الموضوع: استاذ عماد استاذة داليا اغيثوني اغاثكم الله

احقاقا للحق ولغلق كل التعليقات امثال

الموجودين فى المنتدى مبيحبوش يسمعوا غير كلام التوكيل زى ما يكون قران لا يمكن تغييرة ميعرفوش ان بيضحك عليهم زى واحد يقولك المساعدين عندة محجرة وراح التوكيل اقنعوة انهم لازم يبقوا كدة علشان زيت وغاز يا حلاوة اول مرة اسمع عن مساعدين زيت وغاز محجريين ممكن يبقوا ناشفين شوية مش محجرين وراح القطامية حطولوا wd40 بتاع التزيت علشان يلين ويمنع التزييق بدل ما يغيروهم

يا استاذى الفاضل بالنسبة للمساعدين حتى لو غاز وزيت فلابد ان يتحركوا بسهولة عند الضغط على السيارة بقوة يديك وليس عدم تحركهم تماما ولكن العيب عندك ان المساعدين محجرة محجرة محجرة محجرة وما تم قولة لسيادتك ماهو الامسكن للزبون

نقول بلاش صينى تقولوا اطلعوا من البلد .الصينى يغوررر بسعره كله وكماليات هجس تتباع للزبون ويلبسها. شركات وماركات تحت السلم وتلاقى فترة الضمان للاصلاح مش لتغيير زيوت زى بقيه العربيات المحترمه للمرة المليون محدش يركب صنى يغوررررر يروحوا يجربوا فى دول بعيدة عن مصر ولما يفهموا فى العربيات نبقى نشوف

للاسف انا عند عرض مشاركتي قلت ان المساعدين مش محجرين بس هما ناشفين شوية والسبب الي خلاني قلت محجرين هو اني قارنتهم بمساعدين لانوس وسينا وشاهين وحضرتك عارف ان هذه الماركات تستخدم مساعدين زيت فقط فطبعا كان الفرق واضح ومن الممكن ان يكون المساعدين الي انا قارنت بيهم خفاف او بهم عيب لا اعلمه لان هذه العربيات كانت باحد الجراجات ولم يكن اصحابهم موجودين لاسالهم هل بهم اي مشاكل وانا لم اكن اعلم ان المساعدين بسيارتي غاز علي زيت مما يجعل المقارنة غير منصفة وللعلم انا لم يكن عندي اي نوع من التزييق او الخبط اثناء المشي بالسيارة سواء في الطرق الممهدة او المكسرة او المطبات العادية او مطبات الهواء ارجومراجعة المشاركة جيدا الخاصة بذلك
ولكني لم اخذ كلام التوكيل علي انه قراءن لايمكن تغييره بل فعلت اكثر مما تتخيلوا لكي اعلم هل هم صادقين ام لا والله وصل بي الحال في احد المرات ان اوقفت احد سائقين التاكسي في وسط الشارع عند البيت اكتر من ربع ساعة اقارن بين المساعدين عنده وعندي واساله المساعدين عاملين معاه ايه ولما رحت التوكيل بعد هذه المرة باسبوع بقيت ماشي اختبر كل العربيات من ملاكي وتاكسي لاعلم هل هم مثل سيارتي ام لا واسال كل واحد ايه اخبار المساعدين وكلهم اجمعو ان المساعدين ناشفة وان ذلك سبب ثبات العربية في السرعات العالية وان ذلك لا يؤثر في شيء معهم بل فعلت ما هو اكثر من ذلك ذهبت لفرع اسكندرية هذا الاسبوع واكدو لي انه لا يوجد مشاكل عندي في المساعدين ولله الحمد علي ذلك وان شاء الله ربنا يديمها علي كده يارب ويبعد عنا عيون الناس
اللهم صلي وسلم علي سيدنا محمد عليه الصلاة والسلام