-
تصرف صح 100 100 و أنا بحيي حضرتك على التصرف الشجاع دة ..
و بجد الناس دي متعرفش حاجة اسمها نظام أو أصول أو قانون و لا أي حاجة و بيعملوا أي حاجة في أي حاجة على حسب أهوائهم الشخصية ..
و علشان كدة كل واحد لازم يعمل زي خضرتك لو شاف حاجة غلط يحاول يصححها ..
:):)
-
كويس اللي انت عملته وكله جرأة .... وطبعا قليل اللي يعمل كده في زمنا .... بس ربنا دايما بق جنب المظلوم واللي معاه الحق ..... لو الناس عرفت كده ... كلهم هيعملو زيك
-
الف شششششششكر على تصرفك الجميل ده ربنا يكثر من امثالك
-
ههههههههههههه
بجد أنا موت من الضحك بس عارفين ليه ؟
في قطر هنا المرور حاجه بصراحه حكاية لدرجة إني اعتقد إني لو ربنا أراد وطلعت رخصه خترحل من ثاني يوم
هنا السير عكس الاتجاه غرامته بتوصل ل 50000 ألف ريال ، الاكثر من كده السير بدون رخصة قياده مالوش غير عقاب واحد وهو الترحيل أيون الترحيل فورا الناس ديه ما بتهزرش ، وأساسا طلوع الرخصة هنا بطلوع الروح مافيش الكلام بتاع عندنا ده أبدا بس لينا ميزه زهي ان اللي معاه رخصه مصري له الحق يخش يمتحن على طول لكن لو معاكش لازم تحجز في مدرسة تعليم من شهر لثلاثة وبعدين تمتحن والامتحانات هنا إيه شارع و إل وإس ودول لوحدهم مشكلة
من ضمن الحاجات الفظيعه اللي هنا كنا ماشيين بعربية حوالي الساعه 2 بليل على الكورنيش ومافيش تقاطعات الطريق طوالي وفجأة الراجل اللي كان سايق فرمل مرة واحده بطريق غريبة وانا اتخضيت ولما بقوله فيه إيه ؟ تخيلوا عاملين إشارات مخصوصة للمشاه اللي عايزه تعدي الشارع يعني حضرتك وانت ماشي على رجليك وعايز تعدي فيه زرار في الاشارة تدوس عليه الشارع كله يوقف لغاية ما حضرتك تعدي !!!!!!!!!!!!!!!!!!1
وعظيمة يا مصر
-
الله ينور يا حسام
فكرتني بنفسي لما وقفت في الكمين عشان نوقف سواق التريى اللي كان ماشي على الدائري على 130
وللاسف هرب من منزل فرعي
بس بجد الله ينور
ومن يتق الله يجعل له مخرجا
وانت قصدت خير انك تفادي وقوع حادثة لغيرك
قام ربنا باعتلك البوكس ده نجدة
ربنا يعنك وانت صح
ولازم نكون ايجابيين فعلا
-
اولا يا حسام جزاء الله خيرا على ما قمت به فهذا هو المسلم الحق ، فقد قمت بمنع هذا الشخص من محاولة استكمال مسيرته فى تسبيب اذى الى ناس اخرين
ثانيا يجب ان اشيد بموقفك ، و انبه على اخوانا فى المنتدى ان من يريد ان يفعل مثل ما فعلت ان يكون ملتزم بهدوء اعصاب و متحكم فى انفعالته حتى لا يتطور الموضوع من محاولة تصحيح وضع خاطىء الى ( محضر) مشاجرة بين ( 2 سائقين فى الشارع) لان مثل هؤلاء الحياة عملت منهم نماذج غريبة من البشر ، و ممكن الواحد فيهم لما يلاقى ان مفيش فايدة من التحايل عليك فيروح مستفزك علشان تتخانق معاه ، تقوم المسألة تتغير تماما .
تحياتى لك ، و ان شاء الله تكون معظم تصرفاتنا ايجابية مثل التصرف الذى قمت به
-
جزاك الله خيرا على حسن صنيعك
وثبتك بالقول الثابت ووقانا وإياك شر الفتن ما ظهر منها وما بطن
-
يرافو عليك يا ابو ليليا..ياريتني نصفك..وياريت كل الناس تعمل زيك
-
سؤال
هو ليه اتعمل محضر منك ضده
هو المشي في المعاكس مش ضد القانون و الراجل اعترف للأمين ؟
انا اقصد طالما انت بلغت عن مخالفة ضد القانون مش ضد حضرتك ليه اعتبروك طرف في المحضر ؟
لو حد شاف واحد بيكسر عربية راكنة و بلغ هل كدا يبقى كأنه بيعمل محضر ضد اللي كان بيكسر العربية ؟ رغم انه مش طرف في الموضوع ؟
-
النهاردة الصبح و انا نازل الشغل من منزل المقطم بتاع صلاح سالم و عند التقاطع بتاع الشرطة العسكرية كان فى بلدوزر من الكبار ماشى على الشمال و داخل شمال فى التقاطق و هوب الباشا راح داخل عكس الأتجاه فى الطريق اللى طالع و فضل ماشى حوالى 200 متر لغاية ما دخل فندق بلير اللى بيعيدوا بنائه، بصراحة مقدرتش اسكت علشان كان ممكن يسبب كارثة، لفيت و رجعت، ركنت و طلبت النجدة و ابتدى الموال، معلش يا باشا، ده راجل غلبان، ده راجل كبير، المسامح كريم و لما ما نفعش معايا الكلام ده، اتقلبوا على الوش التانى، اعمل اللى تعمله، حرك العربية من هنا علشان ما تتخبطش، اللودر ده ما بيخرجش اساسا من المشروع، المهم جت النجدة، الأمين اخد بطاقتى و بطاقة السواق و قالنا حصلونى على النقطة، رحت طلبت منه انه ياخد معاه عامل نظافة كنت شفته شغال فى الحتة اللى البلدوزر مشى فيها عكس و فعلا اخده معاه و رحنا نقطة المقطم و عملنا المحضر واخدت رقمه و ان شاء الله اتابعه.
Content Relevant URLs by
vBSEO 3.6.0 PL2