طلب للفولوكسيه وخصوصا البولويين

**catmoon** · 21-08-2011 12:26 AM

انا ياجماعه معروض عليا بولو 2001 يدوي رشه حزام وفابريكه جوه ومغيره موتورها ال 1100 ل 1400 سي سي لسه من اسبوع المهم صاحبها بيقولي عايزه علبة باور علشان اتحرقت وعايزه اربع كاوتشات جداد وعايزه حشو فتيس وحاجه رابعه كده مش فاكرها وطبعا العربيه كامله تكييف وباور وسنتر وانزار ايه رايكم اخودها ولا لا ولو اخودها تكون بكام مع العلم انه قالي الحاجات الاربعه ال عايزاهم تكلف الف جنيه بس ياريت ماتبخلوش علي اخوكم بالردود وعلي فكره دى هاتكون اول عربيه ليا اركبها اخوكم لسه جديد نوفي وشكرا

**M.Mostafa80** · 21-08-2011 01:16 AM

المشاركة الأصلية كتبت بواسطة catmoon

انا ياجماعه معروض عليا بولو 2001 يدوي رشه حزام وفابريكه جوه ومغيره موتورها ال 1100 ل 1400 سي سي لسه من اسبوع المهم صاحبها بيقولي عايزه علبة باور علشان اتحرقت وعايزه اربع كاوتشات جداد وعايزه حشو فتيس وحاجه رابعه كده مش فاكرها وطبعا العربيه كامله تكييف وباور وسنتر وانزار ايه رايكم اخودها ولا لا ولو اخودها تكون بكام مع العلم انه قالي الحاجات الاربعه ال عايزاهم تكلف الف جنيه بس ياريت ماتبخلوش علي اخوكم بالردود وعلي فكره دى هاتكون اول عربيه ليا اركبها اخوكم لسه جديد نوفي وشكرا

العربيه لو كانت فابريكه بره وجوه كانت هتبقى بحوالى 45
اول هام العربيه رشت حزام يقلل من ثمن العربيه من وجهة نظر السوق المصرى
علبه الباور دى يقصد بيها الطلمبه ولا العلبه بتاعت الدريكسيون لو طلمبه ثمنها 300 لو علبه دركسيون ثمنها 1000 جنيه
اربع فرد كاوتش مش اقل من 1300 ج
العربيه دى لو هتاخدها بعد ما توديها لمركز متخصص يقولك هى عايزه ايه لأن ممكن يبقى فى حاجات مش واضحه تسعيرى ليها يكون 38 ألف لأنها للأسف مغيره موتور ودا مش مضمون هو متغير أزاى مدام مش على اديك لكن لو اللى كشف قالك حالتها كويسه والموتور متسقط صح بدون عك يبقى كبيرها 40ألف

**graffittiii** · 21-08-2011 02:40 AM

المشاركة الأصلية كتبت بواسطة catmoon

وعايزه اربع كاوتشات جداد وعايزه حشو فتيس

يعني إيه حشو فتيس ؟؟

لصاحب الموضوع حط في إعتبارك أن موضوع أنها مغيرة الموتور ده هيقلل سعرها عند أعادة البيع ..

**M.Mostafa80** · 21-08-2011 02:56 AM

نسيت موضوع حشو الفتيس دا
مفيش حاجه اسمها حشو فتيس فى العربيات دى
الفتيس استيراد مش اقل من 1000 جنيه لوحدو
يعنى لحد دلوقتى 2300 ج مصاريف

**catmoon** · 21-08-2011 10:24 PM

اولا شكرا لكل ال ردو عليا تاني حاجه باه بالنسبه ال اتحرقت هيا علبه البور الخاصه بالدريكسيون وقالي ده في حدود 750 جنيه وموضوع حشو الفتيس ده علشان عصاية الفتيس ناعمه اوي انا شوفتها بنفسي العصايه بتتحرك كانها بتلف في دايره فقالي دى عايزه حشو فتيس وتكلفته 35 جنيه حسب كلامه المهم هو قالي في البدايه 40 الف فعلا ونزلت معاه لحد 36 الف وده اخرها علي الاخر ياريت احب اعرف رايكو فيها ولو وديتها لمركز متخصص للكشف عليها هياخود كام وتكلفه الاربع حاجات ال عازاها تكلف كام علشان احسب في النهايه هتقع عليا بكام واسف للاطاله ياجماعه

**ahmedtunning** · 21-08-2011 11:22 PM

الحشو انا لسه مغيره ب 50 بالمصنعيه بس نصيحه هات عصاية استيراد لان كل اللي في السوق صيني وبيسخن فابيسيح انما الاستيراد معمول فيبر فاحسن هات عصاية كامله في حدود 150 ل 200 جنية

**M.Mostafa80** · 22-08-2011 02:03 AM

ياجماعه البولو 2001 العصايه بتاعتها مختلفه عن ال 95 ال 96 ال 97
يعنى عشان تغير الجزئيه الى عامله بوش دى لوحدها بحوالى 100ج ودا لو لقيتها اصلا بتتباع انا اخر حته ختها من اشرف الشهابى من سنتين وكانت ساعتها ب 100 ج
فى الحاله دى هتغير عصايه كامله
ودى تعملها فى حدود 500 ج لأن محدش هيردى يفكلك الجزء العلى ويركن الأتياش عنده