الموضوع: الي سيداتنا وانساتنا الحلوين ..عدم المعرفه يكلف فلوس

و الله موضوع في الجون .. و جه علي الجرح ..
و بما ان الشئ بالشئ يذكر .. اتذكر في 1998 كانت اول عربية ربنا اكرمنا بيها ( 128 1300سي سي موديل 1991 ) .. و كانت اختي بتسوقها دائما .. باعتبار العربية جاية ليها اساسا ..
....
و كنت كل يوم اسمع الاتي في التليفون .. يا حسن العربية بتقف و تترج و تروح و تيجي مرة واحدة مش عارفة ليه .. و مش عارفة امشيها .. بص .. خليك جدع و شوفها .. انا سيبتهالك عند الجامعة في شارع يوسف عباس - واحنا ساكنين في جسر السويس !!!!!!!!!!
اروح الاقي شداد الموتور مقطوم .. و الموتور قاعد يلعب و يلؤ ( يلق ) تحت الكابوت ..و بعد ما اصلحها و ارجع البيت الاقيها بتقوللي .. ربنا يخليك يا حسن يا اخويا ............ اتأخرت ليـــــــــــــــــــــــ ـــــه ؟؟؟؟؟؟!!!!!
***********
مرة تانية ..
واحدة صاحبتها بتتصل .. استاذ حسن .. العربية عطلت من اختك في روكسي و هي واقفة جنبها هناك .. يا ريت تشوفها ...
اروح جري علي ميدان روكسي .. الاقي العربية راشقة في قلب الميدان امام العبودي .. و الاكصدام مدلدل و الفوانيش و الوش حطام .. وواحد قاعد يقول : حرام عليكم .. حرام عليكم ..
مين ده يا اخوانا .. ده سواق المترو ( عبد العزيز فهمي ) اللي الانسةجت قدامه ووقفت و معرفتش تعمل ايه .. و الراجل يا عيني ماشي و متخيل انها حتسبق و تعدي .. و لكن علي مين .. ..الثباااااااااااات الثبااااااااااات .