Mabrooook 3la el seyana ya 3ala2 we 3o2bal ma nebareklak 3la picanto gdida shaklaha 3agbetak ,ana kaman shoft el safra wana bastelem el cerato .sa7i7 shoft el cerato :p ?? (M3lesh dakhla men elmobil)
رقم العضوية : 172
تاريخ التسجيل : 25Apr2007
المشاركات : 511
النوع : ذكر
الاقامة : Nasr City - Cairo
السيارة: 127
السيارة[2]: KIA Picanto 2006
دراجة بخارية: لا
الحالة :
السلام عليكم ورحمة الله وبركاته
أنا يمكن معاملتيش مواضيع خاصه بصيانة العربيه قبل كده بس المره ديه مره مميزه قوي وحبيت أشارك بيها هنا في المنتدى
أولا أنا لما قرأت إن كيا عمله برنامج الرعايه الفائق ببلاش في ملحق السيارات بتاع يوم الجمعه. (امس) .. قلت فل قوي ... إتصلت بيهم وقلتهم عاوز أحجز في البرنامج ده .. الراجل قالي معليشي أصل كل الحجوزات قفلت ... إزاي يعني .. قالي إنهم حاجزوا للأسبوع اللي فات حوالي 55 عربيه في اليوم وما ينفعشي يحجزوا اكتر من كده .. المهم قلتله انا عايز أعمل صيانة ال 25 ألف .. وقلتله حطني في قائمة الإنتظار بحيث إن ممكن حد يعتذر عن ميعاده .. أروح انا مكانه:)..
برنامج الرعايه الفائق ده معمول لمدة 3 أسابيع .. الإسبوع اللي فات كان في أبو رواش .. الإسبوع ده في القطاميه..الإسبوع اللي جاي في الأسكندريه
المهم حجزت على النهارده الساعه 8 الصبح .. ونزلت من بيتنا على 6:30 وكنت هناك على 8 بالظبط..
لما قربت من التوكيل لقيت الأبواب بتاعة الصيانه الخارجيه مقفوله .. إستغربت جدا .. طب ليه بتوع الكول سنتر قالولي الساعه 8 .. هما بيبعتوني ولا فكرين إن الشعب المصري كلهم توقيته أي كلام ..
انا مش عايز أقول إني لما شوفت كده .. سرحت شويه .. ولقيت نفسي بعدي على بتوع الأمن بره ( الراجل اللي بياخد الأسماء ) ولا عبرته ودخلت عادي لغاية لما وقت قدام الباب المقفول ده .. ولغاية لما وقفت .. كنت مذبهل برده.. إزاي بتوع الكول سنتر دول قالولي الساعه 8 .. المهم.. لقيت الراجل بتاع الأمن ده فجأه واقف جنبي وبيقولي (What is your name?) .. أنا بصيتله كده ولسه انا في نفس المود .. وقلتله أنا عربي .. مش عارف أنا قلت ليه كده .. يمكن انا كنت عايز أقوله .. انا بتكلم عربي.. قالي مش عارف أصل حاسيت إنك أجنبي.. ماشي ياعم .. فين بقى الأخوه بتوع التوكيل .. قالي بيجوا الساعه 8:30 .. ينهار أبيض .. انا لسه هاقعد نص ساعه مستني..
