besara7a maodo3 filgoal
besara7a maodo3 filgoal
الموضوع سسسسسسسسسسهل مستصعب
انا هرد على توت الاول لانه بيقول ربنا يخلى الحكومه بتدى رخص من غير تعليم
سعادتك عارف ان القياده مش صعبه واغلب البنات بيستصعبوا انهم يعرفواالجزء النظرى وما يخص الميكانيكه بتاعه العربيه لان الموضوع لا يستهوى البنت خلاص معتمده على والدها او اخوه او . او هو اللى بيشيك على العربيه ويصلح العيوب
لكن ده مش عذر لكل بنت بتركب عربيه وبتمشى لوحدها ممكن تتعرض لمواقف محرجه على الاقل لازم تعرف اساسيات وو ازاى تتصرف صح فى مواقف طارئه لعربيتها
شخصيا انا بكرهه حاجه اسمها ميكانيكا السيارات يعنى مستحيل حد يقعد يشرحلى فايده البساتم فى العربيه وابقى مهتمه لكلامه
اول ماستلمت العربيه اول حاجه قعدت اشوف التابلوه وكل اللمبات اللى فيه بتاعه ايه ولو صادف ولمبه اشتغلت ابقى عارفه بتاعه ايه واعمل ايه وده ممكن الواحد يتعلمه من مانيوال العربيه ويعرف مبدئيا المشكله
كل ما اروح مشوار فيه مطبات وشوارع مكسره قبل مااحرك عربيتى تانى يوم لازم اشيك على العجل لو عاوز يتزود
شرحه كل فتره بالنسبه لمايه المساحات لما اشترى مايه معدنيه ويفضل فيها بزود بيها مايه المساحات لو ناقصه
اى صوت غريب فى الكاوتش او فرامل او اى جزء او طقطقه على طول بسال اى حد فى المنتدى او بره ايه السبب وايه الحل وربنا يسترها على الجميع
و الله موضوع في الجون .. و جه علي الجرح ..
و بما ان الشئ بالشئ يذكر .. اتذكر في 1998 كانت اول عربية ربنا اكرمنا بيها ( 128 1300سي سي موديل 1991 ) .. و كانت اختي بتسوقها دائما .. باعتبار العربية جاية ليها اساسا ..
....
و كنت كل يوم اسمع الاتي في التليفون .. يا حسن العربية بتقف و تترج و تروح و تيجي مرة واحدة مش عارفة ليه .. و مش عارفة امشيها .. بص .. خليك جدع و شوفها .. انا سيبتهالك عند الجامعة في شارع يوسف عباس - واحنا ساكنين في جسر السويس :eek: :eek: :eek: !!!!!!!!!!
اروح الاقي شداد الموتور مقطوم .. و الموتور قاعد يلعب و يلؤ ( يلق ) تحت الكابوت ..و بعد ما اصلحها و ارجع البيت الاقيها بتقوللي .. ربنا يخليك يا حسن يا اخويا ............ اتأخرت ليـــــــــــــــــــــــ ـــــه :mad: :mad: :mad: :mad: ؟؟؟؟؟؟!!!!!
***********
مرة تانية ..
واحدة صاحبتها بتتصل .. استاذ حسن .. العربية عطلت من اختك في روكسي و هي واقفة جنبها هناك .. يا ريت تشوفها ...
اروح جري علي ميدان روكسي .. الاقي العربية راشقة في قلب الميدان امام العبودي .. و الاكصدام مدلدل و الفوانيش و الوش حطام .. وواحد قاعد يقول : حرام عليكم .. حرام عليكم ..
مين ده يا اخوانا .. ده سواق المترو ( عبد العزيز فهمي ) اللي الانسةجت قدامه ووقفت و معرفتش تعمل ايه .. و الراجل يا عيني ماشي و متخيل انها حتسبق و تعدي .. و لكن علي مين .. ..الثباااااااااااات الثبااااااااااات .
ايه يا عم حسن الكلام ده شكلك تعبان منها ههههههههههه
انا بقي عامل حاجه جامده معب اختي كل يومين تلاته كده انزل معاها اشيك علي العربيه بنفسي و اسوقها لفه و خلاص ببقي مطمن عليها بس المشكلة بقي في الصديقات اي مشوار في العربيه "يلا بينا" او مثلاً العربيه وقفت "الوووو ...ألحق" كده يعني بس الواحد يقول الحمد لله انه بيعرف بتصرف معاهم
تحس انهم كسبوا الرخصه دي في علبة ميلكانا و لا حاجه
و الحمد لله علي كل حال :(
الميكانيكا دي اهم حاجة
دي حتى اهم من السواقة نفسها ف بعض الاحيان
يعني ساعات الواحد بيتحط ف مواقف صعب انه يلاقي فيها حد يساعده بسرعة و حصلت معايا كتييييير
انا من رأيي ان كل واحد سواء ولد او بنت ياخد كورس ميكانيكا هي تعتبر منفعة شخصية و ممكن تتحول لعامة لو حد اتحط ف موقف صعب و انت طلعتوا منه
انا بإذن الله ناوية اخد كورس ميكانيكا اول ما ابتدي الاجازة
و طبعا مش هلاقي اغلى منكوا عشان انقلوا المعلومة اللي اخدتها
انا مستعد افرتك عربيه و اجمعها من جديد :cool: بس بجد ... الميكانيكا مش علي طول بتنفع ... و الواحد بيضطر ساعات يتبع الاولد سكوول .... ترررررن .. الحقوني انا عطلان :D
الميكانيكا و الكهرباء مهمه طبعاُ .. يعني انا مثلاُ حصل معايا موقف و انا مسافر ..كنت ماشي من بني سويف و رايح بورسعيد .. و العربيه جت عند المطار في القاهره و لقيت شيااااااااااط طالع من تحت التابلوه ... اخدتها و نزلت الحرفيين و علشان كان الجو بالليل محدش رضي يشتغل فيها .. رحت شاري قصافه و شريط لحام و عملت ريواير للعربيه :D لغيت كل حاجه كهرباء من علي البطاريه ما عدا الانجكشن و النور :D مكانش عندي حتي زجاج ارفعه و انزله :D و اول ما دخل بورسعيد الفجر .. نمت علي الشاطيء و رميت العربيه للكهربائي و رحت لمصلحتي .. و اول ما رجعتله لقيته بيمسك في خناقي :D:D
بس انا واخد كورسات مكثفه في العربيات :D ربنا يخليلنا المعلم الكبير و ايام الوركشوب و الكسر :D:D