أخوتى الأعزاء
سمعت من كثير من الناس أنه لا يجب أن أدور السيارة مباشرة
بل يجب فتح الكونتاك لعدة ثوانى ثم أبدأ فى أدارة المحرك
ولكنى لم أجد هذه الفكرة فى أى كتالوج أو كتاب صيانة
أرجو الأفادة من الأخوة الأعضاء ذو الخبرة
وشكرا.....
عرض للطباعة
أخوتى الأعزاء
سمعت من كثير من الناس أنه لا يجب أن أدور السيارة مباشرة
بل يجب فتح الكونتاك لعدة ثوانى ثم أبدأ فى أدارة المحرك
ولكنى لم أجد هذه الفكرة فى أى كتالوج أو كتاب صيانة
أرجو الأفادة من الأخوة الأعضاء ذو الخبرة
وشكرا.....
بص يا باشا الموضوع ده سمعته كتير وبيقولك غلط بيبوظ الحساسات !!!
بس والله مش عارف هوه صح ولا غلط
سمعت برضه الموضوع ده بالنسبه للأنجكشن
علشان اول لما تكون على الكونتاكت الرشاشات بتشتغل و بترمى بنزين فى الموتور
بس انا ماعرفش االموضوع ده صح ولا غل علشان مش معايا انجكشن ولا جربته
انا عندي برده في الياريس بسيبها لغايه كل اضواء التحذير ما تختفي لان المفروض تتطمئن ان كل السيستمز شغاله من خلال انطفاء الانوار لان انا عندي انديكاشن للاير باج و الباور و و الزيت و المحرك طبعا لازم نستني لغايه ما العربيه تعمل Check Systems
بصراحه انا لسه مشفتش الكلام دا في المانيول موش فاكر ممكن اكون قريته لكن تعال نحسبها ببساطه لو انت جيت مثلا تدور العربيه و كانت لمبه melfunction منوره لو دورت علي طول الله و اعلم ممكن تكون في مشكله و تسبب مشاكل وراها من الدواره دي series problems لكن ربما لو استنيت شويه و لقيت اللمبه منوره موش هتدور و هتشوف ايه المشكله قيل الدواره
السلام عليكم..
السياراتا لجايو مبنية علي تكنولوجي شركة جي ام (جنرال موتورز)
واللي اعرفه ان العربية اللانوس اصلا مبنية علي موديل قديم شوية لأوبل استرا موديل 95 علي ما اعتقد (قريتها علي لسان محمد بك ممدوح احد عمالقة منتدي الدايو )
وانا معايا حاليا اوبل كورسا.. و عندي نفس الموضوع..
وحصل معايا موقف من فترة وده اللي خلاني اعرف سبب الموضوع ده ايه..
اول ما اخدت العربية حصل مشكلة في الكهربا المهم البطارية باظت تماما..
كنت حتي لما اجي ادور العربية كمانتش بتدور زق بسهولة زي العربيات القديمة.. كانت بتعذبني و بتقطع نفسي و يادرات يا مرضيتش.. لحد ما اشتريت بطارية جديدة..
المهم سألت المهندس اللي بيعمل الصيانة لعربيتي..
قالي طبعا مش هترضي تدور.. ليه يا سيدي..
ثالك عشان انت اول ما تفتح الكونتاكت بتسمع صوت بسيط كده حاجة بتشتغل لمده كام ثانية و بتسكت.. ولما تسكت بتطلع صوت تكة بسيط قوي كده.. قولتله ايوة,,
المهم الصوت ده نتيجة لأن طلمبة البنزين بتاعت العربية دي كهربا مش سيور..
بمعني اول ما افتح الكونتاكت.. الطلمبة بتشتغل.. تحضر بنزين للرشاش اللي في الكاربيراتير (عندي انا في الكورسا يعني عندكم في اللانوس بتحضر لل4 رشاشات)
بس هو ده السبب يا باشا.,.
انا عندى موديل 2003
واول مابفتح الكونتاكت بسمع صوت طلمبة البنزين بتحضر لانها كهرباء
والصوت جاى من الخلف لانها تقريبا اسفل الكنبة الخلفية
وعموما لما بدور مباشرة واكون راكن العربية كام يوم ...الدوارة بتغيب لما البنزين يوصل للموتور
مش كل العربيات
عندك النوبيرا مثلا و الاسبرانزا 516 بتسمع صوت جرس كده 6 مرات المفروض تستني لحد ما يبطل و تدور.
