الموضوع: حادثة وخبطة فى الرفرف الأمامى شمال

المشاركة الأصلية كتبت بواسطة mohssenrashed

اعتقد تجيب احسن رفرف جديد عشان ده مقطوع و هيتسمكر و يترش. نصحتي ليك اسأل الاول الجديد بكام

بإذن ناوى أروح التوكيل الأول وأشوف رأيهم إيه وممكن يصلحوه بكام, أو الجديد بكام, ولو إن فى سمكرى كان قريب من مكان الحادثة ورحناله عشان يقدر تكلفة الإصلاح وكان رأيه إن الإصلاح ممكن بالسمكرة والرش زى ماحضرتك قلت, والتكلفة فى حدود ال 400 جنيه, بس أنا قلقان شوية أحسن يطلع فى فرق فى درجة اللون.

انا غيرت الرفرف الشمال الامامى بواحد جديد بسبب حادث بسيط والحمد لله
طبعا جبته من خارج التوكيل وكان عامل 285
وربنا يستر طريقنا ويكفينا شر الطريق ان شاء الله

المشاركة الأصلية كتبت بواسطة ibrahimthebest

انا غيرت الرفرف الشمال الامامى بواحد جديد بسبب حادث بسيط والحمد لله
طبعا جبته من خارج التوكيل وكان عامل 285
وربنا يستر طريقنا ويكفينا شر الطريق ان شاء الله

طب ده كان فين وإمتى السعر ده؟
دى السمكرة لوحدها التقدير الأولى بتاعها ب 250 جنيه, قول تنزل ل 200, يبقى كده فعلاً الرفرف الجديد أفضل, بس عملت الدوكو بكام ياترى؟
ربنا يكفينا جميعاً شر الطريق والحوادث.

المشاركة الأصلية كتبت بواسطة donzi

العفو على ايه

انا اللي مخدتش بالي انك في برج العرب اسكندرية معلش اصلي ضعيفة في الجغرافيا :m_yes[1]:

ولا يهمك حضرتك, يكفى بس إنك شاركتى باللى تقدرى عليه.
تحياتى

المشاركة الأصلية كتبت بواسطة mabdelaziz

طب ده كان فين وإمتى السعر ده؟
دى السمكرة لوحدها التقدير الأولى بتاعها ب 250 جنيه, قول تنزل ل 200, يبقى كده فعلاً الرفرف الجديد أفضل, بس عملت الدوكو بكام ياترى؟
ربنا يكفينا جميعاً شر الطريق والحوادث.

الكلام ده كان من يومين من محل فى صقر قريش المعادى وطبعا لون الرفرف اسود ولما ركبته على عربيتى لونها فيرانى مكنش فى فرق كبيرفى اللون اختلاف بسيط مش واضح وممكن متترشش فمش هقدر افيدك فموضوع الدوكو بس اكيد كلام بسيط اصلو هيرش فقط من غير معجون