الموضوع: مفاجاة غريبه الصراحه

المشاركة الأصلية كتبت بواسطة akramtiti

وطيب حضرتك مجبتش سيره ارتفاع الاسعار في التوكيل اظن دي اهم حاجه

الراجل بيقولك واحدة لبنانية او سورية بتكلمه كويس انه افتكر انه عنده عربية اصلا

المشاركة الأصلية كتبت بواسطة cementman

الراجل بيقولك واحدة لبنانية او سورية بتكلمه كويس انه افتكر انه عنده عربية اصلا

ههههههههههههههههههههه

بصراحه توكيل المقطم قمه فى سوء المعامله والتنفيض للمشاكل

انا عندى مشكله فى ان العربيه بتبطل لما بشغل التكييف لفتره وكذا مره اروح ويحلفوا بالطلاق انها اتحلت وبعد فتره الاقى المشكله موجوده

انا عملت شكوى رسميه فى مدير صيانة المقطم لانه حلف انه هايحل المشكله بنفسه وبرضه طلع بطيخه

ولآخر مره لو روحت فرع المقطم برضه وماعرفوش يعالجوا المشكله هاعمل فيهم اللى عمرهم ما يتوقعوه

إظاهر إن اهتمامهم عشوائي، ﻷني عندي نفس مشكلة الحرارة اللي بتدخل الصالون، لدرجة إني لما ببقى حاطط مادلية المفاتيح في الكونسول جنب الطفاية وآجي امسكها بتلسع إيدي، واشتكيت لحماية المستهلك، وكلمني الاستاذ عمرو ابوالفتوح ورتب زيارة لحل المشكلة وما اتحلتشي برضه، ولما اتصلت بالاستاذ عمرو والعربية في الصاينة استفهم منه هما هيعملوا ايه والوضع هيبقى ايه، كانت الخلاصة إني ما اقارنشي اللوجان بعربية تانية من حيث التسرب الحراري!!! واقارنها بلوجان، وآديني اهه بلاقي ناس عندها نفس المشكلة.

المهم بعت لرينو فرنسا من فترة وإيميل رفرنس رايح وايميل رفرنس جي، ولسة ما حديش اتصل ولا اتكلم. املي دلوقتي مرتبط بجهاز حماية المستهلك.

الحاجة اللي تغيظ، لما روحت احل المشكلة صدفت صيانة ال 10000 والجماعة في فرع العبور عملوا حركة، اقل ما يقال عنها انه تهريج واستعباط. انا طلبت تظبيط زوايا فقالولي انها بتتكلف 80 جنيه، قلت وماله، وبعد ما قعدت طول النهار اكتشفت اكتشاف مزهل لما جيت ادفع الحساب، إن ال 80 جنيه موش موجودين في الفاتورة، ولما جيت استلم العربية اكتشفت اكتشاف اكثر ازهالا، إنهم ما حلوش فرد الكاوتش!!!! ﻷني لاقيت القفزان اللمتركبة على الطاسات زي ما هي!!! ولما سألت مهندس الاستقبال: ساعدته قاللي ايوة يا افندم احنا موش ظبطنا الزوايا، قال ايه لاقينا الطارة بتاعت الدريكسيون معوجة شوية وعدلناها، وعن القفزان، رد حضرته وقال: ايوة افندم احنا ركبنالك قفزان تانية بدل اللي فكيناها، ﻷننا في صيانة العشرة لازم نشيك على الفرامل ونربط العفشة!!! حضرته فاكرني داقق عصافير.
من امتى هم بيركبو القفزان، ولو كانو ركبوها، ما كتبوهاش في الفاتورة ليه؟ ده اذا كان يا مؤمن كاتبين تمن طبة الزيت ب 3 جنيه!

اذا كان انت بتشتكى فرع العبور اللى الناس بيقولوا انه احسن من فرع المقطم.. فتخيل بقى فرع المقطم


انا عملت شكوى فى المهندس عمرو ابو الفتوح والفرع كله بسبب التنفيض وعدم البحث عن سبب المشكله

وكلمنى حد من الفرع ولسه هاروح الاسبوع الجاى المفروض وعدوا انها اخر مره والمشكله هاتتحل حل جذرى


بس كويس انك نبهتنى موضوع القفيز انه لازم يتشال علشان تظبيط الفرامل

لإن القفزان لسه زى ما هى وكنت قولتلهم ان الفرامل بقت اخف من الاول وقالولى ماتقلقش .. احنا بنكشف عليها كده كده وهاتبقى زى الفل


ولما جيت استلمها قالولى كله زى الفل والعربيه تمام تكييف وفرامل ومش بتبطل وماتقلقش من حاجه وكله قشطه

وطبعا ولا كأن حاجه حصلت

والدليل اهوه فى القفزان


بجد اخرهم معايا يوم الحد وانا ذوق معاهم جدا لغاية دلوقتى بس لو ما اتعالجتش المشاكل هابقى معاهم قمه فى قلة الادب