حدوث خطا عند تغيير ماء الردياتير

**Lolopepo** · 22-08-2011 04:53 PM

اردت تغيير ماء الردياتير في سيارتي سوزوكي سويفت 93 فقمت بالاتي :
شغلت العربيه و طلعت بيها مشوار نصف ساعه و بعدين اطفئت المحرك و فتحت حنفية الردياتير فنزلت ميا ساخنة جدا و بها كميات صدا كبيرة
ثم تركت العربية ساعة كاملة و كنا بالليل لتبرد ثم غسلت الردياتير بجركن مياة 8 لتر من فتحة الردياتير و تركت المياه تنزل من الحنفية لغاية ما بقت المياة النازلة لونها عادي و نظيفة
ثم اغلقت طبه الردياتير من تحت و ملات الردياتير ماء من الحنفية عادي ثم شغلت المحرك
اي اني شغلت المحرك بعد ما حطيت المياه كلها
فهل هناك اي خطا انا عملتة ؟؟؟
فالبعض بيقولي ان ده هيعمل انحناء لوش الساندر و البعض بيقولي اضافة الماء و السيارة مطفئة بيخلي راس السلندر تبوظ مع اني سبت السيارة مطفئة ساعة بعد ما فضيت المياة منها
رجاء من اهل الخبر افيوني

**Ashraf_Ibrahim** · 22-08-2011 05:14 PM

اعتقد كدة مفيش خطأ
اللي انت عملته صح مفيش مشاكل لأن العربية كانت باردة

**MOK3336** · 22-08-2011 06:42 PM

في حاجة غلط انك حطيت مياه من الحنفية يا عم حط مياه خضراء

**SAMEH_FOUAD** · 22-08-2011 09:02 PM

شوف ياباشا يفضل انك اى عمل فى دورة تبريد السيارة يكون ودرجة حرارة السيارة مش اعلى من 37 درجة , يعنى تقريبا 4 ساعات تكون العربية مركونة , لان ساعة ماعتقدش انها ممكن العربية تبرد بالشكل الكافى وخصوصا ان الجو بردة مش برد

بس الحمد لله ربنا عداها على خير وانت بس خلى بالك بعد كدة وماتحاولش تفضى مياة العربية وهية سخنة او لسة راكنها من فترة بسيطة