الموضوع: ورشة فولكس

المشاركة الأصلية كتبت بواسطة lonely_2409

ممكن تفيدني في إيه اللي لازم أعمله في صيانة ال 60 الف كيلو لعربية باسات 2008 خليجي،
هو بالنسبة لسير و بلي الدينامو و البوجيهات و زيت الموتور و الفلتر و تيل الفرامل أنا غيرتهم في صيانة 50000، و ناوي في صيانة ال 60000 أغير زيت الفتيس و الفلتر بتاعه و كمان أحط العربيه على جهاز تنظيف الإنجكشن و الحساسات، فيه حاجه أعملها تاني بالنسبه لـ:
- دورة البنزين و الطرمبة.
- دورة الزيت و الطرمبة.
- العفشة.
أي حاجه تانية لازم تتعمل علشان محدش يشتغلني من الصتايعية.

راجع زيوت الباور والفرامل واساسى زيت الفتيس غيره بالفلتر
تقصد جهاز الترا سونيك لتظيف الرشاشات يفضل طبعا بس الكلام دا هتفك الرشاشات من العربيه عشان تعمله

المشاركة الأصلية كتبت بواسطة osama.ghamry

كالعاده مبدع يا استاذ محمد
انا بقى عندى البوجيهات عاوزه تتغير وعندى مشكله فى سلك من السلوك بتاعتها

روحت جبت البوجيهات البلاتينيوم زى مانصحتنى من الشهابي لكن ملقتش سلوك عنده فهو نصحنى اجيب بيرو

روحت جبتها من عند فتح الباب ورجعتله عشان اتأكد هى ولا لأ قالى ايه اللى بيعملوه ده دى بتاعة بورا 1.6
ومش لاقى السلوك بتاعتى

اروح فين واجيب انهى نوع ؟؟؟
السلوك انا كنت جبتهم من فتح الباب قبل ما ابيع عربيتى فرع الحرفيين
وياريت لو تنصحنى بعفشجى كويس لاحسن حاسس ان كل الجلب والبيض بايظ عشان الدريكسيون بيلف يمين وشمال لوحده لو ماشي فى حته مكسره او اسفلت مش مستوى
العفشجى اللى عندى فى الهرم وبيتهيئلى هيبقى بعيد عليك
-- فرش البيبان متدمر ومخلع من الباب خالص ومش لاقى فى الحرفيين غير اللى هو الاوربي دريكسون يمين فزراير الازاز هتبقى اتنين عاليمين
دور شويه كمان وأسأل على مجدى البيومى هتلاقيه عنده ان شائ الله عيب الموديل دا فى فرش البيبان
اجيبه عادى ولا هيعمل مشكله

وشكرا جزيلا مقدما

المشاركة الأصلية كتبت بواسطة dr_mim81

سلام عليكم
ازيكم يا جماعة؟
كل سنة وانتوا طيبين
انا كان عندي استفسار مهم بعد اذنكم
اما معايا جيتا 2009 خليجي كنت اشترتها في شهر 12 اللي فات وكانت عاملة 66 الف كيلو دلوقتي هي عاملة 81 الف كيلو المشكلة اني لما اشترتها معرفتش صاحبها كان مغيرلها اية ولا اية النظام؟
فبعد اذنكم كنت عايز اعرف اية اللي المفروض يتغير فيها دلوقتي هو الزيت هغيروا ان شاء الله عند 85 انا كنت حاطة عند 76 الف غير كدة مش عارف(بحط موبيل 10 الاف)
بس انا كدة غالبا هاغير:
1-البوجيهات(في نوع اسمة glk بيعمل 150 جنيةحاجة كدة دة كويس ولا اجيب الاصلي بتاع التوكيل بيعمل 310 جنية)؟يفضل تجيب الأصلى وفى الغالب هيكون ان جى كى
2-فلتر بنزين؟طبعا غيره
3-سير الكاتينة (اغيرة ولا استني ل 100 الف ناس قالولي علي 60 وناس علي 100)؟لا غيره بيتغير على 60 ألف
4-سير الدينامو؟بيتغير مع لكاتينه
5-في حاجة برضة قلقاني قوي بالنسبة لزيت الفتيس الاتوماتيك استيبترونيك يتغير علي كام انا مش عارف دلوقتي ولا 100 الف ولا لما الفتيس يشتكي دة قلي قالقني قوي والناس قالولي اراء مختلفة؟
بيتغير على 60 ألف هو والفلتر
6-وبالنسبة للفلاتر و التكيف في حاجة المفروض تتغير؟فلتر التكييف المفروض بيتغير كل طلعه صيف ولو بتستخدمه فى الشتاء يبقى كل اول صيف واول شتاء
7-وهل اظبط زوايا وارصص واربط العفشة احتياطي ولا دة هبل؟(ناس قالولي لازم؟!!)
لا طبعا المفروض مراجعه الزوايا على الأقل كل 6 شهور عشان الكاوتش ما يبوظش وتربيط العفشه عمره مكان هبل بالعكس
8-وبالنسبة لتيل الفرامل هو مش بيصفر عندي اغيرة ولا لما يبدا يصفر؟
دا بالكشف بالعين هيبان محتاج يتغير ولا لأ ومتستناش لما يصفر لأنه بكدا هيبدأ ينحت فى الطنابير ودا مش كويس
9-وهل احط العربية علي جهاز تنظيف الحساسات وحقن الوقود ولا اية؟
يفضل كل 60 ألف تنضيفهم على الأقل على جهاز الترا سونيك لتنضيفهم ودا من خلال فكهم وبيبين أذا كان حاجه فيهم محتاجه تتغير ولا لأ
10-والعفشة فيها حاجة المفروض تتعمل؟
العفشه حسب الكشف يعنى لو فى حاجه محتاجه التغيير تتغير
انا من اول ما جبت العربية معملتهاش اي صيانة اية اللي المفروض يتعمل؟اصل انا قلقان قوي وبسمع كلام كتير فياريت تقولولي اية اللي ضروري يتغير دلوقتي ؟
11-اخيرا انا بتعامل مع مركز امير وجوزيف اية رايكم لانها خليجي؟
كويس ولو عايز حد اكثر تخصص محمد سمير وهانى عصمت فى ش الأربعين جسر السويس
اسف جدا للاطالة بس انا فعلا مش عارف وياريت حد بس يقولي بسرعة عشان الواحد تاية في الكتالوج صراحة وخبرتي مش جامدة قوي في العربيات

تحت امرك فى اى أستفسار وكل سنه وانت طيب