بعد ما نزلت الوكاله حسيت انها عبارة عن اشتغلات اون لاين فى شويه خرده
مكنتش متوقع ابداً ان الاقى قطع غيار بالمنظر ده وباستهبال الناس الى موجود هناك ده
ركنت العربيه لاقيت واحد بتاع فرش جاى بيقولى أامر يا باشا عاوز فرش قولتلو شكراً لا جاى لحاجه تانيه
طيب أأمر اجيبلك ايه فسئلتو عن بتوع قطع غيار اوبل قالى تعالى و راح معايا لواحد بتاع خرده كده فا قولتلو عاوز طلمبه سبنى بتاع 10 دقايق وجالى وصدمنى وجابلى الطلمبه هى مضموناً وهيكلاً طلمبه بنزين بس شكلاً و تشغيل طلمبه جاز معفنه جداً و فيها حتت مطبقه .
جربتها طبعاً وزى ما توقعت لاقيت فيها صوت صفاره عالى اوى والراجل بيقولى ده طبيعى علشان ما فيش فيها بنزين بس ان ابقى حطيلها شويه زيت باور وركبها وعلى ضمانتى كام بقى يا عم الحاج بيقولى علشان خاطرك انت بس هاحسبهالك 300 جنيه :M_yes[1]:
بقولو انت تعرفنى منين علشان تعملى خاطر سيبتلو الطلمبه ومشيت ماشى ورايا لغايه لما خرجت من الوكاله واخر سعر قالو فيها 90 جنيه وانا مبردش اصلا ومبقولش غير شكراً
روحت بقى صقر قريش عند محل New Opel جيبت طلمبه Meyle المانى الصنع وضمان 4 شهور ب 450 جندى :rolleyes: الحمد لله طبعاً مش مهم الفلوس خالص المهم ان تكون حاجه نضيفه واشيلها من دماغى متعمليش وش فى نفوخى كل شويه
ودى صوره الطلمبه
http://imageshack.us/photo/my-images...110823001.jpg/http://store1.up-00.com/Jun11/AtF13666.jpg http://store1.up-00.com/Jun11/cR413666.jpg
وقولت بالمره بقى اجيب تيل فرامل قدام و ورا علشان مسافر ان شاء الله اول الاسبوع الى جاى وابقى مريح دماغى من العربيه
جيبت تيل الفرامل الامامى Remsa ب 125 جندى
و تيل فرامل خلفى Meyle ب 130 جندى
ويارب كفايا كده بقى
ناقصلى بس التكيف اظبتو قبل السفر ان شاء الله وكده يبقى كلو تمام :unhappy: