الموضوع: المقابلة الثالثة قسم ميتسوبيشى (حدائق جاردينا ) 17/08/2011

بسم الله الرحمن الرحيم

كل سنة وانتم جميعا طيبين

تم بحمد الله وفضله المقابلة واليكم التقرير التالى :

فى البداية احب اشكر للمفاجأة الكبرى اللى اخجلنى بكرم اخلاقه وتواضعه وتلبيته لاول طلب اطلبه منه و ده من كرم اخلاقه الاستاذ / كريم منير رئيس مجلس الادارة الموقر ( بالرغم من ان اكتر من شخص توقع المفاجاة بس بالنسبة ليا كانت مفاجاة جامدة جدا ).

اولا : إثبات الحضور

1- اعوذ بالله من كلمة انا كنت اول الحاضرين وفى انتظار باقى الاعضاء وشرف استقبالهم.

2- الكابتن مومو 44 ووصل بمشكلة بس الحمد لله اتحلت.

3- الاستاذ الدكتور / فانى ميكى وبونبوناية المقابلة ( علشان عريس ).

4- البرنس الكبير قوى محمد بك الجرجاوى بس كان سايب المانجة فى العربية.

5- الاستاذ الخلوق المحترم اسامة بونانزا ومقابلته الجميلة جدا ( عريس رقم 2 ).

6- حبيب قلبى محمود ديفل شنايجر وصاحبه محمود اللى كانوا منورينا.

7- المنتحر دائما ووحش الصحراء محمد عبد الله.

8- واخيرا وليس اخرا باسم سعيد اللى جالنا متاخر وحظنا وحش مقعدناش فترة طويلة.

طبعا مكنش الحضور كله مع بعض واحد يليه الثانى وهكذا حتى تم التجمع بالكامل وكانت قاعدة بصراحة ولا اروع ولا اجمل من كده اكتر مما توقعت بالمرة المقابلة الثانية اللى فاتت بالنسبة ليا كانت اول واحدة فى دار المركبات كنت سعيد جدا انى بشارك لاول مرة فى حياتى فى مقابلات تخص اى موقع على الاطلاق عمرى ما فكرت او توقعت انى اقدر اعرف ناس غاية فى الاخلاق والذوق والاحترام والله مهما قلت مش هاعرف اعبر عن سعادتى البالغة ، ونظرا لانى مش برجح التجمعات ذات العدد الكبير من الناس ( طبعا انا بعتذر ده راى شخصى طبع يعنى ) فبذلك بعتبر المقابلة دى من احسن المقابلات اللى اتعملت وانا موجود فيها لانى شفت الناس اللى اول مرة شفتها فى المقابلة الاولى ليا وشفت ناس جديدة فى المقابلة الثانية واصدقائى ولله الحمد فى زيادة .

سامحونى لانى مش بعرف اصيغ المواضيع كويس ودى اول مرة فى حياتى اعمل كده وصدقونى لو اقولكم انى مش عارف قد ايه اعبر عن فرحتى البالغة بوجودى وسط الناس المحترمة دى والاخلاق العالية وبعدين قعدنا نتكلم عن مواضيع منها الجانبية ومنها العامة بس للاسف مكنش فيه سحور والا حاجة علشان فيه ناس اعتذرت لتاخر الوقت وقعدنا نصلح فى لمض الحزام والانتظار ومحاولة تشغيل الحزام عندى فشلت مش عارفين ليه والانتظار شغالة تمام واحب اشكر العضو الكريم استاذى اسامة على الهدية الجميلة وعلى كمية اللمض اللى معاه وبعد ما مشى امتشفت ان بقيت لمض التكييف مش شغالة بس ملحوقة ان شاء الله وان شاء الله الصور تنال اعجابكم معرفش الكاميرا بتاعتى كانت مخضوضة ليه هيست شوية بس اشتغلت البركة بقى فى صبحى ومومو قاموا بالواجب وعايز اقول يا جماعة الناس اللى مجتش المقابلة دى قد ايه انا زعلان انا مش هاقول اسامى علشان هما ماشاء الله ناس كتيير وكانت هاتبقى احلى بيكم وتتعوض المرات القادمة باذن الله وفيه افطار قريب مع بعض هانعمل تنويه عنه باذن الرحمن عن قريب بس نستقر على مكان كويس ونعرف نتجمع فيه وكل سنة وكلكم بخير يارب ويارب اكون منستش حد او حاجة والاخوة اخواتى لو فيه حاجة هايضيفوها واليكم الصور وتفضلوا بقبول فائق الاحترام والتقدير والسلام عليكم ورحمة الله وبركاته

ماشاء الله عليك يا درش تقرير ممتاز ورائع وشكرا على مجهودك العالي ( بس الصور عايزة شوية تظبيط ) وشكرا على ذوقك وكلامك المحترم وطبعا الاستاذ كريم كان منورنا وكانت مفاجأة ممتازة وكان مشرفنا ويا ريت يشرفنا على طول وطبعا كل الشكر لجميع الاعضاء اللي شرفونا وحضروا وخصوصا محمد عبدالله رجل المنوفية الاول وطبعا اسامة بك وطبعا مومو وديفل وصديقه والعريس القادم بقوة صبحي ميكي وكل سنة وانتوا كلكوا طيبين وان شاء الله نتجمع على خير في تجمع الافطار بس متنسوش تاكلوا المانجه