و في عربيات كتير مافيهاش الكلام دا
السلام عليكم
انا برضه سمعت بالموضوع ده يا جماعه .............. انا كان معايا لانوس 2005 وكنت اول ما افتح الكونتاك بسمع جرس لمدة 10 ثواني وكذلك في النويبرا اللي معايا حاليا .................. انا سمعت انه حركت تستنى شويه قبل ما تدور العربيه انه اول ما بتفتح الكونتاك المفروض الكومبيوتر بتاع العربيه بيعمل شيك على الحساسات بتاعت العربيه كلها قبل ما تدور ............... بس بصراحه انا بدور على طوووووول لانه المانوال بتاع العربيه مش مكتوب فيه كده
واما الاخ اللي معاه لانوس وبيسمع صوووت طلمبة البنزين اول ما بيفتح الكونتاك وهيا صوت زنه كده انا اعرف انه الواحد لما بيسمع الصوت ده يبقى ما شاء الله طلمبة البنزين حالتها كويسه جدا .......... انا كنت بسمع الصوت ده في الانوس وبرضه بسمعه في النوبيرا والصوت بيفضل حتى والعربيه شغاله
انا بدور على طول مش بستنا بس اللى بلاحظو
ان لما العربية بتقف ماتدورش يوم كامل واجى ادورها مابتدرش بسرعة
انما لو كنت ماشى وبطلت العربية ربع ساعة او نصف ساعة ورجعت
دورت تدور على طول
فى حاجة عملتها كنت راكن العربية 3 ايام ماحركتهاش من يوم زيادة سعر البينزين
قولت قبل ما ادور اضغط سنة بنزين وبعدين اشيل رجلى وادور وعملت كده دارت على طول
لما بتغين بتقعد من حوالى 4 الى 5 ثوانى على ماتدور
غير لما تكون سخنة شوية بتدور على طول
والله انا كان معايا لانوس 2004 و بيعتها بس حقولكم علي الموضوع كله
المهم
أولاً : صوت الجرس اللي بيطلع اول ما تفتح الكونكت دي ده بتاع حزام الامان مش بتاع حاجه تانيه و الدليل علي كلامي ده قبل ما تفتح الكونتكت البس حزام الامان و افتح الكونتكت الجرس ده مش حيشتغل :)
ثانياً : لابد من الانتظار حوالي 5 ثواني او 10 و ده لحاجه مهمه جداً و هي ان طلمبة البنزين تاخد الكهرباء بتاعتها كامله و حفاظاً كمان علي الرشاشات في التوكيل محدش بيقول الكلام ده علشان النتيجه انهم بيغيروا الرشاشات و طلمبو البنزين و بفلوس كمان فمش فارقه معاهم يقولوا ولا لأ
انا واحد صحبي معاه نوبيرا غير طقم رشاشات ب 1600 جنيه في صيانة
ال 50000
و انا الحمد لله مغيرتش الرشاشات خالص لحد ما بعتها و كانت عامله 145000 كم
والكلام ده واحد صحبي بتاع قطع غيار دايو في شارع طومانباي قالي عليه
و بعدين مش حتفرق ال 10 ثواني دول
ارجو اكون افادتكم
على فكرة انا سمعت الكلام ده من واحد صاحبي و قالوله الموضوع ده في التوكيل ,
ان لازم تستنى لمدة بسيطة بعد ما تفتح الكونتكت و قبل الدوارة علشان العربية تحضر بنزين (خاصة لو مبطل العربية من فترة) ,
لكن لو كنت لسه مبطل العربية و جيت تدورها فبيكون فيها بنزين بالفعل و مش محتاجة تحضر بنزين.
كل الكلام اللى اتقال جميل و مظبوط
للوقاية من اى حاجة قلقان منها فى موضوع التدوير على طول انك تعمل الاتى
بعد اى مشوار طويل بالعربية بعد ما تركن
سيب العربية دايرة على السلانسية مدة 1 الى 3 دقائق حسب طبيعة المشوار
من مشوار صغير إلى سفر
اعتقد ان الموضوع دا في المواتير الجاز بس
موضوع انك تسيب العربيه دايره بعد المشوار الطويل ده فى محركات التربو ديزل فقط و ده لان الانقطاع المفاجئى لدورة الزيت فى الموتور اللى من النوعيه دى باثر على سلامته . بالنسبه للآنتظار ثوانى قبل الآداره ده علشان الطلمبه تحضر بنزين و يكون فى الموتور من جوه وبكده العربيه تدور اسهل ولاداعى للآنتظار خلال نفس اليوم لكن لو انت العربيه راكنه من باليلل للصبح او من اكتر من يوم ياريت نعمل كده فعلا و ننتظر الثوانى القليله دى
من الاخر...
