انا بجد معجبة جدا بإيجابية حضرتك ورد فعلك على الموقفين دول :k49: وربنا يكتر من امثالك بجد عشان نوقف الناس دي عند حدهم بقي :036: ويبطلوا استهتار .
انا فعلا لما بلاقي ناس ماشية عكس الإتجاه بقول دول حلال فيهم ان حد يخبطهم ويدمرلهم عربياتهم بجد :unibrow: لانها من اخطر الحاجات اللي في الطريق واللي ممكن تؤدي لحوادث ممكن تسبب الوفاه لاقدر الله لانك بتبقي ماشي ومش متوقع ابدا ان في حد جاي في وشك في الاتجاه ده :sad:.
بس الصراحة انا مش ايجابية اوي زي حضرتك كده انا لما بلاقي حد ماشي عكسي اقصى حاجة بعملها اقول حسبي الله ونعم الوكيل فيه وفي اللي خلاه يمشي عكسي من غير حساب وممكن اخري يعني لو قفل عليا الطريق بتاعي اصدر دماغي ومراضاش ارجعله ولا سم واحد واقوله انت اللي ترجع ده طريقي انا ، لكن فعلا بيبقي نفسي ابلغ عن كل واحد ماشي عكسي وتطبق عليه عقوبة السجن والإعدام كمان مش الغرامة وبس.
انا مرة بعد مخلصت منزل كوبري اتجاه واحد فقط والناس بتمشي عليه بسرعة لاقيت ميكروباص سوزوكي الصغير ده طالع الكوبري عكسي بجد بقيت مذهولة :k41: ومش مصدقة ازاي في حد بالتخلف والغباء ده وقلت والله لو حد خبطه ووقعه من فوق سور الكوبري يبقي حلال فيه وبجد دعيت عليه :unibrow: لاني تخيلت نفسي وانا نازلة من على الكوبري وماسكة شمال بسرعتي اكيد كان هايخبطني لا محالة ويمكن العربية تتقلب كمان لا قدر الله.
ومرة وانا برده على نفس الكوبري لاقيت عربية مخبوطة خبطة جامدة ووشها في الإتجاه المعاكس ومركونة فوق الكوبري زي ماهية مش عارفة بقي هل ده كان طالع الكوبري عكسي برده فاتخبط بالشكل ده ولا كان ماشي عادي والعربية عومت منه مثلا واتقلب اتجاهها ولا ايه بس الإحتمال الأكبر انه كان طالع عكسي وبصراحة لو كان طلع عكسي يبقي فعلا يستاهل اللي جراله في عربيته :devil:.
بجد حسبي الله ونعم الوكيييييييييييل.
وتحية كبيرة جدا لحضرتك على الإيجابية دي بجد :k49: