هام الدخول للجميع

**Zika9909** · 18-08-2011 11:56 PM

مكاتب السواقة عمرها ماهتعلمك حاجة عدلة، أهم حاجة تطلع رخصة و تشتري عربية مستعملة حالتها كويسة و تكمل تعليم مع نفسك.
ممكن تروح مدرسة المرور (في مرور الدقي إللي في بين السرايات) و تحجز عندهم و بتمتحن تبعهم و غالبًا هتنجح، بس بالهم طوييييييييييييييييييييل أوي يعني ممكن تحجز في سبتمبر تبدأ تدريبك في نوفمبر أو ديسمبر و ممكن يناير 2012، و كمان هتدفع إكراميات للمدربين و إلا المدرب هيطلع عينك (ده موظف حكومة).

**mazagngi2010** · 19-08-2011 02:18 AM

حسب قابليه حضرتك
انا اشتريت العربيه وانا مبعرفش اسوق ولسه مطلعتش رخصه لحد دلوقتى
اول يوم خليت زميلى يعلمنى النقلات
وبصراحه ادانى الثقه جامد واستفدت جدا من المنتدى ده بصراحه فى مواضيع السواقه خصوصا موضوع نصائح الاخ اللى لسه جديد وخوفه قل
وقلت ممنهاش بقى وهتعلم لوحدى بالتدريج ومش هخلى حد ينزل معايا
تانى يوم الفجر خدتها لوحدى على حدايق الاهرام علشان فاضيه واعرف اوزنها فى المطالع ومتريحش منى واظبط رجلى على الدبرياج علشان متبطلش
تالت يوم طقت فى دماغى و روحت بيها من الهرم للزقازيق دايرى فى زراعى بس قبل المغرب بنص ساعه لان الطريق بيكون فاضى
ودلوقتى الحمد لله اتعودت على العربيه جدا بعد اسبوع من شراها ومقضيها زقازيق-جيزه-شغل زراعى على صحراوى رايح جاى
مشكلتى الكبيره دلوقتى هى الركنه جبان جدا فيها
المهم تجمد قلبك وتنزل بالتدريج وتتعلم فى حته فاضيه وواسعه وفى اوقات مفيهاش ناس
وحط فى بالك ان اللى سايقين جنبك مش اساتذه قوى زى مانت فاكر خصوصا الاقاليم (كتير منهم بيخاف من اى حاجه وهيشلك) والهرم وفيصل ولله الحمد بدات اتطبع بطبعهم(واخدينها بالدراع وقله الادب واخر غشوميه)
وربنا يسترها عليك وعلينا

**ManUnited10** · 19-08-2011 03:29 AM

المشاركة الأصلية كتبت بواسطة zika9909

مكاتب السواقة عمرها ماهتعلمك حاجة عدلة، أهم حاجة تطلع رخصة و تشتري عربية مستعملة حالتها كويسة و تكمل تعليم مع نفسك.
ممكن تروح مدرسة المرور (في مرور الدقي إللي في بين السرايات) و تحجز عندهم و بتمتحن تبعهم و غالبًا هتنجح، بس بالهم طوييييييييييييييييييييل أوي يعني ممكن تحجز في سبتمبر تبدأ تدريبك في نوفمبر أو ديسمبر و ممكن يناير 2012، و كمان هتدفع إكراميات للمدربين و إلا المدرب هيطلع عينك (ده موظف حكومة).

انا بردو مكنتش مقتنع في حكاية المكاتب بس اعمل ايه مفيش حتى عربية اتعلم فيها ف اضطريت اروح لمكتب السياقة
حكاية المرور دي صعبة عليا شوية لان الطريق بعيد ومواصلات رايح جاي وانا دلوقتي عندي التزامات ف انا لازم احدد الوقت مش هم علشان عندي وقت محدد التزم فيه خصوصا في رمضان
وشكرا عزيزي على مساعدتك ليا وربنا يجازيك كل الخير يارب

