سؤال للوحوش

**gazzar91** · 24-08-2011 04:35 AM

المشاركة الأصلية كتبت بواسطة sherif2009bhit

لا بتعتل مرة وتدور على طول

نبدأ بالسهل الأول و اكشف على خرج البطارية و شحن الدينامو

في رعاية الله

**SHERIF2009BHIT** · 31-08-2011 07:19 PM

كل سنة وانتوا طيبين عيد سعيد عليكم كلكم يا احلى شباب
خرج الدينامو تمام الموضوع طلع البطارية و وانا غيرتها بواحد جديدة والحمد للة تمام الان

**SHERIF2009BHIT** · 31-08-2011 07:21 PM

سؤال تانى عندى من يومين صوت خبط فى الناحية اليمين عاوز اعرف دة يبقى مقص ولا بطاحات ويا ريت حد يقولى البطاحة مكانها فين ةاعراض تلفها اية

**Ahmed Selim** · 01-09-2011 08:20 AM

المشاركة الأصلية كتبت بواسطة SHERIF2009BHIT

سؤال تانى عندى من يومين صوت خبط فى الناحية اليمين عاوز اعرف دة يبقى مقص ولا بطاحات ويا ريت حد يقولى البطاحة مكانها فين ةاعراض تلفها اية

البطاحة بتبقى فوق المساعد و بتشوفها لما تفتح الكبوت من فوق المساعد.

البطاحة جزئين.....جزء عبارة عن كاوتش و جزء عبارة عن رلمان بلى......

الكاوتش بيبوظ لو نشف و المفروض يبقى حواليه شحم
الرلمان بلى بيبوظ لو فرط او على وشك أنه يفرط

البطاحة بتتباع برة التوكيل كاملة أو رلمان بلى بس.

دى صورة بطاحة بس مش بتاعة ميجان.

**Ahmed Selim** · 01-09-2011 04:16 PM

المشاركة الأصلية كتبت بواسطة sherif2009bhit

احمد بية ازى حضرتك وكل سنة وانت طيب
فعلا الكاوتش طلع مشقق يا ترى بغير الكاوتش ولا اغيرها كلها برلمان البلى وفى ماركة محددة كويسة وهل سهلة فى التركيب ولا صعبة
وشكرا للمساعدة

كل سنة و حضرتك طيب يا باشا

أعتقد أنك محتاج حد يكشف على الرلمان بلى كمان علشان تعرف حالته أيه..........بدل ما تشترى واحدة من غير رلمان بلى و يطلع برضه فيه مشكلة.

و بالنسبة للتركيب هو سهل بس محتاج شوية وقت.....يعنى أعتقد نص ساعة أو ساعة إلا ربع للناحية الواحدة.

الماركات الكويسة مش فاكرها بصراحة بس فيه شركة مشهورة قوى فى موضوع الرلمان البلى ده على مستوى العالم أسمها skf مش عارف منزلة للميجان و لا لأ.

و عموماً موضوع أن الكاوتش مشقق ده ممكن يكون مش هو العيب.....يعنى ممكن يكون فى أول تشققه و لسه شوية عليه.

أنا مرة كنت عامل حسابى على التغيير و طلع الموضوع كله أن البطاحة محتاجة تشحيم علشان الشحم اللى فيها نشف و بالتالى و هى بتتحرك كانت بتعمل صوت.

بإختصار خللى حد يكشف لك على البطاحة بالكامل و شوف رأيه أيه......بس يكون حد أمين علشان ميعملش شغل عليك.