المهم قعدت في قاعة الإنتظار تحت لغاية الساعه 8:40 .. قلت أطلع أشوف في حد جه .. لقيت مهندسة الإستقبال يتقولي عربية حضرتك ديه... قلتلها نعم... المهم .. خلصت الورق بتعها وشافت اللي موجود في العربيه .. وانا واقف معاها جنب العربيه
لقيت كيا حمراء دخلت التوكيل ... هب لقيت الدكتور أحمد سمير والمهندس خالد ( سبعاوي ) جايين .. د/احمد كان جي علشان صيانة ال 40 ألف.. إيه الصدف السعيده ديه ... ده كده الواحد هيلاقي حد يتكلم معاه بدل ما كنت هاقعد لوحدي
المهم هما خلصوا برده ورق العربيه وكتابة المتعلقات والطلبات ونزلنا كلنا تحت في قاعة الإنتظار
( ملحوظه : دائما لما بروح التوكيل .. ألاقي مهندسة الإستقبال هي اللي بتاخد العربيه بنفسها وبتدخلها جوه الصيانه .. مش عارف ليه حاسس إنها مابتعرفشي تسوق غير البيكانتو )
نزلنا تحت وقعدنا على الكراسي اللي جنب التلفزيون عدل .. سبعاوي اول مره ليه في توكيل كيا .. التربيظه اللي كانت قدمنا .. كانت كلها مجلات سيدات .. ده غير العاده .. لأن باقي التربيظات كان عليها مجلات عربيات .. ( كان واضح إن اللي بيجي التوكيل سيدات بس:) )
الوقت الواحد ماحسش بيه خالص .. فجأه في وسط القاعده .. لقيت مهندسة الإستقبال جايه وبتقولي عايزين نغير تيل الفرامل اللي قدام ... قلت ماشي ... بعديعا بحوالي 5 دقائق .. لقينا مهندس الإستقبال اللي إستلم العربيه من د/أحمد جايله وبيقوله عايزين نغير تيل الفرامل الي قدام برده .. د/احمد قاله ماشي .. المهم إنها صدفه جامده قوي خاصة في موضوع التيل ده:)
على الساعه 12 قلولي العربيه خلصت .. رحت شفت العربيه ودفعة تمن التيل والمصنعيه ( 270 ) جنيه وسلمت على د/ أحمد وم/خالد ومشيت .. ووقت لما مشيت كانت عربية د/ أحمد لسه خارجه من الصيانه
طلعنا أنا ود/احمد وم/خالد على الساعه 11 كده للشو روم اللي فوق علشان نتفرج على البيكانتو الجديده .. انا أول مره أشوفها عن قرب كده .. كانت لونها صفراء .. من الحجات اللي عاجبتني فيها .. الفوانيس اللي قدام واللون السود الكامل بتاع الصالون .. غير كده .. هيه هيه الموديل القديم مع فروق بسيطه زي الأتي :
1: القديم : فيه مساحة تخزين تحت عجلة القياده .... الجديد لأ
2: القديم : عجلة القياده غير متحركه لفوق وتحت ... الجديد : عجلة القياده متحركه
3: القديم : فيه مساحة تخزين صغيره فوق عجلة الأستبن ... الجديد لأ
4: إختلاف اماكن مفاتيح الإنتظار والزجاج الحراري في الجديد عن القديم. وكذلك إختلاف في شكل مفاتيح التكيف
5: عداد الجديد في لون أبيض شبيه بالريو وتقسيمة لمبات البيان مختلفه عن القديم
6: لمبة النور الصغير موجوده في نفس مكان النور الكبير.. ده غير القديم .. وده عاجبني لأن لما النور الصغير ينور .. الإضاءه بتاعته هاتنعكس على خلفية الفنوس الكبير .. الموديل القديم .. النور الصغير بتاعه ليه مكان لوحده .. فلما يشتغل .. تحس إنك مشغل سهاري .. طبعا غير الفوانيس اللي ورا
7: اللون الأسود بتاع الطابلوه والكراسي والأرضيه ( كل حاجه لونها أسود ) .. القديم كان لون الصالون رمادي فاتح مع رمادي غامق ... اللون الأسود الكامل ده .. حلو قوي في العربيه
لقيت برده هناك عربيه بيكانتو عامله حادثه جامده في وش العربيه بس انا قربت منها ودققت النظر جوا الحوض لقيت إن الضرر بس طال الريداتير وماوصلشي للموتور خالص وعاجبتني قوي الحته ديه لأن الموتور جوا العربيه وكمان هيكل الحديد اللي خلف الإكصدام جامد للدرجه اللي تستحمل الصدمات
الشئ الناقص بجد هناك.. إنهم يعملوا ويرلس إنترنت في قاعة الإنتظار علشان اللي معاه اللاب توب .. ممكن يدخل على النت ومايزهأشي من القعده لوحده .. بس بجد الوقت جري بسرعه وماحسيتشي بيه خالص
ده الواحد بعد كده يظبط مواعيد الصيانات مع أي حد هنا معاه كيا في المنتدى :)
ملحوظه هامه جدا : أنا كل مره أطلع من التوكيل ده ومع كل صيانه بعملها .. كنت بلاحظ إن أداء العربيه بيتحسن قوي عن ادائها قبل ماتدخل ... لازم ألاحظ الفرق ده .. بس بعد ما غيرت التيل النهارده... أداء الفرامل إتحسن قوي..
