشرهم علشان لو اى واحد مننا صادفته مشكلة يبعتلهم طوالى
بالمناسبة للجميع
التوكيل بيركب قفزان على الطاسات فعلا بعد الصيانات
عرفت منين
لاني عملت 5 صيانات وعارف اللي بقوله لانني ببساطة شفتهم بيركبوها وبيقصوها كمان بعد التركيب
كذا مرة اروح من غير قفزان واخرج ال4 فرد راكب فيهم
انا اختلف معك يا استاذ احمد في وجهة نظرك دي، ﻷني روحت في صيانة ال 5 آلاف وفكوها ومركبوهاش. اﻷهم بقى ياباشا، إن لو ده بيحصل فعلا - ترقيب قفزان من الوكيل،، يبقى يحق ليك إنك تغير الطاسات في الضمان ﻷن ده يعني إنها طاسات معيبة، واحنا كمصريين بنركبها كنوع من الفزلكة، او كنوع من الحماية الجزئية من الحرامية - اهو تصعيب على اللي عاوز يخلعها -. اﻷهم من ده وده ودهوت إنك مستلم العربية زيرو من غير قفزان.
اما الاخوة اللي عاوزين يبعتوا لرينو فرنسا، فيمكنهم استخدام الصفحة دي:
Renault.com - Contact
وطبعا هي بالانجليزي، وتبقى تختار الموضوع After-Sales complaint