الموضوع: اموت واعرف

؟؟؟؟؟؟؟؟؟؟؟؟

السلام عليكم ,

انا احد ملاك الجميله byd f3 من سنة و شهرين والعربية ماشاء الله عليها حتى الان كاعتمادية على سيارة داخل الجو المصرى و الطرق المصرية اللى كلنا عارفنها زى الفل .
ولكن للاسف انا اتفق تماما مع الاخ neron من غضبة من مركز صيانة القطامية و غالبيةالصنايعية اللى هناك .
انا عامل بعربيتى 29000 عملت اخر صيانتين فى القطاميه وللاسف نفس المشاكل اللى عندى زى ماهيا وذاد عليها حاجات تانية , يعنى انا كنت بيشتكى من حدفة يمين جامدة مع فرامل فى سرعه (100-120كم )
حاولوا فيها وفى الاخر لقيا العربيه زى ماهيا وذاد عليها ان لمبة فرامل اليد منوره على طول .
ده كانت اخر حاحة مثلا

انا اتمنى من اداره شركة الامل انها تعمل فلترة لكل العمال و الصنايعية اللى عندها وتتحرى الدقة فى الاختيارات القادمة

شكرا

على فكرة انا واحد من ملاك السيارة والحمد لله رب العالمين العربية مش هقول جميلة - لا -العربية بفضل الله من اجمل واحسن العربيات اللى فى مصر لكن فعلا الصنايعية اللى فى توكيل القطامية لا حياة لمن تنادى رحتلهم اكتر من مرة وارجع بنفس العيب - مثلا رحت السنة اللى فاتت فى توكيل العباسية زى اليومين دول بمشكلة ان ال r.p.m بيعلى وانا واقف او انا ماشى ويوصل لغاية 3 او 4 وكتبت هنا فى المنتدى مشكلتى دى ونصحونى اروح التوكيل فرحت هناك لقيت الفنى رش على الواير بتاع البنزين w 40 طيب دة مالة باللى انا بشتكى منة ورجعت بلدى تانى وانا فى الطريق حصلت نفس الحكاية مع ان الفنى قالى خلاص المشكلة دى مش هتشوفها تانى وصدقتة -
الأسبوع اللى بعدة رجعتلة تانى ومش عارف عمل اية وما اتحلتش المشكلة لغاية النهاردة ورحت بيها القطامية اكتر من مرة وكأنى بنادى فى الفضاء
مرة تانية قلتلهم ان المساعد اللى ورا مش حلو قالولى لا لالالا المساعد زى الفل وخرج معايا فنى ومهندس وقسما بالله العلى ابلعظيم صوت الدربكة ورا كان يسمعها اى انسان وقلت للمهندس سامع حضرتك الصوت فقام بص للفنى اللى جانبة وقالة انت سامع حاجة يااسطى محمد فقالة لا ياباشمهندس - هو انت سامع حاجة فقالة لا والله ياسطى محمد فبلا ارادة منى لقيت نفسى بقلهم انتوا بتستعمونى ولا بتستطرشونى ياجماعة طيب ممكن حضرتك تسيبنى انا بقا اسوق عشان تسمع كويس وممكن انتوا الأتنين تركبوا ورا ونزلوا وركبوا ورا ساعتها قالى اة تصدق كدة انا سمعت الصوت ورجعوا بالعربية للمركز تانى ولقيت الفنى خرج بالعربية مرتين ويرجع وفى الأخر غيرولى فردة مساعد واحدة بس مع ان كل الناس تعرف انك عشان تغير مساعد يبقا لازم تغير الأتنين سوا عشان تتوزن العربية وعشان الكاوتش
الموضوع مش موضوع اننا نقعد نشكر وبس - لازم نقول الأيجابيات والسلبيات عشان نتطور ونوصل للأحسن
هسأل سؤال واحد بس لية كل الناس اللى راحت توكيل اسكندرية قالت فية قصايد شعر ولية كل الناس اللى رجعت من هناك قالت فى المهندس اسامة قصايد شعر عارفين لية لسبب بسيط اوى اوى الضمير وحبة لشغلة واحترامة لنفسة وللعميل بتاع الشركة
ولية بنروح القطامية ونرجع زى ما رحنا زى ما جينا ولا كأننا رحنا توكيل الا عشان نغير زيت بس برضة عشان الضمير
ياريت بجد الناس اللى فى القطامية تتقى الله عشان حرام واحد زيى انا اسافر من السويس للأسكندرية عشان اصلح عيب بقالة سنة ولما اتصلت بالنهندس اسامة فى توكيل اسكندرية قالى ان الموضوع بسيط اوى ولما شرحهولى حمدت ربنا ان ان شاء الله المشكلة هتتصلح بالرغم من انى بقالى سنة بروح التوكيل وبرغم انى اتصلت بالأستاذ عماد حبيب على تليفونة الخاص والراجل مشكور قالى روح القطامية وهتتحل المشكلة لأن المشكلة كلها نظافة حساسات - ولما رحت التوكيل وقلت كدة للمهندس اللى عملى امر الشغل كأنى غلطت فى الذات الألهية وقالى احنا عارفين شغلنا واحنا اللى نقول العربية محتاجة اية ومش محتاجة اية - فسكت على اعتبار انى خلاص ادام انسان هيعرف حل الموضوع برغم انى قلتلة على المشكلة من قبل ما يجربها بنفسة من خلال مكالمتى مع الأستاذ عماد حبيب - لكن تقول اية فى الكبر والتعالى