الموضوع: ما رأيكم في ميجان 2005

العربيه عاملة 54000 كيلو متر عايز اعرف سعرها هيكون في حدود كام

المشاركة الأصلية كتبت بواسطة magedqwert

السلام عليكم ورحمة الله

اخوتي الكرام معروض عليه عربية ميجان 2005 .... 1600 سي سي
( ستبترونيك ) جميع الكماليات : تكييف ، باور ستيرنج ، سنتر ، 4 زجاج كهرباء ، وحدات رفع ، مرايات كهرباء ، فوج لايت ، cd player ، ٌRPM ، جنوط اسبور ، مثبت سرعه

عايز اعرف عدادها 240 ولا 260
والغيار اتوماتيك وعادي ولا اتوماتيك بس
وعايز كلمة حق هيا ولا اوبل 2003 1600 سي سي
رجاءا الاهتمام والرد سريعا

الميجان عدادها 260
الميجان II كلها الأتوماتيك بتاعها كله ستيب ترونيك
سعرها العادل لو حالتها نظيفة و مواظب على الصيانة فى التوكيل 85 الف

هى و لا أوبل 2003 1600 سى سى أنا رأى الشخصى الميجان

85 ألف !! .. طيب 2007 الشكل الجديد .. تعمل كام تقريبا؟

حسب المواصفات بتاعتها
بس عموما بتبقى فوق الـ 110 الف

مش كتير شوية لأن موديل 2006 بيتباع دلوقتى زيرو كاملة وبفتحة سقف (أعلى فئة) وبدون فصال (يعنى لسة فيها كلام) بـ 120 ألف

هو فين حضرتك موديل 2006 دا
و بيتباع فين ؟؟؟؟

أنا مش عايز أقول على أسم الموزع علشان مايكنش إعلان .. ولكن أنا عرفت أن الموزع دة من أسباب نزول سعر العربية .. لأنه أشترى كمية كبيرة موديل 2006 ولم يتم بيعه .. لما نزل الشكل الجديد .. نزل سعر الموديل القديم علشان يعرف يتخلص منه .. والكلام دة أنا أتأكدت منه بنفسى من خلال زيارتى للموزع دة

وعلى فكرة كمان .. لو حضرتك متابع عروض الموزعين على الميجان وأخرهم موزع مشهور جدا يوم الجمعة السابق .. الموديل الجديد 2008 التقسيط على خمس سنوات بدون فوائد .. ودة بينزل من سعر المستعمل شوية بردوا