الموضوع: محتاج مساعدتكم فى قرار شراء بومة 2011 مانيوال

المشاركة الأصلية كتبت بواسطة elamerstar

الى كل خبراء المنتدى ارجوكم مساعدتى فى قرار شراء لانسر 2011 ومة 1600 مانيوال من حيث :
1- الفتيس المانيوال فى البومة افضل ام الهايدروماتيك مع العلم بانى احب الجرى والشد وما هى مشاكل الفتيس المانيوال
2- العفشة ومشاكلها
3- الباور تقيل ولا خفيف وناعم مع العلم بانى احب ان يكون الباور تقيل خاصة مع السرعات
4- هل يجب ان احط بنزين 92 ام 90 حيث ان السيارة مواصفات كويتية
5- هل السيارة بتهبط فى الخلف عند التحميل 3 افراد فى الخلف بالاضافة الى الشنط وهل بتحك فى المطبات
6- هل قرار الشراء فى هذا التوقيت سليم ام انتظر معرض اوتوماك اخبار اليوم 2011

شوف يا باشا :
انا معايا لانسر 2010 اوتوماتيك كلاسيك (الفتيس الستيب ترونيك )
1- من ناحية الفتيس رأيي المتواضع ان حضرتك تجيب اوتوماتيك عشان سببين مهمين (اعادة البيع افضل عشان معظم اللي بيشتري في الفئة السعرية دي بيدور على الراحة-ثانيا عشان الزاحمة اللي موجودة في معظم شوارعنا وانا عن نفسي جربت الاتنين وفعلا الاوتوماتيك اريح بمراحل)
2-العفشة في اللانسر هي افضل حاجة فيها وهيا اللي خلتها رقم 1 في مصر لانها معمولة عشان تستحمل الطرق المكسرة
3- من ناحية الباور فها متوسط مش في نعومة الكوري ولا خشونة الالماني وبيتقل كل ما تزود السرعة و ينعدم عند سرعة معينة ودا عشان الامان
4-من ناحية المطبات عمرها محكة معايا في اي مطب حتى وانا محمل 4 افراد في الكنبة ورا (طبعا الفرد الرابع طفل متوسط العمر
5- من ناحية التوقيت فانا شايف انك تشتري دلوقتي ودا لان(-سعر الانسر 2011 ارخص من سعر الانسر 2010 بفرق حوالى 5 الاف انا شاري الانسر 2010 ب 120 الف في شهر 10- بس نصيحة لو جبتها بلاش تمشي في شوارع فاضية او تسافر بالليل عشان الظروف اللي احنا فيها )

تمنياتي لك بالتوفيق وممكن تصلي ركعتين استخارة عشان ربنا يرشدك للصح ان شاء الله

المشاركة الأصلية كتبت بواسطة elamerstar

انا سمعت انه الفتيس الستيب ترونيك 1600ضعيف مع الحمولة والتكييف والكبارى بمعنى اصح بياثر على سحب السيارة .

يا باشا عادي جدا ان سحب اي عربية بيقل مع زيادة الحمولة او التكييف او الكباري بس مش بصورة ملحوظة للدرجة دي وثانيا انت ممكن تتحكم في النقلات وكانك سايق عربية مانوال (عن طريق الفتيس الجديد) بس بلاش تحول من اوتو الى مانول وانت ماشي عشان متبوظش الفتيس ؛ وخد بالك ان السحب مش قوي زي المانوال بس دا مقابل راحتك

المشاركة الأصلية كتبت بواسطة ahmedzag1

يا باشا عادي جدا ان سحب اي عربية بيقل مع زيادة الحمولة او التكييف او الكباري بس مش بصورة ملحوظة للدرجة دي وثانيا انت ممكن تتحكم في النقلات وكانك سايق عربية مانوال (عن طريق الفتيس الجديد) بس بلاش تحول من اوتو الى مانول وانت ماشي عشان متبوظش الفتيس ؛ وخد بالك ان السحب مش قوي زي المانوال بس دا مقابل راحتك

