سر الادا هوا سر شويبس :)
فعلا سواقين التاكسى عندنا مش ممكن ابسط حاجة الكلاكس بتاعه فى جميع المواقف حتى لو واقف علشان تعدى راجل كبير بيموت و انت موقفه وراك هتلاقيه معلق على الكلاكس
السواقه فى اسكندريه اصعب و لازم تكون حافظها علشان تمشى فيها ( اقصد الكورنيش مش اى حته تانيه )
لانه كطريق سريع فيه ملفات غريبه و صعبه جدا غير الناس اللى هوب تلاقيهم بيعدوا و انت طاير اصلا
انما فى القاهره معظم الطرق السريعه مفيش منها قلق لانها طوالى ( ما عدا صلاح سالم ) يقلق فى بعض الاحيان
انما غير الطرق السريعه فى القاهره و الطرق السريعه فى اسكندريه كله زى بعضه ( مفيش اى اهتمام بالطريق و لا حساب للناس اللى بتعدى ولا ذوق و لا فن الكل عايز يعدى بلطجه دا طبعا غير الطريق المدغدغ اللى لازم تربط العفشه كل اسبوع )
بتوع كايرو بيعملوا حاجات غريبة لما يجوا اليكس
و برضه بتأكد لما بكون في القاهرة طريقة سواقة غريبة فعلا !!! :)
اعوذ بالله من السواقه في اليكس بصراحه صعبه جدااا كله بيرمي علي كله وخصوصا في الكورنيش كله بيجري وهايص في وسط الهيصه بدون وعي
في القاهره لازم بالدراع عشان تعرف تمشي
بالنسبه بقا اشمعني الادا مره سالت سواق تاكسي وانا في اليكس قالي بنجيب لادا لان عارفين ان هايجي واحد بملاكي يقف قدامنا مره واحده والعربيه هاتدمر فا الادا ناشفه شوية وبتتلم ب 5 جنيه :d
يعني لا بتوع الملاكي عاجبهم التكسيات ولا التكسيات عاجبهم الملاكي :d
طيب وعايزين نعرف بردو اكتر نمر محافظه ايه بتبعد عنها؟
يعني انا مثلا بخاف وبترعب من الغربيه والشرقيه والمنوفيه لان بيحصل مواقف فتاكه منهم :d
عادي يعني مش هتفرق كتير ما بين محافظة والتانية !
الفرق فعلا هيكون في السواقة من بلد للتانية
بس هو نظام تصميم الطرق والاشارات هو اللي بيختلف من مدينة ومحافظة للتانية وهو اللي بيخلي الواحد ممكن اسلوب سواقته يختلف
يعني انا لما روحت الاسماعيلية الاشارات هناك مختلفة عن القاهرة والتقاطعات كمان فبالتالي بقيت بهدي قبل الاشارات عشان افهم مين من حقه يعدي بالظبط :d
وهكذا يعني انما كلنا بنعرف نسوق وكلنا زي الفل وكلنا صايعين
ههههههههههههههههههههههه
طب هو يعني ايه سواقة بس الأول؟؟؟؟
حضرتك تقصد التحكم فلسيارة؟؟؟
ولا التحكم فلنفس؟؟؟
ولا التحكم ف كل الناس اللي حواليك بالبلطجة؟؟؟
و الله أنا اشايف ام كلهم عايزين الحرق ماعادا بعض الناس المحترمة
يعني هوضح بمثال بسيط
في الاسكندرية : الإشارة ليها إحترامها يعني أنا كنت ماشي مرة علي الكورنيش في النص و عايز اروح الحارة ايلي علي اليمين عشان اركن اديت اشارة و ايلي ورايا بقوا يهدوا عشان اعدي و دي كذا مرة حصلت معايا و بصراحة حاجة كويسة
بالنسبة بقي للكورنيش و الجري مثلا من أول سيدي جابر كده لحد المكتبة دي بتشبه عليا سباق العربيات كلة بيجري ( بتبقي متعة بس بتبقي خطر )
في القاهرة أنا حاسس انها اصعب عشان الكثافة و كمان بحث انهم وخدنها بلطجة و بالدراع ( يعني بوز العربية هو ايلي بيتكلم مش الزوق و الصح ) مش عارف لية
أما بقي في دمنهوء دمنهوء ( دمنهور يعني ) مزيج من الأثنين