فوانيس الانترا 2012 الخلفية بتيجى مصر ناقصة

**yasserit** · 21-08-2011 08:08 AM

المشاركة الأصلية كتبت بواسطة hussein_ramdan

اصلا اانا بصيت هو اصلا مفيش لمبة
بس انا عايز اركب ليها لمبة بس بفكر فى حل عايزين يا ملاك اللنترا نفكر فى حل

+111

**mahamedaraby** · 21-08-2011 08:31 AM

والله انت راجل بتفهم من ساعات ما شفت الالنترا وانا عمال اقول الفانوس ده ناقص الفانوس ده شكله كده غلط مش زى السيراتو منور كله
وقولت ايه الغباء ده دول لو عملوا الفانوس بينور كلوا هيبقى شكله احلى بكتير بس على فكره الخليجى برضوا بتنزل كده انا شفت واحده بيضاء خليجى ومش منور الجزء التانى من الفانوس

**dangerous** · 21-08-2011 12:38 PM

اشكرك يا ريس بس على فكرة هى ممكن تتعمل كل الى عايزينه لمبة تكون نفس مقاس اختها الى فى الفانوس الى فى طرف العربية والحتة الى بتركب عليها لان انا شوفت ان مكان اللمبة مقفول يعنى مش اللمبة بس الى ناقصة دا كمان الجهاز بتاعها

**SAMEHNOSHI** · 24-08-2011 12:10 PM

هى نازلة كدة فى الخليجى كمان يعنى المرادى غابور براءة, بس هو بردة نصاب... يا باشا روح لاى كهربائى خلية ينورهالك مع باقى الفانوس و مش حتكلفك 100 جنيه

**seso100100** · 24-08-2011 08:14 PM

عندك حق الفانوس بالليل شكله غريب

**ibnmoaz** · 09-09-2011 02:51 AM

السلام عليكم يا شباب. انا شفت الموضوع بالصدفه انا من ملاك الالنترا2012 واول حاجه عملتها هي اللمبه دي طبعا فرقت خالص في الشكل
انا فكيت اولا فرش غطاء الشنطه الداخلي بمنتهي السهوله(كلبسات رباط) بعد كده هاتلاقي الفانوس بتاع الشنطه بيتفك باربع مسامير
مكان الدوايه والامبه هيكون مقفول انا جبت دوايه بتاعت نور الفانوس الصغير الامامي بتاع السويفت وفتحت علي قدها ببنطه شينيور في الفانوس براحه قوي وركبت الدوايه باللمبه شحط
ركبت اكنه بتاعها نيجي لاهم حاجه الكهرباء وتوصلها للدوايه دي
هتلاقي في الفانوس دا من ورا فيشه بتدي نور المارشدير الموجود اساسا فيالفانوس ده الفيشه ده فيها سلكين
المفاجئه سلك للمارشيدير والتاني واصل اصلا للدوايه دي مع النور الصغير يعني توصل سلك الدوايه دي علي السلك دا تنور مع النور الصغير (التابلوه)
الضفيره اصلا مجهزه لللمبه دي علي النور الصغير بدون اي عك في الاسلاك دي كانت مفاجئه بالنسبه لي مش عارف هما وفرو ايه؟ اي سؤال انا تحت امركو

**Hussein_Ramdan** · 09-09-2011 03:14 AM

انتا عملتها عند حد ولاة عملتها انتا بنفسك عشان انا عايز اعمل الموضوع دة عشان شكل الفانوس رمة اووووى
ارجو المساعدة انا خايف اروح لكهربائى يعكلى فى العربية او يلعب فى الضفيررة

**ibnmoaz** · 09-09-2011 04:04 AM

المشاركة الأصلية كتبت بواسطة hussein_ramdan

انتا عملتها عند حد ولاة عملتها انتا بنفسك عشان انا عايز اعمل الموضوع دة عشان شكل الفانوس رمة اووووى
ارجو المساعدة انا خايف اروح لكهربائى يعكلى فى العربية او يلعب فى الضفيررة

عند كهربائي بس اي كهربائي قوله اللي عملته بالتفصيل تلامور واضحه جدا بس بالراحه قوي وبحرص عند تقب الفانوس

**SAMEHNOSHI** · 09-09-2011 08:24 AM

المشاركة الأصلية كتبت بواسطة ibnmoaz

السلام عليكم يا شباب. انا شفت الموضوع بالصدفه انا من ملاك الالنترا2012 واول حاجه عملتها هي اللمبه دي طبعا فرقت خالص في الشكل
انا فكيت اولا فرش غطاء الشنطه الداخلي بمنتهي السهوله(كلبسات رباط) بعد كده هاتلاقي الفانوس بتاع الشنطه بيتفك باربع مسامير
مكان الدوايه والامبه هيكون مقفول انا جبت دوايه بتاعت نور الفانوس الصغير الامامي بتاع السويفت وفتحت علي قدها ببنطه شينيور في الفانوس براحه قوي وركبت الدوايه باللمبه شحط
ركبت اكنه بتاعها نيجي لاهم حاجه الكهرباء وتوصلها للدوايه دي
هتلاقي في الفانوس دا من ورا فيشه بتدي نور المارشدير الموجود اساسا فيالفانوس ده الفيشه ده فيها سلكين
المفاجئه سلك للمارشيدير والتاني واصل اصلا للدوايه دي مع النور الصغير يعني توصل سلك الدوايه دي علي السلك دا تنور مع النور الصغير (التابلوه)
الضفيره اصلا مجهزه لللمبه دي علي النور الصغير بدون اي عك في الاسلاك دي كانت مفاجئه بالنسبه لي مش عارف هما وفرو ايه؟ اي سؤال انا تحت امركو

الف مبروك يا باشا ممكن تقولنا التكلفة النهائية كام للفنوسين مصنعية و قطع غيار؟ و هل حاجة كدة تخرج كهربة العربية من الضمان؟؟ انا معتقدش طالما مجناش جنب الضفيرة

**propagaanda** · 09-09-2011 02:26 PM

انا عربيتي أفانتي m16 - GDI
جاية باللمبة دي و الفانوس منور كله و ده مش شبورة خلفي خالص
المفروض الشبورة أصلا يكون في العربية من تحت مش في الفانوس و العربية فيها عواكس بس من تحت زي ال بي ام الفئة الخامسة و بس كده
فعلا في فرق شاسع بين النترا و الأفانتي ... لان كل الصور اللي حضراتكم عرضتوها في الموضوع لأفانتي فقط !!!!!!
و عجبي على غبور و أمثاله من الوكلاء !
و على فكرة ياريت بس نعرف نفرق بين الخليجي و المصري لان مش معناها انها خليجي انها جاية من الامارات أو الكويت .... في تجار بتجيب من الأردن و بيقولوا انها خليجي مع انها ممكن تكون اردء و أسوأ من المصرية
المهم العربية نفسها مش جاية منين ان شاء الله تكون جاية من هاييتي أو اثيوبيا بس عربية محترمة
ازاي المصريين ساكتين على غبور و سايبنا نخرّم في العربية عشان لمبة ,,, فعلا بجد غبور ده بروباجاندا بس لكن مستوى في الأرض !!!