الموضوع: صيانة ال 25k + صدفه سعيده لأول مره

Mabrooook 3la el seyana ya 3ala2 we 3o2bal ma nebareklak 3la picanto gdida shaklaha 3agbetak ,ana kaman shoft el safra wana bastelem el cerato .sa7i7 shoft el cerato :p ?? (M3lesh dakhla men elmobil)

ألف مبروك يا محمد باشا....ان شاء الله الصيانة اللي جاية نعملها مع بعض:)

كانت صدفة سعيدة جداً جداً ..
والوقت مر بسرعة في هذه الصحبة الجميلة .
المهم .. أداء التوكيل بقى أسوأ من الأول بكتيييير ..
قلت لهم اغسلوا حوض الموتور بالفوم .. غسلوه أي كلام .. تهبيل يعني .. ودفعت في هذا الغسيل المعفن 35 جنيه .
غيروا لي الكلاكس لتاني مرة في الضمان
واللمبة الأمامية الواطي
ده غير صيانة الاربعين تغيير بوجيهات ، وفلتر هواء وفلتر بنزين وفلتر زيت وفلتر بنزين الداخلي (جوة الطلمبة ) وزيت شل الترا ومياة تبريد شل ، وتيل فرامل أمامي ( رغم إن اللي طلع كان سليم جداً ويقعد عالأقل 10 آلاف كمان ) وكان السعر كله 1300 جنيه تقريباً .
التيل بس 400 جنيه غير مصنعية التركيب .

لكن طلعوا العربية متوسخة ، ومغسلوهاش أو شفطوا التراب جوة وبرة كالعادة .
يعني بقيت حاسس إن حكاية انتهاء قضية التوكيل جت على دماغي لأني استلمت العربية الساعة 1.50 ظهراً وكنت تاني واحد بعد محمد علاء يعني من 9 إلا ربع ..
الله يرحم أيام ما كنت باقعد ساعة ونص على الأكثر .. واهتمام إيه ونضافة إيه .

المهم مهندسي الاستقبال بقوا واخدين كورس سد الحنك .. صحيييح .
والبيكانتو الجديدة معجبتنيش الصراحة إلا علشان وسعت شوية من قدام ولكن على حساب اللي قاعد ورا ..
وكان لسبعاوي ملاحظة مؤكدة إن العربية الصفرا اللي في الشو رووم عاملة حادثة من قدام .. تخيلوا .
ده غير إن الرووم فيها واحدة بيكانتو ، وواحدة كارينز ، وواحدة سورنتز قديمة ، وبتاع 5 سيراتو .. ولا توجد أي سيارة ريو ...
تقبلوا خالص مودتي

المشاركة الأصلية كتبت بواسطة onna

Mabrooook 3la el seyana ya 3ala2 we 3o2bal ma nebareklak 3la picanto gdida shaklaha 3agbetak ,ana kaman shoft el safra wana bastelem el cerato .sa7i7 shoft el cerato :p ?? (M3lesh dakhla men elmobil)

بيكانتو جديدة إيه يا نهى... أه هي عجباني صحيح... بس أكيد لما أحب أغير مش هاغير لنفس نوع العربيه.. لازم الواحد يتطور برده.. يعني ممكن أستنى البيكانتو 4x4 اللي هاتنزل على 2020 :D

أيواااان .... شوفت السيراتو ... هو أصلا مافيش غير سيراتو هناك ... كل ما أمشي 2 متر ألاقي سيرااتو في وشي .. بس على فكره الأحمر بتعها جامد والنبيتي كمان .. ومن جوه أسود .. بيعجبني أوي الصالون الأسود في أسود ... بس هي كعربيه جامده .. كنت فاكر التكيف فيها ديجيتال .. طلع مش كده... بس كان نفسي أجرب سوقتها هناك ... أنا قلت هي نهى إزااااي كانت بتقول إنها ساقت العربيات هناك .. هما طلعوهالك بره الشو روم ولا إيه.. شكل الموضوع ده كان إسبيشيال :D

كمان أيه بقى موضوع الموبايل ده.. على فكره .. أنا متهيألي يا نهى إنك لما بدتخلى من على الموبايل .. بتكتبي فرانكو عربي.. وأعتقد إن الناس عرفت كده خلاص .. ف مش لازم تقولي إنك دخله من على الموبايل.. بس على فكره أنا دخلت مره من على الموبايل وحاولت أكتب حاجه لقتها ممله قوي.. ده إنت عندك طول بال رهيبه :)

المشاركة الأصلية كتبت بواسطة NaderNabil

ألف مبروك يا محمد باشا....ان شاء الله الصيانة اللي جاية نعملها مع بعض:)

بس كده .. ده كده الواحد هايتعود يا نادر ومش هايعرف يروح لوحده بعد كده ... المشكله إن الموضوع ده صدفه بحته ....لإنك مش هاتعرف توفق مواعيد الصيانه بتاعة عربيه مع عربيه تانيه..

