معلومة لم أجدها فى ال Forum عن كارت ال Megane

[TheMo]

الاخوة الاعزاء.
رغم انى متابع جيد لما يكتب فى الموقع و خاصة قسم الرينو, لكننى لا أذكر أننى قرأت معلومة عن أن كارت ال Megane يمكن استخدامه Hands Free و أنت فى محيط السيارة. بينما هذه الخاصية فعلا موجودة.
بمعنى آخر, و أنت فى محيط السيارة و الكارت فى جيبك مثلا يمكنك فتح الباب من ناحية السائق (هذا ما جربت و لسه ما جربتش عن طريق باقى البيبان) بمجرد شد أكرة الباب (كأنك بتفتح الباب) فيفتح الباب و السنترلوك دون لمس الكارت أو حتى اخراجه من جيبك.
و بنفس الطريقة يمكنك ادارة الموتور بدون وضع الكارت داخل ال Slot بتاعته اللى تحت التكييف.
و نفس الوضع يسرى على فتح شنطة العربية.
أعتقد ان دى معلومة قد تهم الكثيرين من الاخوة مالكى ال Megane
مع تحياتى.
محمد.

[farahat]

دة اوبشن بينزل زيادة في عربيات رينو و منها الميجان طبعاً ، الميزة دي بتخليك تفتح الابواب والشنطة بدون إستخدام الكارت ، هي بتفتح السنتر أوتوماتيك أول ما تقترب من العربية مسافة ١ متر تقريباً

عشان النظام دة يشتغل لازم بيكون راكب وحدات الإرسال و الإستقبال راكبة مكانها (المربعات السودة إلي تحت كل مقبض باب زائد ٣ بيكونوا راكبين في السقف داخل الصالون و دول وظيفتهم انهم يستقبل من الكارت داخل العربية عشان تقدر تدور من غير ما تحط الكارت في السلوت بتاعه .

بس أنا مش عارف إذا كانت العربيات إلي بتنزل عن طريق التوكيل في مصر بيكون فيها الأوبشن دة ولا لأ بس عن نفسي عربيتي مفيهاش ، و ماشفتش كلام عن الميزة دي في إعلانات الوكيل

[Ahmed Selim]

للأسف لا توجد هذه الميزة عندى
و فعلاً معظم العربيات الميجان فى مصر مفيهاش الأوبشن ده

هذه الميزة ما بتنزلش فى كل الميجان إللى نزلت مصر و نزلت فقط فى أوربا

[د.محمود صلاح]

وموجوده فى اللاجوانا