الموضوع: نداء هام جدا وعاجل بخصوص لانسر بوما 2006

المشاركة الأصلية كتبت بواسطة mohammedabdallh

اولا اهلا بيك
لمبة التبلوة اكيد محروقه
ولمبة الاتوماتيك برضه نفس الكلام والسنتر عاوز يظبط
كل ده اكيد صاحب العربية كان بيغسلها كتيير نفس المشكله عندى لحد ما السنتر عمال يعلق وفصلته خالص من الغسيل تقريبا اتحرق لمض التبلوة بتتحرق لوحدها
المشكله كلها تنحصر فى كهربائى كويس يظبطلك الموضوع ده كله

الف شكر لأهتمامك - وعاوز اعرف لمبة الايرباج ده لما تكون منورة على طول معناها ان فيه خلل فى نظام الايرباج - وهل ده معناه انى لازم اجيب ايرباج ديد ولا اعمل ايه

بص يا باشا انا كان عندي نفس مشكله الايرباج دي وروحت علي التوكيل قالولي لازم اسطوانه الsrs تتغير ب1200 جنيه تقريبا بس انا قولتلو يصلحها و فعلا اتصلحت و زي الفل معايا بقالها 3 سنين و كانت التكلفه 250 جنيه ودا كان في توكيل مصريه مش عارف بقي الاسعار في التوكيل الجديد ايه و نصيحه متفكرش تعملها بره التوكيل او متعملهاش خالص علشان ممكن تفتح منك وانت ماشي لاقدر الله

لامبه d اضعف لمبه فيهم واسرع لمبه تتحرق لانها اكتر واحده بتشتغل ممكن تغيرها عند اي كهربائي ارخص من التوكيل
ممكن يكون نور التابلوه بسبب فيوز فعلا الكهربائي لما يكشف علي الفيوزات هيعرف بس ياريت يكون كهربائي كويس علشان ميبوظش حاجه تانيه لان واحد صاحبي معاه بومه 2005 الكهربائي حرقلو الشريحه كلها ودي تمنها في التوكيل 8000 جنيه وطبعا صحبي ماشي من غيرها لاabs ولا srs ولا ebd ولا اي حاجه بتشغلها الشريحه فخد بالك وشوف كهربائي كويس

باشا لما بتشغل النور الصغير بتاع العدادات انزل بص على الفوانيس شوفهم شغالين ولا لاء
لو لمبه شغاله ولمبه طافيه يبقى ده فيوز النور الصغير غيره عند كهربائى بيفهم الموضوع بسيط انشاء الله ومش هيتكلف حاجة
بالنسبة للمبة الايرباج حاول توديها التوكيل افضل هيا ممكن تكون الشريط اللى فى الدريكسيون وده تقريبا ب 250 جنيه انما لو الحساسات والوحدة الموضوع هيعدى الالف جنيه على ما اعتقد بس نورها ده معناه انها مش شغاله

الف شكر على الردود يا جماعة وربنا يجازيكم خير - ممكن اعرف افضل مكان اكشف عليه على السيارة علشان نشوف علاج للموضوع ده

التوكيل هو احسن مكان يكشفلك علي العربيه من اولها لاخرها والservice كامل ب 150