معلش يااحمد باشا ازاى الفتيس يبوظ لما احول انا معايا بومه 2010 وبجيب الاستيب وانا ماشى عادى خالص واستفسار من حضرتك ازاى الباور بيفصل بعد سرعه ده ده العيب الوحيد الى انا شايفه انه مش بيفصل بيبقى خفيف بس مش خفيف اوى يعنى بس مش بيبقى تقيل تقبل مرورى

تمام كلام حضرتك مظبوط اى فتيس استيب ترونينك عادى جدا انك تحول من الاوتو للمانيوال وانت ماشى امال لو احتجت ان انت تشد بيه هاتقف الاول وبعدين تطلع اصل انا جربتها فى الميجان بتاعت واحد صاحبى حاجة وهم لانى كنت هاسقط المكنة بفتيس ستيب ترونيك تقبل مرورى

المشاركة الأصلية كتبت بواسطة prisoner

تمام كلام حضرتك مظبوط اى فتيس استيب ترونينك عادى جدا انك تحول من الاوتو للمانيوال وانت ماشى امال لو احتجت ان انت تشد بيه هاتقف الاول وبعدين تطلع اصل انا جربتها فى الميجان بتاعت واحد صاحبى حاجة وهم لانى كنت هاسقط المكنة بفتيس ستيب ترونيك تقبل مرورى

+111111111111111111111
حبيبى بدل الكلام ده سقط مكنه 18 احسن بفتيسها وشد براحتك وعلم على الاسفلت

المشاركة الأصلية كتبت بواسطة elamerstar

الى كل خبراء المنتدى ارجوكم مساعدتى فى قرار شراء لانسر 2011 ومة 1600 مانيوال من حيث :
1- الفتيس المانيوال فى البومة افضل ام الهايدروماتيك مع العلم بانى احب الجرى والشد وما هى مشاكل الفتيس المانيوال
2- العفشة ومشاكلها
3- الباور تقيل ولا خفيف وناعم مع العلم بانى احب ان يكون الباور تقيل خاصة مع السرعات
4- هل يجب ان احط بنزين 92 ام 90 حيث ان السيارة مواصفات كويتية
5- هل السيارة بتهبط فى الخلف عند التحميل 3 افراد فى الخلف بالاضافة الى الشنط وهل بتحك فى المطبات
6- هل قرار الشراء فى هذا التوقيت سليم ام انتظر معرض اوتوماك اخبار اليوم 2011

السلام عليكم

انا بش معايا بومة بس حعلق على استفسار لحضرتك و هو قرار الشراء
انا رائي ان حضرتك تستنى المعرض و هو حيبقى في شهر 9 يعني فاضل حوالي 10 ايام على شهر 9 و ان شاء الله في المعرض ممكن تلاقي عروض أحلى
لان الشركات بتدخل المعرض عشان تنزل عروضها و عربيتها الجديدة

المشاركة الأصلية كتبت بواسطة eldell

معلش يااحمد باشا ازاى الفتيس يبوظ لما احول انا معايا بومه 2010 وبجيب الاستيب وانا ماشى عادى خالص واستفسار من حضرتك ازاى الباور بيفصل بعد سرعه ده ده العيب الوحيد الى انا شايفه انه مش بيفصل بيبقى خفيف بس مش خفيف اوى يعنى بس مش بيبقى تقيل تقبل مرورى

انا اسف جدا على التأخير في الرد

من ناحية انك لما تيجي تحول من أوتو الى مانول لازم متكونش ماشي دا الكلام اللي قالهولي صاحب الاجنس وانا بستلم العربية وكمان اتقالي في التوكيل وانا بعمل صيانة 1000 كم ودا عشان تطول عمر الفتيس على اد ما تقدر
من ناحية الباور فهوا شبه بيفصل لاكن عمرو ما يفصل نهائيا