الموضوع: مفااااااااااجاه واخيرا وبعد عذاب بقيت منتجات liqui mole

المشاركة الأصلية كتبت بواسطة asemx1

نظام الاحتكار عندنا فى مصر قاضى على اي منتج تانى نضيف وكون ان ماتسمعش عن زيت معين فدا عيب الاحتكار نفسه كاسترول وليكوى مولى وزيت كمان اسمه نايلون

وهتستغرب لو قولتلك ان نايلون اغلى 2 دولار من ليكوي مولى ؟؟ لكن هوا فين فى مصر ؟؟؟؟؟؟

علشان تعرف اننا عايشين فى دوامه وفى عصابه

تانى حاجه عايزك يا فندم تدخل على اليو تيوب وتشوف التجارب الى الناس بتعملها
انتا بتقول ان الموضوع اعلانات وشو ودا الى اقنع الناس
هقولك ادخل على اليو تيوب وشوف الى جرب ييشغل ماتور بدون زيت بالليكوى مولى ومشى بيها 50 الف كيلو فعلا ودا واحد المانى

وخلى بالك يا فندم دا المانى مش مصرى يعنى لو عربيه واحده اتضررت او حصل غير الى قالته الشركه انتا عارف ممكن الشخص دا ياخد تعويض اد ايه ؟؟ العالم دى ما بتهزرش

وعلى فكره انا مقتنع بكلامك ان الموضوع فيه شووو كتير بس عايز اقولك انا جربت منتجات امريكيه كتيير وكلها بلا فائده فعلا المنتجات دى فعلا ليها فايده وانا مش شغال معاهم ولا بستفيد حاجه غير الدعاء فقط

طب ليه ممكن يكون كلامى حاد ؟؟ علشان بجد نفسى بقى نقضى على نظام الاحتكار الى فى البلد دى انتا لحد كام شهر فاتوا ماكنتش تعرف غير موبل وشل ودا الى بيلزقوه على العربيه اول ما تدخل الجمرك

وبقولك يا فندم ممكن السواق مايحسش بفرق فى الماتور او ممكن يكون دا احساس نفسى
لكن انا قياساتى مش بالاحساس زى ما حضرتك قولت

انا قياساتى بقراءات scangauge
toyota yaris 1.3 hypermiling (4.9l/100km) - youtube

وفعلا استهلاك البنزين قل فى نفس ظروف التشغيل

اولا انا شاكر جدا على ردك المهذب جدا
ثانيا الموضوع مش احتكار وبس الشركات الكبيره لما بتلاقي حاجه كويسه تنفع عربياتها بتغير بصرف النظر عن الاسم زي ما بي ام اعتمدت كاسترول وهو تقريبا مش معروف هنا
وبعدين كلنا نعرف مثلا مين هي اكسون موبيل ومين كالتكس وانا روحتهم الاتنين بس اصلا فيه مصانع مش خط انتاج صغير او متأجر ويبقى منتج جديد لأ الموضوع اكبر من كده وبعدين انا متأسف اي شركه عالميه كبيره لن تسمح ان منتجاتها يتم التسويق ليها عن طريق مكتب صغير - مع احترامي الكامل للمكتب ولكل العاملين فيه انا مش قصدي انتوا- انا قصدي نظام شركه-
فهمتني قصدي ايه
وعلى فكره انا اول واحد يتمنى يكون فيه زيت تاني لأني زهقت من موبيل وان شاء الله اغير بس كاسترول
وعلى فكره انا كنت عامل موضوع بفاضل فيه بين كاسترول موبيل شيل وليكوي مولي ارجع له وشف ايه التعليق على ليكوي
وتحياتي
برضه مقلتليش الياريس عامله ايه