**ManUnited10** · 19-08-2011 03:34 AM

المشاركة الأصلية كتبت بواسطة mazagngi2010

حسب قابليه حضرتك
انا اشتريت العربيه وانا مبعرفش اسوق ولسه مطلعتش رخصه لحد دلوقتى
اول يوم خليت زميلى يعلمنى النقلات
وبصراحه ادانى الثقه جامد واستفدت جدا من المنتدى ده بصراحه فى مواضيع السواقه خصوصا موضوع نصائح الاخ اللى لسه جديد وخوفه قل
وقلت ممنهاش بقى وهتعلم لوحدى بالتدريج ومش هخلى حد ينزل معايا
تانى يوم الفجر خدتها لوحدى على حدايق الاهرام علشان فاضيه واعرف اوزنها فى المطالع ومتريحش منى واظبط رجلى على الدبرياج علشان متبطلش
تالت يوم طقت فى دماغى و روحت بيها من الهرم للزقازيق دايرى فى زراعى بس قبل المغرب بنص ساعه لان الطريق بيكون فاضى
ودلوقتى الحمد لله اتعودت على العربيه جدا بعد اسبوع من شراها ومقضيها زقازيق-جيزه-شغل زراعى على صحراوى رايح جاى
مشكلتى الكبيره دلوقتى هى الركنه جبان جدا فيها
المهم تجمد قلبك وتنزل بالتدريج وتتعلم فى حته فاضيه وواسعه وفى اوقات مفيهاش ناس
وحط فى بالك ان اللى سايقين جنبك مش اساتذه قوى زى مانت فاكر خصوصا الاقاليم (كتير منهم بيخاف من اى حاجه وهيشلك) والهرم وفيصل ولله الحمد بدات اتطبع بطبعهم(واخدينها بالدراع وقله الادب واخر غشوميه)
وربنا يسترها عليك وعلينا

شكرا يا باشا على الرد المفيد صراحة شجعتني اني اشتري عربية وانا ان شاء الله حجز العربية قريب واستلمها بعد شهر ان شاء الله اكون تعلمت فيها كل حاجة بـ اذن الواحد الاحد
انا ناوي ااجر عربية دخلت في دماغي بس ااجرها واطلع فيها الفجر او الصبح يبقى مفيش حد والشوارع رايقة واتعلم براحتي وعلى مزاجي زي ما بتعمل حضرتك وبعد كده ابتدي مثلا بعد يومين انزل بيها الهرم اصل الحكاية انا عارف ان كلها حكاية تدريب وممارسة وهلاقي الموضوع سهل ان شاء الله وفعلا انا نزلت الهرم بصراحة قرفت اوي من السواقين خصوصا المكروباصات
بيكسر عليك في ثانية ويشتت انتباهك
شكرا ليك عزيزي على الرد المفيد بصراحة استفاديت منك كتير لانك تقريبا زي حالتي في الاول
وربنا يكفيك شر الطريق يارب

**ManUnited10** · 19-08-2011 03:37 AM

المشاركة الأصلية كتبت بواسطة osama.m

حضرتك شوف الموضوع دا هيفيدك
http://www.nilemotors.net/nile/127724-a.html
حضرتك حدد اية اللي انت ضعيف فية و حاول تتدرب علية كتير
اهم حاجة تكون واثق في نفسك و ميهمكش من اي حد في الشارع انت لسة جديد و هو مفكر نفسة السائق الاوحد في العالم

شكرا لحضرتك اوي موضوع رائع وشفته وبصيت عليه في نصايح رائعه جدا
ان شاء الله هحاول اعمل الكلام ده وااجر عربية اتدرب عليها مفيش غير حل ولا ايه

**A.Saad** · 19-08-2011 08:44 AM

تأجير العربية فى مصر شيء سخيف
اغلب المكاتب نصب
بيوصلوا انهم يدوك العربية ناقصة زيت او غطا ردياتير بايظ
والعربية تسخن وتتبهدل منك وتصلحها على حسابك
ابعد عن الفكرة دى

مدرسة المرور
بيعلموك تطلع الرخصة ازاى وتعدى من الامتحان ازاى

**mbx4e** · 19-08-2011 07:37 PM

على فكره الناس اللي علموك كويسين
انت دلوقتي في مرحلة اكتساب الثقة بس ماتخاولش تسرع او تزيد عن 100
وبعد كدا هاتجيلك مرحلة الغرور حلي بالك منها ( في ناس بتضيع بسبب المرحلة دي )

**ManUnited10** · 19-08-2011 08:19 PM

المشاركة الأصلية كتبت بواسطة mbx4e

على فكره الناس اللي علموك كويسين
انت دلوقتي في مرحلة اكتساب الثقة بس ماتخاولش تسرع او تزيد عن 100
وبعد كدا هاتجيلك مرحلة الغرور حلي بالك منها ( في ناس بتضيع بسبب المرحلة دي )

طيب لو كانوا كويسين كنت زماني مستريح وجايب عربية انا لسة قلقان وخايف اني اجيب عربية ومتردد من الحكاية دي كل شوية اقول حاجة وارجع عن القرار
انا عايز اجيب عربية جديدة ومش عايز امرمطها لا سامح الله او اخبطها او يحصلها حاجة لا سامح الله عايز ادخل العربية وانا واثق من نفسي وخلاص بمشي في كل حتة
فـ تقترح حضرتك اعمل ايه؟