واحد قريبي رايح شلغة وبيركب من على الدائري
وهو بيشاور لميكروباص وقفت سوزوكي 7 راكب
وراكب فيه 3 على فكرةالعربيات دي بتحمل من على الدائري عادي
المهم بعد 500 متر تقريبا وقبل منزل القومية لقى اللي راكب جنبة مطلع سنجة وحاطتها في جنبه وبيقوله طلع اللي معاك واللي جنب سواق دور وشه ونفس الشي موجهة ليه سنجة
اتخض و قلهم طبعا بهدوء اللي عايزينه هتاخدوة وطلع طبعا الفلوس وخدو الموبايل وبعدين قالولو هنقف وانت تنزل وتجري تنزل من على الدائري ومتبصش وراك والسواق يقولهم ما تغذوة وتريحونا
المهم وقفوا ورمو البطاقة والاوراق جنب الدائري تحت قالولو تنزل في وشك على طول وكان الهدف طبعا ما يخدش نمرة العربية
نزل طبعا زي ما قالولو وجاب البطاقة والكرنيهات بتاعة الشغل ووطلع يشاور لاي عربية وهو مذهول من الموقف المهم لا اتنين واقفين بعربية كورلا قالهم على الموقف بسرعة طبعا وطلب منهم يركبوة معاهم ويلحقو العربية على الاقل ياخد نمرتها لاقاهم بيضحكو وبيقلولو احمد ربنا انك سليم
احنا لسه مرجعين عربية مسروقة وعشان ترجع دافعين 50 الف جنية المهم ركبوه لغاية نقطة الشرطة اللي على المحور تحت الدائري وبعد ما حكى للظابط قالو ما نقدرش نعملك حاجة وقريبي يقله اتصرفو واركبو عربية ن اللي معاكو دول وطاردوهم او اتصلو بالجهاز باي دورية على الدائري يقوله مش تخصصنا روح اعمل محضر في القسم
هكملكو بعدين عشان تعبت