علبة دريكسون للسيفيك 2007

**cheetos31** · 20-08-2011 04:56 AM

أنا بسمع صوت خبطة في الجنب اليمين في العفشة قدام لما بمشي في شارع مكسر أو مطب خفيف فارحت لمسعد اللي في الحرفيين فقالي أن دة عيب في علبة الدريكسون و قالي ان الموضوع ده بيحصل دايما في السيفيك بس قالي أنو ممكن يعالجها بدل ما أغير علبة دريكسون لأنها غالية فانا مش أعرف أعمل أيه و هل ممكن يكون الصوت دة من حاجة تاني خصوصا أني بسمع صوت الخبطة في العفشة بس مش بحس بيها في الدريكسون

**mr_joooe** · 20-08-2011 05:41 PM

على فكرة أنا عندى نفس المشكلة بظبط ... وفى اليمين بردوا !!!! بس تحس أن العفشة سايبة أو خبط بسيط وخصوصا لما امشى فوق طوب أو ارض مكسرة وكانت عندى بسيطة وبعدين زادت بعد كدة..
كمان انا سمعتها فى عربية Corolla 2009 بتاعت واحد صحبى بس كانت أكتر بكتييييير من عربيتى !! وقالى أن دة تقريبا جلب مقصات أو جلد او جونات عايزة تتغير مش فاكر بظبط.. بس معتقدش ان دة لية علاقة بى علبة الدريكسيون .؟؟؟ انا كنت هاروح التوكيل مخصوص علشان القصة دى لكن للأسف وانا رايح عملت حادثة.. ياريت لو حد عندوا معلومات مؤكدة عن الموضوع دة يفدنا ...

**cheetos31** · 20-08-2011 06:43 PM

أيوا دي نفس مشكلتي فعلا ياريت نعرف الحل

**م/محمد صلاح** · 20-08-2011 10:32 PM

انا برضه عندى نفس المشكله فى سيفيك 2007 بس اعتقد مالوش دعوه بالدركسيون هو ممكن يكون فعلا جلب مقصات او حاجه زى كده المهم انك بتحس ان العفشه مفكوكه من ناحية اليمين
اللى يوصل لحاجه يقولى والنبى

**cheetos31** · 21-08-2011 04:17 AM

ياريت حد يساعدنا في الحل

**stonysmsm** · 21-08-2011 01:53 PM

فعلا دة عيب في السيفك انا معايا سيفيك 2009 ونفس المشكلة بتظهر وفي التوكيل قرروا انهم يغيرو علبة الدريكسيون كاملة ببلاش لاني متابع صيانة عندهم وعلي فكرة تمنها 8500 غير المصنعية لو برا الضمان او مش متابع معاهم

**cheetos31** · 21-08-2011 05:20 PM

يعني ده أكيد علبة دريكسون ؟؟ و في منها أستيراد ولا لأ؟

**CosmicOne** · 21-08-2011 06:18 PM

نفس المشكله يا رجاله فى سيفيك 2007
و التوكيل قالى علبة دركسيون بس على حسابى علشان الضمان خلص
مع انى اظن بس مش متأكد ان الصوت ده كان من ساعيت ما جبت العربيه زيرو بس مش واضح كده

سؤال كمان حد بقا بيحس مع الموضوع ده ان العربيه بتبقى مش ثابته اوى على الطريق و الدركسيون عاوز يبقى ممسوك جامد دايماً و لو سبتو بتحس انو بيلعب مع الطريق جامد اوى؟
و بردوا عندى احساس غربله بسيط مش بيروح مهما عملت ترصيص؟؟؟!!!

**CosmicOne** · 21-08-2011 06:19 PM

ايوه و كمان صوت الحكه و انتا بتلف الدركسيون زاد اوى عن زمان

**cheetos31** · 21-08-2011 07:22 PM

أنا بحس بالخبط في الشوارع المكسرة بس
طيب لو سبناها و مغيرنهاش هيبقا في مشكلة؟ و عايز أعرف في منها أستيراد ولا لأ؟

الموضوع: علبة دريكسون للسيفيك 2007

LinkBack

أدوات الموضوع

عرض

-

-

المواضيع المتشابهه

هل هذا عيب من علبة دريكسون ولا مساعدين؟

بعد تصليح علبة الدريكسون للسيفيك 2007

علبة دريكسون

زيت الموتور للسيفيك 2007

الفانوس العدسات للسيفيك 2007+

الكلمات الدلالية لهذا الموضوع

المفضلات

المفضلات

ضوابط المشاركة