بشكل عام و بدون تحيز اسكندريه السواقه ارقى من القاهره
بشكل عام و بدون تحيز اسكندريه السواقه ارقى من القاهره
انا من القاهره وبصراحه انا معاك فى النقطه دى لانى عشتها وهديك مثال.......
عندنا فى القاهره كله بيتفزلك على بعضو يعنى لو واحد قدامك على اليمين ب3 متر وعمل اشاره ودخل عليك عشان ياخد غرزة يبقى نهار ابوه مش فايت غير لما يتشتم شتيمتين ولو بالليل يترزع بالنور العالى ويتحدف عليه حدفتين ولو اتكلم ينزل يتضرب ودا امر مسلم بيه فى القاهره زى ما يكون قانون الغاب...................على العكس فى الكس لو كسرت على واحد سواق قصدك ولا مش قصدك وحتى كنت هتخبطو اخرو يا كلاكس يا هيعدى جنبك يبصلك بصه وحده بس وبدون مايفتح بقو ويكمل طريقو....................فعشان كده فى رقى فى الكس عن القاهره.
بس بصراحه المشاريع عندكو بتعمل حاجات غريبه ودا فى جميع انحاء الجمهوريه لاكن عندكو بافورة شويه ...يعنى مثلا تبقى بتجرى فى ملف اتجاهة شمال فى من الطبيعى تحدف يمين عشان توسع للجمبك فجاءة تلاقى مشروع راح طالع من النص وراح حادف يمين وراح مفرمل عشان يركب زبون ويولع الطريق من وراه والغريبه الناس خدت على كده وبقت متجريش فى اليمين عشان خاطر البهوات اللى معتبرين اليمين المطار بتعهم
بما انى مش من سكان القاهره او الاسكندريه
بس تقريبا اتعلمت السواقه فى البلدين شويه هنا وشويه هنا لانى عشت هنا فتره وعشت هنا فتره
القاهره اصعب طبعا ولازم عينك فى وسط راسك فعلا والا حاتركب الهوا
ودمنهور بلدى بشوف فيها حاجات عجيبه فعلا وببقى ماشى فيها خايف عن اى من البلدين رغم ان شوارعها صغيره وبسيطه شويه
مصر كلها عالم صايعة!
طيب انا حقولك على حاجة غريبة يا استاذ احمد على اد ما بتوع الميكروباص متهورين فى اسكندرية وعندهم بعض الاعراف الغلط
زى موضوع الحارة اليمين اللى اشرت اليها فى مشاركتك لكن دة مايجيش 20% من اللى بيعملوه بتوع التاكسى ...
عنده استعداد يعمل 10 الاف مصيبة علشان خاطر شاف ربع جنيه واقع على الارض و لو قولتلوا اقف على جنب
وابقى خد الربع جنيه حتلاقيه بيقول كلام غريب عن حقوقه انه يقف فى اى مكان
............................
فى راى الشخصى سائقى الملاكى فى اسكندرية اكتر ناس عندهم قابلية للتغيير وعدم الفوضى واحترام الغير ....
معظم سائقى الميكروباصات فى اسكندرية سائقين جيدين وامرهم سهل مع شوية تنظيم حيتعدلوا
لكن التكسيات دول بقى ربنا يهديهم
الحقيقه من كلامك وكلام ناس كتير انا قريت عن سواقين توكسه اسكندريه مهازل وسمعت العجب ولو تسمحلى انا مش هقول توكسه انا هقول سواقين الادا لان تقريبا توكسه اسكندريه كلها لادا مش عارف ايه السبب ولو حد اسكندرانى ممكن يوضحلى السبب (تقريبا عرفو سر الادا) هههههههههه
أكيد محدش أحسن من التاني والإتنين سواقتهم وحشة جدا وده طبيعي في أي بلد في مصر
لكن في حاجة حلوة لفتت إنتباهي للإسكندرانية مبيزمروش كتيير زي القاهروين
ههههههههههه لا يا رجاله احنا بنتكلم على الملاكى المشاريع و التاكى احقر من بعض و عايزين ولعه الا من رحم ربى يبقى التاكس خبطك و ينزل يعيطلك و يقولك عليها اقساط ههههههههه لسا تاكس خابطنى بعديه من الشمال و مرعشلو و مديلو كلاكس و برضو خبطنى نازل يقولى راضينى و هوا كسرلى كلبسات الاكصدام كنت هقتلو اصلا