1- صوت الجرس دة بتاع الحزام... لو ربطت الحزام مش حيطلع صوت الجرس و انت بتدور
2- لما تفتح كونتاكت طلمبة البنزين بتشتغل و تحضر ضغط للرشاشات... لو استنيت لما الطلمبة تقف يبقى انت بتدى فرصة ان يبقى فيه ضغط مناسب عشان العربية تدور... لو معملتش كدة ممكن الدوارة تتاخر ثانية ولا اتنين بالكتير اوى
3- تحضير الطلمبة و الانتظار و الكلام دة ليس له علاقة بعمر الرشاشات و المحافضة عليها
4- كبس دواسة البنزين مرة او عدة مرات او من هنا لبعد بكرة ميفرقش اى حاجة... الدايو انجكشن و بالتالى كبس البنزين مبيعملش حاجة اكتر من فتح البوابة و غلقها
MMamdouh
شكرا محمد ممدوح على الخلاصة وفعلا كلمة ابرك من جرنان
الخبرة تفرق يا باشا..
امال ايه..!! :)
الف شكر يا كبير الدايو.
و الله يا ممدوح من اول مشاركة فى الموضوع و انا مشتنى مشاركتك الى فيها المفيد
س مش ش معلش :d:d:d
شكرا ا. محمد ممدوح على الخلاصة والكلام الجميل .......
السلام عليكم
انا كنت متعود انى ادور العربية على طول بدون انتظار...
لكن قولت اجرب موضوع فتح الكونتاكت و الانتظار لمدة عشر ثوانى بتوع التست...
لما فتحت الكونتاكت كل الانوار اللى فى التابلوه فضلت منورة..فضلت مستنى لاكتر من تلاتين ثانية و مفيش و لا نور طفى... لا اشارة الموتور او الزيت او الكهرباء...كله فضل منور..
لما دورت العربية دارت عادى خالص و الانوار طفت..
مش ده برضه هو الطبيعى و لا فيه حاجة مش مظبوطة فى العربية ؟؟!!
طبيعى
MMamdouh
لأ كده طبيعي متقلقش...
طالما بعد ما دورت مفيش لمبة تحذير فضلت منورة يبقي انت كده في السليم.. :)
هو في بعض عربيات بيبقي فيها لمبة تنبيه ان العربية لسة باردة.. و لما بتطفي تقدر تتحرك خلاص..
بس اللانوس علي ما اعتقد مفيهاش اللمبة دي..
اعتقد طبيعي كل عربيه و ليها السيستم بتاعه يعني الياريس و الكورولا بيعتبر ان دي لمبات تست قبل ادواره علشان كده كلها بتختفي قبل الدواره بعد عشر ثواني لو مفيش اي مشكله ممكن عربيتك تكون ليها فلسفه تانيه في التشغيل
أنا قريت قبل كدة في كتالوج السكودا فيفوريت نفس الكلام دة.
السبب المذكور في الكتالوج كان "حتي لا يحدث احتباس حراري في بعض أجزاء المحرك مما يعرضها للتلف. حيث أن تشغيل المحرك علي الفراغ (علي السلانسية يعني :)) يعمل علي تفريغ الطاقة الحرارية الزائدة من المحرك التي اكتسبها نتيجة تشغيلة مدة طويلة".
المدة مش فاكرها قوي بس أعتقد انها لن تزيد عن 3 دقائق زي ما قال Seatlover :)
اصدقائى الاعزاء
والله انا سائلت مرة وانا فى صيانة ابو غالى الراجل قالى المفروض انك تفتح العربية حتى انتهاء الاجراس وبعد تتدور الموتور علشان ايه بقا ؟
بصوا بقا بيقول ان العربية فيها طلمبة البنزين بالكهرباء
والمفروض تصبر عليها شوية حتى انتهاء الاجراس وبعدين تتدور وانك مش تستنى البنزين حتى نهاية التانك علشان ما يحضرش تراب من البواقى اقبل النهاية ومون على طول
وتحياتى
انا سالت متخصص وقلى الكلام ده مش صح
الدايو دور وامشى
أنا لاحظت عندما أنتظر قليلا قبل الدوارة
السيارة بتتأحر فى الدوارة
والعكس صحيح و لاأعرف السبب ...
دي معلومة قديمة ... طبعا بتفتح الكونتاك ..تسمع صوت الجرس تستنى لحد ما يخلص تماما ... وتتوكل على الله وتشغل الموتور ... دا في كل الدايو .. عشان الرشاشات بتحضر البنزين ... في كتير من السيارات اذا شغلت علاطول بيلاحظو ان فيه كركرة بسيطه في اول دورة التشغيل قبل ما ينتظم الصوت
و لو فتحت كونتاكت و انت مش رابط الحزام و مفيش صوت جرس... هتعمل ايه؟؟
و الرشاشات مش بتحضر بنزين... دى شغلة الطلمبة... و كدة كدة التحضير مش محتاج كل الوقت دة عشان العربية تدور
MMamdouh