بس كان يوم ظريف جدا جدا جدا ... شكرا للصدفه اللي جامعتني مع الدكتور احمد والمهندس خالد .. وأشوفهم المره اللي جايه في صيانة ال 30 ألف :)
م/محمد علاء
رقم العضوية : 3195
تاريخ التسجيل : 14Nov2007
المشاركات : 2,838
الحالة :
Mabrooook 3la el seyana ya 3ala2 we 3o2bal ma nebareklak 3la picanto gdida shaklaha 3agbetak ,ana kaman shoft el safra wana bastelem el cerato .sa7i7 shoft el cerato :p ?? (M3lesh dakhla men elmobil)
[SIZE="2"]i'll miss everyone[/SIZE]
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
ألف مبروك يا محمد باشا....ان شاء الله الصيانة اللي جاية نعملها مع بعض:)
رقم العضوية : 38
تاريخ التسجيل : 17Apr2007
المشاركات : 1,847
النوع : ذكر
الاقامة : مدينة نصر ـ القاهرة
السيارة: none
السيارة[2]: Kia Rio 2006
دراجة بخارية: لا
الحالة :
كانت صدفة سعيدة جداً جداً ..
والوقت مر بسرعة في هذه الصحبة الجميلة .
المهم .. أداء التوكيل بقى أسوأ من الأول بكتيييير ..
قلت لهم اغسلوا حوض الموتور بالفوم .. غسلوه أي كلام .. تهبيل يعني .. ودفعت في هذا الغسيل المعفن 35 جنيه .
غيروا لي الكلاكس لتاني مرة في الضمان
واللمبة الأمامية الواطي
ده غير صيانة الاربعين تغيير بوجيهات ، وفلتر هواء وفلتر بنزين وفلتر زيت وفلتر بنزين الداخلي (جوة الطلمبة ) وزيت شل الترا ومياة تبريد شل ، وتيل فرامل أمامي ( رغم إن اللي طلع كان سليم جداً ويقعد عالأقل 10 آلاف كمان ) وكان السعر كله 1300 جنيه تقريباً .
التيل بس 400 جنيه غير مصنعية التركيب .
لكن طلعوا العربية متوسخة ، ومغسلوهاش أو شفطوا التراب جوة وبرة كالعادة .
يعني بقيت حاسس إن حكاية انتهاء قضية التوكيل جت على دماغي لأني استلمت العربية الساعة 1.50 ظهراً وكنت تاني واحد بعد محمد علاء يعني من 9 إلا ربع ..
الله يرحم أيام ما كنت باقعد ساعة ونص على الأكثر .. واهتمام إيه ونضافة إيه .
المهم مهندسي الاستقبال بقوا واخدين كورس سد الحنك .. صحيييح .
والبيكانتو الجديدة معجبتنيش الصراحة إلا علشان وسعت شوية من قدام ولكن على حساب اللي قاعد ورا ..
وكان لسبعاوي ملاحظة مؤكدة إن العربية الصفرا اللي في الشو رووم عاملة حادثة من قدام .. تخيلوا .
ده غير إن الرووم فيها واحدة بيكانتو ، وواحدة كارينز ، وواحدة سورنتز قديمة ، وبتاع 5 سيراتو .. ولا توجد أي سيارة ريو ...
تقبلوا خالص مودتي
ما عاد يجدي الكلام ..
