الموضوع: غيرت كاوتش وسيور

السلام عليكم
كل سنة وانتوا طيبين جميعاً
أنا غيرت الحمد لله كاوتش الشيفروليه سبارك أول رمضان ع الـ 60,000 الف
المقاس القديـم: 13 65 155
المقاس الجديد: 13 65 165
على نفس الجنوط الحديد الأصلية مع شوية إستعدال خفيف مع أني كنت ناوي اركب جنوط اسبور بس الميزانية لم تسمح خصوصاً بعد تغيير سيور الكاتينة والتكييف والدينامو وبلية الشداد والفلاتر.
أولاً أية رأيكم في اللي عملتوا؟
ثانياً لأني عملت الصيانة خارج التوكيل مش مرتاح لصوت الموتور نظراً لوجود تسقيف خفيف جداً وكمان الموتور فوق الـ 90 وخصوصاً مع التكييف بحس بنعرة (معلش مافيس كلمة توصف الصوت غير دي) اللي مخليني حاسس ان فيه حاجة في الموتور ان الميكانيكي ضبط التقسيمه بشكل يدوي خالص من غير أي أجهزة فهل دة طبيعي؟
أنا ما انكرش ان صوت الموتور طبيعي والعربية واقفة والتكييف مظبوط.
أنصحوني من فضلكم
شكراً.

أيه يا رجالة 15 قروا الموضوع ولا رد واحد
الصيام عامل عمايله