سؤال يطرح نفسه: تحط فلوسك تحت البلاطة ولا في البنك!

**Deshahcoka** · 20-08-2011 01:41 AM

رجالة :)

دلوقتي انا السؤال ده محير ناس كتير اعرفهم .... الخوف هنا مش عشان هما بيتهربوا ولا شغالين في حاجة غلط ولا هما حراميه ولا عندهم فلوس ملاين :)

الفكرة انوا الواحد يحط فلوسة في البنك و يخلي حسابة شغال ولا يخليها معاه ؟ حتى لو 100 جنيه كل شهر !

الميزة انوا الواحد بيحتاج تقرير بنكي كويس بينفع في حجات كتير ... ( سفر عمل صفقات )

الخوف من البنك انوا يفلس و الفلوس تطير ! ممكن يتسرق :) ممكن الحكومة تصادر فلوس الشعب كله !؟

بس موضوع للنقاش و ياريت تقولوا ارائكم :)

و موضوع استثمار الدهب برضه سخن ! ايه الكلام فيه :)

الف شكر

**Ashraf_Ibrahim** · 20-08-2011 01:54 AM

في البنك

**amrrashed** · 20-08-2011 02:16 AM

فى البنك طبعا والبنك المركزى بيضمن ودائع العملاء حتى فى حالة افلاس البنوك اللى من المستحيل تقريبا تحصل مع كل انواع الرقابة التى تتم على البنوك

**أحمد كمال** · 20-08-2011 02:52 AM

البنوك في مصر سواء حكومية او استثمارية او اجنبية ودائعها مضمونة من البنك المركزي و مفيش حاجة اسمها الحكومة تصادر فلوس الشعب و لو - جدليا - حصل كده يبقى معناها ان الحكومة دي شوية مجانين و ساعتها مش هيفرق معاهم فلوسك فين هياحدوها هياخدوها !!!