الموضوع: السفر مسافه طويله بال BYD F3 Auto

اولا اهلا بيك يا استاذ كريم.. ثانيا انا العربية لسه معملتش بيها مسافات طويلة كسفر يعني.. لكن اقدر اطمنك من حاجة واحدة ثبات و سحب و اتزان زي الفل مع العلم ان الب واي دي اتقل و اعلي من ال اف اس في و ده عن مقارنة حقيقة بين الاتنين لاني كنت عايز اجيب ال اف اس في لحد ما زهقت من انتظارها و كمان زيادة سعرها المبالغ فيه مع العلم ان الاتنين نفس الموتور.. ده 107 حصان و ده 107 حصان مع اختلاف ان ال اس اف في ستيبترونيك و دي بالنسبة ليا مش ميزة اوي يعني اكتشفت في الاخر ان مالهاش لازمة اوي مع اني كنت متمسك بال اس اف في علشان الموضوع ده ... يعني السحب واحد .. حاجة تانية حستها و الله اعلم ان الب وا دي اوسع و بحيادية تامة و الاهم بقي من ده كله قطع الغيار بتاعت الب واي دي موجوده في اي مكان شارع دمشق و التوفيقية و كمان في التوكيل و الاحسن التوكيل لان اسعاره رائعة و رخيصة جدا علي عكس ال اف اس في اسعارها مش هقول غالية.. متوسطة بس مش موجوده غير في التوكيل بس و مش متوفرة بره.. تاني حاجة الب واي دي قطع غيارها تويوتا كورولا 2007 و لانسر بومة اما ال اس اف في مالهاش حاجة معينة يعني البي واي دي تعدد مصادر قطع الغيار ... اهم حاجة بقي السعر الب واي دي الاتوماتيك 80 الف امل ال اف اس في بقت ب 89 الف و بصراحة السعر مبالغ فيه اوي لو هدفع 89 الف معلش يبقي ازود شوية و اجيب حاجة ياباني بقي .. اه انا راكب صيني و عربية محترمة بس الياباني ياباني ... و اي استفسار انا تحت امرك و اسف علي الاطالة

حاجة تانية نسيت اقول لسيادتك عليها انا بشوف عربيات بي واي دي كتيرة ملاكي سوهاج و كمان العربية مع واحد صحبي عن تجربة هوه سبب اقتناعي بيها جدا لانه مهندس بترول و بجد مبهدل العربية معاه .. انا بحس ان بنتي بتتبهدل هههههههههههههههه بس لاقيتها ناشفة و بنت حلال و مبتقلش لا و ربنا يهديك للي فيه الخير ليك ان شاء الله

متشكر قوي ليك يا techno باشا واسمحلي لو بعتلك عالخاص بعد كده عشان استشيرك بخصوص العربيه

الأستاذ عماد: ممكن حضرتك توضح اكتر ، أنا شفت مشاركات ومواضيع كتير ليك في قسم الصيني فياريت حضرتك توضح اكتر

لا سافر و متقلقش

خاااااااااالص بس طبعا قبل السفر تعمل تشك عالعربية بطارية و كاوتش و زيت و خلافه ....و ربنا يستر طريقك

فى اول صيانة لى فى مركز العباسية وجدت سيارة لونها دهبى والصاج واخد كام فعصة سالت صاحبها قال لى اسافر اسيوط مرتين اسبوعيا وعملت 60 الف كيلو فى وقت قصير سالته سبب زيارته للتوكيل قال لى الصيانة العادية وانا فى القطامية رايت f3 جميلة لونها نحاسى على نبيتى صاحبها قال لى اسافر بها مرتين اسبوعيا الى الاسكندرية
عزيزى صاحب الموضوع كلنا نعرف ان سواقين سوهاج يحبوا السرعة كما عاهدناهم على الطريق ايام ماكان الطريق الزراعى بدون مطبات الان عندك الصحراوى الشرقى رائع وينتهى عند اسيوط يعنى تسوق اخر روقان ومعاك السرعة المسموح بها 120 كيلو وهاتكمل الباقى زراعى حسب معلوماتى معاك سيارة هاتسافر بيها انشاء الله يوميا مادام غيار الزيت وتربيط عفشة فى ميعاده وسوف تجد سوهاجية اشتروا السيارة ايام ما كان المانيوال ب 84 الف لاتخف من ال byd انا فى المنيا اجد لها اى قطع غيار فى اى وقت ولكن الحاجة التى تشتريها وتخزنها عندك احتياطى حاجتين فلتر البنزين وتيل الفرامل الخلفى وشكرا
بالمناسبة الاستاذ عماد جده سوهاجى

لا شكر هلي واجب يا باشا و انا تحت امرك في اي حاجة من اول الاسئلة افيدك علي قد خبرتي لحد الشراء و الاستلام و الترخيص و ربنا يكرمك تن شاء الله

الbyd سمعت عنها كل خير يكفى انها مطحونة فى مصر