ماهو سبب التاخير عند طلب تسارع عالي في الميجان

**ugaritian** · 21-08-2011 09:15 PM

السلام عليكم جميعا

عندما اكون ماشي بسرعة عادية و تطلب الظروف تسارع عالي لتجاوز سيارة اخرى مثلا فاقوم بالدوس على البنزين على الاخر فيحدث ان تتوقف السيارة لوهلة ثم تبدا التسارع بالشكل المطلوب، ذلك التاخير يحدث لفترة قصيرة و هو ليس كالنتشة عند الانتقال لغيار اقل فهل هو طبيعي ام علي ان اقلق.

**shawkylotfy** · 21-08-2011 10:26 PM

عادى خالص ..... دة كيك داون .... وعلى فكرة هى الميجان الاتوماتيك كدة التسارع بطىء على السرعات العادية ... انما الموانيوال مع واحد صاحبى ما شاء اللة طيارة والتسارع بيبقى فى نفس لحظة الدوسة

**ugaritian** · 22-08-2011 02:44 AM

شكرا لمرورك الطيب اخي شوقي، بصراحة هذه الحركة مزعجة لانها تحصل عندما اكون فعلا بحاجة للانطلاق بسرعة كبيرة فتكسفني.

**amr_elbazz** · 22-08-2011 06:40 AM

فى مثل هذة المواقف الاستثنائية تغيير الفتيس على المانيوال مود بيكون الاداء احسن

**scraper2012** · 22-08-2011 06:56 AM

التأخير ده بسبب إن دواسة البنزين مش مربوطة بسلك مباشرة للبوابة زي أي عربية تانية لأ,

دوستك للبنزين ليها سنسور بيحس بمقدار الضغطة و من ثم الكومبيوتر بيرسل إشارات "signals" للبوابة "Throttle valve" إنها تفتح كهربائياً على حسب ضغطتك و مقدار دوستك للبنزين,

فالعملية فيها حسابات بالكومبيوتر الأول و بعدين تشتغل,

عشان كده العربية هي اللي بتمشينا بمزاجها ههههههه, :)

**ugaritian** · 22-08-2011 06:57 AM

المشاركة الأصلية كتبت بواسطة amr_elbazz

فى مثل هذة المواقف الاستثنائية تغيير الفتيس على المانيوال مود بيكون الاداء احسن

شكرا لك.

تنقل للمانول مع تنزيل الغيار ام بدونه.

**ugaritian** · 22-08-2011 07:07 AM

المشاركة الأصلية كتبت بواسطة scraper2012

التأخير ده بسبب إن دواسة البنزين مش مربوطة بسلك مباشرة للبوابة زي أي عربية تانية لأ,

دوستك للبنزين ليها سنسور بيحس بمقدار الضغطة و من ثم الكومبيوتر بيرسل إشارات "signals" للبوابة "throttle valve" إنها تفتح كهربائياً على حسب ضغطتك و مقدار دوستك للبنزين,

فالعملية فيها حسابات بالكومبيوتر الأول و بعدين تشتغل,

عشان كده العربية هي اللي بتمشينا بمزاجها ههههههه, :)

بارك الله فيك على الشرح الجميل، هل يوجد حل، يعني و الله الواحد بيحصل له احباط لما بيحتاج يسبق حد على جنبه.

**amr_elbazz** · 22-08-2011 07:20 AM

المشاركة الأصلية كتبت بواسطة ugaritian

شكرا لك.

تنقل للمانول مع تنزيل الغيار ام بدونه.

نقل مع تنزيل وافضل اداء هتحس بية هو النزول من الغيار الرابع للثالث او من الثالث للتانى
اما من التانى للاول ممكن الفتيس يرفض التنفيذ لو حس ان ممكن يكون فى ضرر

**shawkylotfy** · 22-08-2011 07:37 AM

عموما العربيات الاتوماتيك تسارعها بطىء عن المانيوال ... هى مش عربيات رياضية ...

**chato_eg** · 22-08-2011 08:41 PM

مش للدرجة دى بطيئة يا رجالة...
أنا معايا ممكن بضغطة واحدة للآخر تنقل نقلتين عكسيتيين...يعنى من الغيار الرابع للثانى و بعد ما أخف رجلى بتقوم راجعة للثالث و من بعديه على طول الرابع زى ما كانت....بس هى محتاجة قلبك يطاوعك إنك تضغط بالشكل ده فجائيا..غالبا لازم بسن الرجل على الطرف السفلى لدواسة البنزين علشان تضمن إنها لازقة فى الأرض