الموضوع: حكمت المحكمة على أبو غالى / سوبارو إمبريزا 2008

المشاركة الأصلية كتبت بواسطة SYD

الف مبروك يا باشا
انا متابع موضوع حضرتك منذ 2008 (مع اني لسة جديد في المنتدي) ايوة انا فتحت اللينك وسهرت عليه امبارح لحد لما خلصته (بس حقتك كنت زودت شوية في الحلقات لحد 30 وكنا اخرجناه وعملاناه مسلسل زي ادهم الشرقاوي)

اوعي تزعل انا بهرج معاك بكلمتين قبل الفطار

بس انا ليا كام سؤال واستفسار
1- حضرتك راكن عربيتك من اواخر 2008 ؟؟؟؟؟؟؟؟؟ (انا راكن عربيتي من اواخر الأسبوع الي فات واتخنقت)
2- حضرتك منتظر 10,000 جنيه فقط ولا في حاجة تاني ؟؟؟؟؟؟
3- ال50,000 ليه الدولة تاخدوهم؟؟؟؟؟؟ تعويض عن ايه ؟؟؟
4- ياتري اشتريت اي حاجة في الفترة الي فاتت دي ؟؟؟؟؟؟؟؟؟

بجد انت مثال للراجل الشريف الي تعبان في فلوسه ومش مستعد يضيع منها مليم اونطة

واعتقد انك لو قاعد الفترة دى كلها مستني استبدال عربيتك السوبارو امبريزا فأنت فعلا تستحقها

ربنا معاك واحنا كلنا بنشجعك ومعاك

والله المستعان
،
،

الإجابه:

1. أيوه ده حقيقى ، وبركب عربيه TOYOTA HIACE الشهيره يابانى برضه بس 11 راكب (واقعيا 20 راكب) بيسوقها سواقين محترفين راليات ..... الميكروباص يعنى ، ولما بخرج بالأسره بيبقى أى عربيه بيضه مكتوب عليها TAXI
2. لأ .. أنا منتظر التعويض النهائى ... ربنا يدينى ويديكوا طول العمر
3. ال 50 ألف دول غرامه حق الدوله والشعب فى هذة القضيه بإعتبار النيابه العامه هى المدعيه الأصليه فى الدعوى نيابة عن الشعب . وده مستفز فى حد ذاته أن الدوله تاخد 50 ألف فورا وانا المتضرر الأول أخد 10 الاف فقط وأروح أرفع قضيه تانيه للتعويض النهائى.
4. أيوه قررت شراء الصبر والإصرار والنفس الطويل ، وربنا أدهوملى ببلاش.

ربنا معاك يا رب و ادعي و انت صايم لاني من بكرة هدعيلك
عشان تاخد حقك من الظالم

ألف مبروك و فعلاً ما دع حق وراءه مطالب
و إنشاء الله تاخد حقك كاملاً ، و جزاك الله عنا خيراً لا انك ادتنا مثال ازاي إن الواحد ميسكتش عن حقه أبداً

ألف مبروك و فعلاً ما ضاع حق وراءه مطالب
و إنشاء الله تاخد حقك كاملاً ، و جزاك الله عنا خيراً لا انك ادتنا مثال ازاي إن الواحد ميسكتش عن حقه أبداً

عندي كورولا 2008 المقرفة في نظام النقل بتاع الفيتيس الفاشل ده..وفكرت اخلص منها لكن سعرها مش هايعدي 90000 طيب هل ممكن ارفع قضية برضه على الشركة قدام المحكمة الاقتصادية؟؟