انذار spy 5000

**mhbcas** · 24-08-2011 07:08 PM

السلام عليكم ورحمة الله
يارب الكل بخير
الحمد لله ركبت جهاز انذار سباى 5000 المشكلة انى طلبت من الكهربائى ان الانذار يضرب على كلاكس العربية مش السرينه اللى بتيجى معاه يعنى ماركبتش السرينة خالص
القصة انك لما بتركب الانذار على الكلاكس ويجى الانذار يضرب فبيطلع من الانذار كهربا متصلة يعنى الكلاكس يضرب كانك حاطط ايدك عليه مش بتشيلها "بييييييييييييييييييييييي� �يييييييييييييييييييييييي� �يييب"
وعلشان نخلية يقطع جبنا فليشر وظهرت المشاكل بقى
مرة الصوت يطلع وانا بفتح وبقفل ولو خبطت على العربية الاقى مافيش صوت انذار الاشارات شغالة لوحدها
مرة الصوت يطلع لما اخبط وفى الفتح والقفل مايطلعش
فمش عارف اعمل ايه احنا غيرنا 100 فلشر تيوانى وجربت الايطالى وبرضة مش نافع
ياترى فى حل ولا اركب السرينه وخلاص
الحاجه التانية ومعلش طولت عليكم
اللمبة الزرقاء اللى بتنور مع الانذار منوره على طول مش بتفصل لما بفتح العربية ولا انا ولا هو عارفين ايه ده ولا لقين ليها حل
غير انها سعات بتنور وتطفى على طول
وسعات تنور مرتين وتطفى حبة ومرتين وتطفى حبه
فبصراحه مش عارف ايه ده ممكن مساعده

**م/محمد صلاح** · 24-08-2011 07:26 PM

باشا هو مش الانذار ده تو واى؟ يعنى الريموت اللى فى ايدك بيصفر؟ انت مش محتاج تلغى السرينه وتركب على الكلاكس لان حتى لو اتوصل صح يبقى اى قطه هاتقف على العربيه هاتقلب الدنيا خصوصا لو الفجر وانت نفسك هاتقوم من النوم مفزوع .... اعتقد تركب السرينه وتشغلها احسن ... بالنسبه للمبه اللى بتركب مع الانذار هى مش بتبقى منوره على طول هى زى ماحضرتك قولت بتنور مرتين وتفل شويه يعنى بتعمل بلسات مش اكتر وكمان هى مش مهمه قوى وناس صحابى كتير مابيركبوهاش اساسا عشان شكلها مابيبقاش حلو قوى
يارب اكون قدرت اساعد حضرتك ولو مساعده صغيره
عايزين بس صور الجهاز وسعره ومميزاته ... اعملنا تقييم عنه يعنى عشان بفكر اركبه لو ماجبتش الايزى كار من بره

**magyver** · 24-08-2011 08:52 PM

بجد مشكلة غرييبة
طيب راي الكهرباائي كاان اية

**maged george** · 24-08-2011 10:08 PM

بص يا سيدي المشكلة بسيطة الا وهي ان ساعة مبتيجي تفتح العربية مع السرينة الخاصة بالانذار بتعمل ( صو ) ومع القفل تعمل ( صوصو) ماشي يعني فترة الكهرباء اللي رايحة للسارينة فترة صغيرة جدا فانت لما ركبت الفلاشر مع قصر فترة خروج الكهرباء للسارينة ملحقش يشحن ويفرغ فبالتالي ساعات الكلاكس يضرب وساعات لأ ففكرة الفلاشر فكرة خاطئة ومش هتنفع غير مع الفترات الطويلة عشان يلحق يشحن ويفرغ فيقطع الكلاكس لذلك الاحسن تركب السارينة وتظبط حساس الحركة على مستوى عالي شوية عشان مش اي هزة بسيطة يزمر والف مبروك الانذار وربنا يسترها عليك وعلينا في الايام الحلوة ديه بس مقولتناش بكام ؟

