الموضوع: علبة دريكسون للسيفيك 2007

موضوع العلبة ده فعلا عيب صناعة فى العربية والتوكيل بيغيرها على حسابه فى حالة ان العربية فى الضمان ومنتظمة فى الصيانة ، و ثمن العلبة فى التوكيل اخر مره سألت كان 6500 + ضريبة + مصنعية يعنى تقريبا 7500 .

بالنسبة للعلب الاستيراد اللى موجوده فى الغالب بتكون خلع مش استيراد ، لان العربيات اللى بتيجى استيراد كلها الموتور ال 1800 وده علبة الدركسيون بتاعته زيت مش كهرباء ، مينفعش تركب عندنا .

المهم الموضوع ده بعد عذاب اكتشفوا ليه حل وهو تصليح العلبة وده فى حدود 400 جنيه ، انا عاملها من اكتر من سنة والحمد لله لغاية دلوقتى مفيش اى مشاكل.

ازيك انتا يا هيثم باشا و عامل ايه يا ريس
معلش مشاركاتى مش كتير اوى الفتره ديه

فى الموضوع بتاعى عملت ظبت الزوايه و كل حاجه بس بردوا حاسس بلعب فى الدركسيون و لو بسيط
ممكن يكون فيه حاجات تانيه تعبت علشان انا عديت ال 80 الف دلوقتى

طيب بجد عاوزين نعرف انتا صلحت موضوع العلبه دا ازاى و اخدت وقت اد ايه فى تصليحا؟و عند مين يا كبير؟

المشاركة الأصلية كتبت بواسطة cosmicone

ازيك انتا يا هيثم باشا و عامل ايه يا ريس
معلش مشاركاتى مش كتير اوى الفتره ديه

فى الموضوع بتاعى عملت ظبت الزوايه و كل حاجه بس بردوا حاسس بلعب فى الدركسيون و لو بسيط
ممكن يكون فيه حاجات تانيه تعبت علشان انا عديت ال 80 الف دلوقتى

طيب بجد عاوزين نعرف انتا صلحت موضوع العلبه دا ازاى و اخدت وقت اد ايه فى تصليحا؟و عند مين يا كبير؟

المشاركة الأصلية كتبت بواسطة م/محمد صلاح

والله وحشتونى يا رجاله ... هيثم باشا ... و محمد بيه ... احنا كنا تقريبا شاريين العربيه فى نفس الوقت يا محمد
بما اننا يا رجاله عندنا نفس المشكله يبقى لازم نشوفلها حل يا اما نعمل جمعيه ولك واحد يقبضها ويغير العلبه فى التوكيل هههههههههههه
هيثم ياريت يا باشا تقولنا موضوع تصنيع العلبه بما انك مركبها وشغاله معاك تمام
حتى ممكن لو اللى هايصنعهالنا هايصنعلنا 3 ولا 4 يبقى السعر مخفض شويه ولا ايه رأيكوا؟
انا متابع ماعكو وياريت نلاقى الحل لان بصراحه لما بدخل منطقه فيها شوية حصى بحس انى راكب نص نقل من كتر الدقدقه اللى بسمعها من قدام على اليمين ده غير تكة الدركسيون اللى بسمعها وانا بلف الطاره يمين او شمال لما يكون دراع الاشاره شغال
انا كنت فاكر ان العيب فى العفشه وكنت ناوى اغيرها كلها بعفشه رياضيه وبالمره اغير نظام الفرامل الخلفى زيك كده يا هيثم
ياريت بقى تعرفنا وار العلبه والفرامل يا اما والله تلاقينا جاينلك البيت بربطة المعلم كده ههههههههههه
كل سنه وانتوا طيبين يا رجاله وربنا يعود علينا الايام بخير

كل سنة وانت طيب يا باشمهندس ، انت كده هتخلينى مقولش على التفاصيل عشان تشرفونى فى البيت ، بس عموما لغاية مايكون فى لقاء قريب هقول التفاصيل .

بالنسبة للعلبة .... انا عملتها عند ميكانيكى شغال فى توكيل هوندا ، و عنده ورشه قريبة من حديقة بدر فى جسر السويس ، وخدت حوالى 3 او اربع ساعات ، وعلى حد قول الميكانيكى ان الحل ده المهندسيين اللى جم من هوندا اليابان هم اللى قالو للتوكيل علية عشان يعملوه بدل ميغيرو العلبة كلها .

بالنسبة للفرامل.... للاسف عملتها عند مسعد عشان عو اللى قبل انى ادخل القديم فى الجديد وادفع فرق ، هى مفيهاش مشكلة بصراحة لما ركبها بس انا مبحبش شغله .

ولو فى اى حاجة كلمنى وممكن اظبطلك ميعاد مع الميكانيكى ونرحلة مع بعض 0109000131

استاذ محمد صلاحححححح ازيك يا اخى و عامل ايه
انا مكنتش اعرف ان موضوع الخبط اليمين ده عند كل الناس كده و كنت فاكر انا بس
فيه حاجه بردوا انا من ساعيت ما جبت العربيه و انا عندى صوت التكتكه بتاعت الأشاره مع التكييف هو انتا عرفتلها اى حل؟
هيثم بك
جازاك الله خيراً على الرد يا باشا
يعنى افهم من كلامك ان ممكن التوكيل يعمل الحركه ديه من غير تغيير للعلبه؟ طيب ليه قلى لازم علبه جديده؟

اخر تحديث بقى ان بقى عندى من امبارح كده خبطه جمده اوى فى اليمين كل مارزع فى مطب صغير كأن مافيش مساعدين فى العربيه اساساً

المشاركة الأصلية كتبت بواسطة cosmicone

استاذ محمد صلاحححححح ازيك يا اخى و عامل ايه
انا مكنتش اعرف ان موضوع الخبط اليمين ده عند كل الناس كده و كنت فاكر انا بس
فيه حاجه بردوا انا من ساعيت ما جبت العربيه و انا عندى صوت التكتكه بتاعت الأشاره مع التكييف هو انتا عرفتلها اى حل؟
هيثم بك
جازاك الله خيراً على الرد يا باشا
يعنى افهم من كلامك ان ممكن التوكيل يعمل الحركه ديه من غير تغيير للعلبه؟ طيب ليه قلى لازم علبه جديده؟

اخر تحديث بقى ان بقى عندى من امبارح كده خبطه جمده اوى فى اليمين كل مارزع فى مطب صغير كأن مافيش مساعدين فى العربيه اساساً

اللى فهمته من الميكانيكى ان الموضوع ده بقى بيتعمل فى العلب اللى فيها عيب ولسة فى الضمان بدون علم العميل ، رغم انى مش مصدق ان التوكيل يعمل الحركة دى.

طيب يا مان
ممكن رقم الراجل ده علشان الواحد يروح كده بعد العيد والا حاجه