وبجد الواحد نفسه يشوف الناس اللي معاها كيا هناك .. علشان يعرفوا إن في حاجه إسمها نايل موتورز

المشاركة الأصلية كتبت بواسطة د.أحمد سمير

كانت صدفة سعيدة جداً جداً ..
والوقت مر بسرعة في هذه الصحبة الجميلة .
المهم .. أداء التوكيل بقى أسوأ من الأول بكتيييير ..
قلت لهم اغسلوا حوض الموتور بالفوم .. غسلوه أي كلام .. تهبيل يعني .. ودفعت في هذا الغسيل المعفن 35 جنيه .
غيروا لي الكلاكس لتاني مرة في الضمان
واللمبة الأمامية الواطي
ده غير صيانة الاربعين تغيير بوجيهات ، وفلتر هواء وفلتر بنزين وفلتر زيت وفلتر بنزين الداخلي (جوة الطلمبة ) وزيت شل الترا ومياة تبريد شل ، وتيل فرامل أمامي ( رغم إن اللي طلع كان سليم جداً ويقعد عالأقل 10 آلاف كمان ) وكان السعر كله 1300 جنيه تقريباً .
التيل بس 400 جنيه غير مصنعية التركيب .

لكن طلعوا العربية متوسخة ، ومغسلوهاش أو شفطوا التراب جوة وبرة كالعادة .
يعني بقيت حاسس إن حكاية انتهاء قضية التوكيل جت على دماغي لأني استلمت العربية الساعة 1.50 ظهراً وكنت تاني واحد بعد محمد علاء يعني من 9 إلا ربع ..
الله يرحم أيام ما كنت باقعد ساعة ونص على الأكثر .. واهتمام إيه ونضافة إيه .

المهم مهندسي الاستقبال بقوا واخدين كورس سد الحنك .. صحيييح .
والبيكانتو الجديدة معجبتنيش الصراحة إلا علشان وسعت شوية من قدام ولكن على حساب اللي قاعد ورا ..
وكان لسبعاوي ملاحظة مؤكدة إن العربية الصفرا اللي في الشو رووم عاملة حادثة من قدام .. تخيلوا .
ده غير إن الرووم فيها واحدة بيكانتو ، وواحدة كارينز ، وواحدة سورنتز قديمة ، وبتاع 5 سيراتو .. ولا توجد أي سيارة ريو ...
تقبلوا خالص مودتي

على فكره يا د/أحمد.. موضوع سوء التوكيل ده .. مش للدرجه الكبيره اللي تخلي الواحد يعتقد إن التوكيل بقى سئ من بعد القضيه

أنا من وجهة نظري إن الموضوع ده نتيجة لسببين :

1: موضوع برنامج الرعايه الفائق اللي إتعمل في أبو رواش الإسبوع اللي فات واللي أنا متأكد منه إنه أثر على أداء الناس هناك بسبب الضغط الرهيب اللي من العملاء.. تخيل مثلا عندك 55 عربيه كل يوم بيدخلوا التوكيل .. لو قلنا إن من بين ال 55 عربيه دول فيهم 10 عربيات أصحابها في منتهى الغلاسه أكيد الناس هتتأثر من الموضوع ده

2: موضوع حل القضيه .. خلى ناس كتير تتجه لكيا وبقى فيه ضغط على التوكيل... ومحمد نصير بيعمل دلوقتي مراكز صيانه جديده علشان الإقبال اللي زاد على العربيه

فأعتقد إن الموضوع ده هايستمر فتره لغاية ما يتأقلموا مع الوضع ... ما تنساش إن الفتره بتاعة القضيه .. كانت فتره أنتخه ( حوالي سنه ونصف أنتخه) .. علشان كده أنا متوقع اللي بيحصل ده..

أنا كنت بقول إن لو القضيه خلصت .. هاروح أقعد في كل صيانه اليوم كله .. والله القضيه ده كانت ميزه جامده جدا

موضوع غسيل الموتور ده .. بيتغسل بالميه بس .. أنا كذه مره أقلهم على الموضوع ده لغاية ما زهقت وغسلت الموتور في موبيل اللي جانبي.. غير كده.. أنا متهيألي إنك لازم تتأكد بنفسك هايغسلوا الموتور بالميه ولا بالفوم ..

موضوع سد الحنك ده بقى.. زي ما قلت... الأنتخه خلتهم مايتعملوش مع بشر كتير وطول الوقت سكتين .. فلازم يحصلهم تلين للسان علشان يرجع زي الأول :)

بس ايه دو انا زعلت من التوكيل كدة !!

بيهرجوا دول ولا ايه ! دول على عربيتين بس و قعدوكو كل دة !

كنت فاكر التكيف فيها ديجيتال .. طلع مش كده

التكييف الديجيتال موجود فى الموديل EX الى هوة فل اوبشن و الموديل LX التكييف بتاعة بكر عادى