المشاركة الأصلية كتبت بواسطة mohammadrashee

اولا انا شاكر جدا على ردك المهذب جدا
ثانيا الموضوع مش احتكار وبس الشركات الكبيره لما بتلاقي حاجه كويسه تنفع عربياتها بتغير بصرف النظر عن الاسم زي ما بي ام اعتمدت كاسترول وهو تقريبا مش معروف هنا
وبعدين كلنا نعرف مثلا مين هي اكسون موبيل ومين كالتكس وانا روحتهم الاتنين بس اصلا فيه مصانع مش خط انتاج صغير او متأجر ويبقى منتج جديد لأ الموضوع اكبر من كده وبعدين انا متأسف اي شركه عالميه كبيره لن تسمح ان منتجاتها يتم التسويق ليها عن طريق مكتب صغير - مع احترامي الكامل للمكتب ولكل العاملين فيه انا مش قصدي انتوا- انا قصدي نظام شركه-
فهمتني قصدي ايه
وعلى فكره انا اول واحد يتمنى يكون فيه زيت تاني لأني زهقت من موبيل وان شاء الله اغير بس كاسترول
وعلى فكره انا كنت عامل موضوع بفاضل فيه بين كاسترول موبيل شيل وليكوي مولي ارجع له وشف ايه التعليق على ليكوي
وتحياتي
برضه مقلتليش الياريس عامله ايه

ياباشا المسؤولين هنا فى مصر لا يتمنون اى خير لمصر مع احترامى شركه موبل وشل اغنى شركتين واقوى شركتين فى مصر من حيث راس المال ودا بسبب ان حضرتك بتغير الزيت على 7 و 8 الاف وتمنه شوف واصل لكام تخيل فى كام الف عربيه فى مصر او كام مليون عربيه بتستخدم الزيت دا

طب بزمتك الكاسترول بيتغير على 18 الف كيلو روح كدا اسال التاجر قوله بيتغير على كام هيقولك برضو 8 الاف كيلو !!!!!!
علشان دا اكل عيشه ويتمنى انك تجيله بدرى كل مره
ودا الى حاصل هنا يا باشا فى زيوت بتتغير على 40 الف كيلو ( ايوه 40 الف كيلو ) وتمنها لا يتعدى ال 300 جنيه فى ليكوى مولى ؟؟
بالزمه حد قال على الزيت دا ؟؟ ولو حد قال هيقولك غيره على 15 الف
طب دا لمصلحه مين ؟؟ اكيد مش المستهلك دا مصلحه التاجر

ياباشا انا رحت وقفت فى الجمرك بتاع الاسكندريه وانا بجيب العربيه
العربيه كانت جايه ملزوق عليها استيكر زيت تويوتا
قاموا شالوه وحطوا موبل !!!!!!!!!!!!!
البلد دى منهوبه بجد وانا ربنا يقدرنى بازن الله واعرف اوعى الناس وافوقهم من الفلوس الى بتتسرق منهم دى

.................................................. .................................................. ....
بالنسبه للعربيه :
انا عامل 65 الف كيلو دلوقتى يعنى الزيت بتاع كاسترول ماجنيتك عمل كدا معايا 10 الاف كيلو
وكنت مغيره المره الى فاتت على 15 الف وناوى اغيره المرادى على 16 الف

وحاطط سيراتك على 60 الف كيلو وطبعا الفرق واضح فى النعومه والسحب والجرى تحس بيه اوى لما تشد مع عربيه تانيه واستهلاك البنزين قل بنسبه 30% وصوت المحرك قل فعلا معجزه بس زى ما قولتلك مش كل الناس حساسيتها زى بعض

وحطيت منظف انجيكشن على 60 الف كويس بس ماحسيتش بفرق اوى لان يمكن يكون النظام نضيف

انا بحط 80 كتيير من اول ما جبت العربيه زيرو بس بخلى رجلى حنينه علشان ماتكركرش
التكيف فوق الممتاز بعد العزل الى عملته

وهنزل النهادره افك البوابه بتاعت المانيفول ( البوابه الكهربا ) واحاول افهم النظام ماشى ازاى علشان عايز انضفه واعمله صيانه

تحياتى لك "....... م/ عاصم جاد

المشاركة الأصلية كتبت بواسطة bloody_stone

بص هو الحاجة اللي انا حسيت بيها (اكيد حتقول عليا مجنون) لما مثلا اشغل العربية و اروح بيها مشوار و اركنها ... و انا راجع تاني لما اجي اشغل العربية من اول و جديد الاقيها دارت عالطول و نعمت اوي ...

يعني بأختصار عادية الصبح و ناعمة اخر النهار .... :u_thin1[1]::u_thin1[1]:

كلام هبل صح؟ هههههههههههههههه

بصراحه هوا شويه ...... ههههههههه بتفكرنى بناعمه وطريه وكلها حنيه ....