**mhbcas** · 24-08-2011 11:57 PM

المشاركة الأصلية كتبت بواسطة maged george

بص يا سيدي المشكلة بسيطة الا وهي ان ساعة مبتيجي تفتح العربية مع السرينة الخاصة بالانذار بتعمل ( صو ) ومع القفل تعمل ( صوصو) ماشي يعني فترة الكهرباء اللي رايحة للسارينة فترة صغيرة جدا فانت لما ركبت الفلاشر مع قصر فترة خروج الكهرباء للسارينة ملحقش يشحن ويفرغ فبالتالي ساعات الكلاكس يضرب وساعات لأ ففكرة الفلاشر فكرة خاطئة ومش هتنفع غير مع الفترات الطويلة عشان يلحق يشحن ويفرغ فيقطع الكلاكس لذلك الاحسن تركب السارينة وتظبط حساس الحركة على مستوى عالي شوية عشان مش اي هزة بسيطة يزمر والف مبروك الانذار وربنا يسترها عليك وعلينا في الايام الحلوة ديه بس مقولتناش بكام ؟

اولا الله ينور عليك انت جبت المشكلة بالظبط
والله يبارك فيك ياباشا وعلى العموم انا حاروحله تانى بس بعد العيد علشان يفصلى كنترول العربية مع الانذار ابقى اخلية يركب السرينه ويلغى الكلاكس
انا جبته من التوفيقية ب 350 ومصاريف التركيب 70 ده غير مصاريف الفلشر اللى كل شوية اشترى واحد

بالنسبة للناس اللى بتسال على المميزات هو مافهوش غير ميزتين بس عن تجربة بقى بالدنيا
1- انه تو واى يعنى الجهاز اللى فى ايدك بيصفر وبيدى بيفريشن اينعم مش عالين اووى لكن بتنبة فى حاله انك مش شايف العربية او راكن فى حته بعيدة او زى حالتى بركن ورا العمارة
2- المدى الكبير بتاعه واللى تقريبا مش متاثر بالخرسانه والكلام ده

غير كده انذار عادى

بالنسبة للمبه انا بفكر الغيها علشان خيلانى وانا ماشى بالعربية خصوصا بالليل بس خايف اهى بردة بتقول للى جاى يسرق ابعد العربية فيها انذار امان برضة مش عارف

**mhbcas** · 25-08-2011 12:23 AM

والناس اللى سالت على تقرير للانذار
ده تقرير لاخ محترم معانا هنا فى المنتدى كان عامل التقرير ده من فترة وبناء عليه انا اشتريت
http://www.nilemotors.net/Nile/64595...-5000-a-7.html

**bondjames** · 25-08-2011 12:28 AM

انت غلطت انك لعبت فى التركيب - كان من الأول والعملية أسهل - ولا ليه وفرت السرينة؟
من سنتين ركبته ب 40 بس

**mhbcas** · 25-08-2011 12:43 AM

انا مالعبتش الموضوع بدل ماخارج الانذار يروح على السرينه يروح على الكلاكس
علشان مفروض الانذار الاصلى بتاع العربية كده كلاكس مش سرينه فقلت اعمله زيه

**maged george** · 26-08-2011 10:08 PM

[QUOTE=mhbcas;3873751313]اولا الله ينور عليك انت جبت المشكلة بالظبط

تحت امرك يا باشا انت تؤمر.

**_Ahmed_casper_** · 27-08-2011 12:06 AM

طب حوار انه يدور العربيه ده شغال ولا مش شغال؟

الموضوع: انذار spy 5000

LinkBack

أدوات الموضوع

عرض

انذار spy 5000 - انشر الموضوع فى :

-

-

-

-

-

-

المواضيع المتشابهه

يا جماعة قولولي اشتري انذار spy 2-way 5000 منين بالله عليكم؟؟

جهاز انذار spy 5000

مشكلة انذار spy 5000

جهاز انذار جديد من شركة غريب اسمه spy-two way مداه حتي 5000 مترعلي شاشة الريموت

هوة في زيت 5000

الكلمات الدلالية لهذا الموضوع

المفضلات

المفضلات

ضوابط المشاركة