رقم العضوية : 172
تاريخ التسجيل : 25Apr2007
المشاركات : 511
النوع : ذكر
الاقامة : Nasr City - Cairo
السيارة: 127
السيارة[2]: KIA Picanto 2006
دراجة بخارية: لا
الحالة :
بيكانتو جديدة إيه يا نهى... أه هي عجباني صحيح... بس أكيد لما أحب أغير مش هاغير لنفس نوع العربيه.. لازم الواحد يتطور برده.. يعني ممكن أستنى البيكانتو 4x4 اللي هاتنزل على 2020 :D
أيواااان .... شوفت السيراتو ... هو أصلا مافيش غير سيراتو هناك ... كل ما أمشي 2 متر ألاقي سيرااتو في وشي .. بس على فكره الأحمر بتعها جامد والنبيتي كمان .. ومن جوه أسود .. بيعجبني أوي الصالون الأسود في أسود ... بس هي كعربيه جامده .. كنت فاكر التكيف فيها ديجيتال .. طلع مش كده... بس كان نفسي أجرب سوقتها هناك ... أنا قلت هي نهى إزااااي كانت بتقول إنها ساقت العربيات هناك .. هما طلعوهالك بره الشو روم ولا إيه.. شكل الموضوع ده كان إسبيشيال :D
كمان أيه بقى موضوع الموبايل ده.. على فكره .. أنا متهيألي يا نهى إنك لما بدتخلى من على الموبايل .. بتكتبي فرانكو عربي.. وأعتقد إن الناس عرفت كده خلاص .. ف مش لازم تقولي إنك دخله من على الموبايل.. بس على فكره أنا دخلت مره من على الموبايل وحاولت أكتب حاجه لقتها ممله قوي.. ده إنت عندك طول بال رهيبه :)
م/محمد علاء
رقم العضوية : 172
تاريخ التسجيل : 25Apr2007
المشاركات : 511
النوع : ذكر
الاقامة : Nasr City - Cairo
السيارة: 127
السيارة[2]: KIA Picanto 2006
دراجة بخارية: لا
الحالة :
بس كده .. ده كده الواحد هايتعود يا نادر ومش هايعرف يروح لوحده بعد كده ... المشكله إن الموضوع ده صدفه بحته ....لإنك مش هاتعرف توفق مواعيد الصيانه بتاعة عربيه مع عربيه تانيه..
وبجد الواحد نفسه يشوف الناس اللي معاها كيا هناك .. علشان يعرفوا إن في حاجه إسمها نايل موتورز
م/محمد علاء
رقم العضوية : 172
تاريخ التسجيل : 25Apr2007
المشاركات : 511
النوع : ذكر
الاقامة : Nasr City - Cairo
السيارة: 127
السيارة[2]: KIA Picanto 2006
دراجة بخارية: لا
الحالة :
على فكره يا د/أحمد.. موضوع سوء التوكيل ده .. مش للدرجه الكبيره اللي تخلي الواحد يعتقد إن التوكيل بقى سئ من بعد القضيه
أنا من وجهة نظري إن الموضوع ده نتيجة لسببين :
1: موضوع برنامج الرعايه الفائق اللي إتعمل في أبو رواش الإسبوع اللي فات واللي أنا متأكد منه إنه أثر على أداء الناس هناك بسبب الضغط الرهيب اللي من العملاء.. تخيل مثلا عندك 55 عربيه كل يوم بيدخلوا التوكيل .. لو قلنا إن من بين ال 55 عربيه دول فيهم 10 عربيات أصحابها في منتهى الغلاسه أكيد الناس هتتأثر من الموضوع ده
2: موضوع حل القضيه .. خلى ناس كتير تتجه لكيا وبقى فيه ضغط على التوكيل... ومحمد نصير بيعمل دلوقتي مراكز صيانه جديده علشان الإقبال اللي زاد على العربيه
فأعتقد إن الموضوع ده هايستمر فتره لغاية ما يتأقلموا مع الوضع ... ما تنساش إن الفتره بتاعة القضيه .. كانت فتره أنتخه ( حوالي سنه ونصف أنتخه) .. علشان كده أنا متوقع اللي بيحصل ده..
أنا كنت بقول إن لو القضيه خلصت .. هاروح أقعد في كل صيانه اليوم كله .. والله القضيه ده كانت ميزه جامده جدا
موضوع غسيل الموتور ده .. بيتغسل بالميه بس .. أنا كذه مره أقلهم على الموضوع ده لغاية ما زهقت وغسلت الموتور في موبيل اللي جانبي.. غير كده.. أنا متهيألي إنك لازم تتأكد بنفسك هايغسلوا الموتور بالميه ولا بالفوم ..
موضوع سد الحنك ده بقى.. زي ما قلت... الأنتخه خلتهم مايتعملوش مع بشر كتير وطول الوقت سكتين .. فلازم يحصلهم تلين للسان علشان يرجع زي الأول :)
م/محمد علاء
رقم العضوية : 3195
تاريخ التسجيل : 14Nov2007
المشاركات : 2,838
الحالة :
بس ايه دو انا زعلت من التوكيل كدة !!
بيهرجوا دول ولا ايه ! دول على عربيتين بس و قعدوكو كل دة !
[SIZE="2"]i'll miss everyone[/SIZE]
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
التكييف الديجيتال موجود فى الموديل EX الى هوة فل اوبشن و الموديل LX التكييف بتاعة بكر عادىكنت فاكر التكيف فيها ديجيتال .. طلع مش كده
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
المفضلات