السفر مسافه طويله بالأ fsv

**karimbow1** · 17-08-2011 12:45 PM

السلام عليكم ورحمة الله

الأخوه اللي معاهم FSV عندي موضوع شاغلني وعايز اتاكد منه:
أنا كان معايا لانسر 2005 مانيوال 1300 وكنت بسافر بيها من القاهره لسوهاج ومشغل التكييف وكانت ماشاء الله عليها زي الفل ، وبعد مابعتها بفكر وتقريبا وصلت لقرار اني اجيب FSV أو BYD الاتنين اوتو ، هل الاتنين وخاصة FSV تقدر تعمل مشوار زي ده رايح جاي في اسبوع او اقل ، يا ريت تفيدوني وشكرا

**TeMoON** · 17-08-2011 03:06 PM

يا راجل حرام عليك تبئة راكب لانسر وتروح تركب صينى بجد حرام

**karimbow1** · 17-08-2011 03:30 PM

انا بعت اللانسر عشان احتاجت فلوسها ، مبعتهاش عشان خاطر اغير ، ودلوقتي مفيش معايا اللي اجيب بيه لانسر تاني وخصوصا ان كعبها علي قوي

**momo2003** · 17-08-2011 04:47 PM

السلام عليكم انا معايا fsv و سافرت بيها مطروح ب 4 اشخاص و كنت بجيب بيها 160 و كان ممكن ازود و التكييف شغال طبعا بدون اي مشكلة و الحمد لله مع ثبات رائع

**TeMoON** · 18-08-2011 03:07 PM

ربنا يفك كربك ولو تعرف تستنى شوية وتزود الفلوس وتركب حاجة يابانى تانى يكون افضل لان حضرتك لما هتركب الصينى دى من بعد ما ركبت اليابانى هتدايئ من العربية ومش هتبئة مبسوط بيها وممكن تقول بينك وبين نفسك انا كنت استنى شوية احسن لان انا لو مكانك هحاول استنى شوية واشوف حاجة احسن بدل ما اجيب الصينى واندم علية وربنا يوفقك للخير يارب ويرزقك وتجيب الاحسن ان شاء الله

**kogak1987** · 18-08-2011 05:45 PM

على فكرة العربيات الصيني اتطورت اوي خصوصا البريليانس من انضف الماركات و اكثرها احتراما في مصر و تتفوق على ماركات تانية كتير مش صيني ... و لو انت مستريح لل fsv اتوكل على اللي و صلي صلاة استخارة لانها عربية محترمة موتور و ثبات و توكيل محترم و اوبشنز و صاج ناشف اعلى من اللي غبور بينزله في عربياته بكتير مع العلم اني مش من ملاك العربية بس انا كنت ناوي اشتريها عن تجربة في عربية واحد صاحبي و اجلت الموضوع و ان شاء الله قريب هجيب ال frv cross

**bassem.kamal** · 19-08-2011 04:24 AM

انا مش فاهم اية الهجوم اللي علي الصيني من غير تجربة دة !! يا جدعان يارييييت ننمي تفكرنا شوية s:

**karimbow1** · 19-08-2011 03:59 PM

بعد مابعت العربيه ركبت تاكسيات كتير بي واي دي وكلهم كانو كويسين بيشدو وياخدو غرز وزي الفل وحتى سواقينها مبسوطين بيها ، بالنسبه لل أف أس في مجربتهاش للأسف شفتها بس مع واحد ساكن قريب مني وكنت بفكر فيها لأنها أحلى من البي وادي دي

يا أستاذ باسم بعد إذنك أنا كنت بعتلك عالخاص بس انت مرديتش عليا لأني كنت عايز اتعرف بحضرتك ولو أمكن اقابلك لو عندك وقت عشان اشوف عربيتك لأنها أوتو زي اللي بفكر اجيبها فياريت حضرتك ترد عليا أو تبعتلي عالخاص برضه وانا شاكر ليك