السلام عليكم
ادخل للموضوع وبدون مقدمات طويلة
انا قررت اني اشتري الساجا بعد معاناه طويلة ومقارنات وووو والحمد لله اخذت استخارة مرتين وطلعت استخارة حميدة وهذا ما شجعني اكثر ولله الحمد
الموضوع اني انا عندي كم سؤال في دماغي عايز حد يجاوبني عليهم واكون متشكر جداً
1- البنزين الي هستخدموا في العربية هيكون نوعه ايه؟؟ ممكن مثلاً 92 عادي او ال95 يكون احسن مثلا؟؟؟
انا بستخدم 92 يا فندم وزي الفل العربية معايا
2- الي معاه الساجا ينصحني بـ ايه بـ امانة ؟؟ رغم اني عايز اجيبها اوتوماتك فـ ايه النصايح علشان احافظ على العربية ان شاء الله لو ربنا سهل؟
العربية مش ها تلاقي افضل ولا احسن من كده اوتوماتيك في الفئة السعرية دي !! ولو كنت ها تجيب مانيوال كنت ها اقولك هات اللوجان !! لأننا اتناقشنا مع الأعضاء في الموضوع ده مية مرة !! لو مانيوال هات اللوجان !! لو اوتو خليك في الساجا الفتيس بتاعها ممتاز والعربية لا غبار عليها
3- لما اروح المعرض ان شاء الله عن قريب اتفرج على ايه في العربية بـ الضبط؟ اصل اول مرة اشتري عربية ودي اول تجربة فـ معنديش الخبرة الكافية ياريت نصائحكم
حضرتك اتفرج على شكل التابلوه على شكل العدادات العربية كمجمل انتا ما زلت بتتفرج يعني خد فكرة عن شكر العربية راحتك النفسية ليها مدى تقبلك لشكلها ها يختلف تماما
4- بـ النسبة لترخيص العربية هل حيطول ولا حسب؟؟ و ايه الي هحتاجه علشان ارخصها ؟؟ رغم اني مش مصري؟؟
ولا ها يطول ولا حاجة انا خلصته في 3 سااعات وكنت بدلع كمان !! ولكن حوار انه حضرتك مش مصري مش عارف بصراحة بس معتقدش ها يعمل حاجة
5- هل العربية فيها مشكلة عامة يعاني منها الجميع ولا ماشية كويس؟؟
لو فيها حضرتك خد جولة في القسم ها تعرف انه العربية الحمد لله مفيش فيها مشاكل نهائيا فعلا .. ودي امانى ادبية ها اسئل عنها اني هل دليت حضرتك على الصح ام كذبت عليك وخدعتك
6- انا اتصلت بـ التوكيل وقالي تدفع مقدم وتستلم في النص التاني من شهر 9 ان شاء الله
فـ هل هناك اي مشكلة مع التوكيل مثلاً من ناحية التأخير او الكلام ده؟
لو مستعجل خليك في معارض محترمة !! لكن لو عايز التوكيل انا عارف انه التوكيل بيتأخر فعلا لأنه عليها العربية ضغط واقبال رهيب فعلا ..
وشكراً ليكم جداً انا استفاديت منكم كتير جدا جدا وان شاء الله افضل اشارك معاكم على طول
ادعولي ربنا يوفقني ان شاء الله ويعني على الاختيار يارب
شكرا مقدما
المفضلات