السخونة والصيف

**m3touk_85** · 24-08-2011 10:58 PM

شباب الهوندا الاحباء اسعد الله صباحكم بعد نومنا الكتيييييييير الذي استمر لاعوام

حكاية بسيطة كده علشان نصحي القسم

بدات ب

كنت اقود السيارة ذات يوم واذا بمؤشر الحرارة يرتفع , طبعا كانت الميه عندي تقريبا بحط قد قربة ونصف ( يعني نصف لتر تقريبا ) حتي اكتشفت اين العيب

العيب كان من طربمة الميه كان التسريب منها قمت واشتريت نوع ياباني اسمه gmb ب 175 جنيه وبالمرة قلت اغير بلية الكاتينة علشان من ساعة ما اشتريت العربية ما غيرتهاش
سير الكاتينة بصيت عليه ان اوالميكانيكي لقينها نظيف ( علما بانو عامل حوالي 18 الف كيلو ) يعني في روح 30 الف كده بردوا ياباني وانا طبعا بكتب اي حاجة عملتها فى كشكول صغير فى العربية وتم تركيب سير الكاتينة القديم

تم تركيب الطربمة وبلية الكاتينة وطبعا بحكم اني اعمل فى شركة معدات سيارات خدت جهاز كشف التسريب من الراديتير والقربة و( كمان ممكن تشكف على غطا الراديتير اذا كان يعمل بكفاءة )

بقالي 3 ايام بكشف على الدورة الحمد لله كلو تمام ( الضغط بيبقي مظبوط فى رنج 10-15 psi ) لمدة دقيقة وده معنها انك ما عندكش تسريب او جوان

المكشلة التي ظهرت

لما بشغل العربية بلاقي زي صوت طقة بيحصل فى اقل من ثانية ويختفي

نيجي بقي ممكن السبب يكون من ايه :
1- سير الكاتينة القديم ممكن يكون عايز يتشد شويه علشان بيخبط فى علبة وش التقسيمة
2- طنبورة الكرنك لما اتفكت ممكن تكون اتلوحت سنة وتسبب الخبط
3- اصحوا وفوقا يا هونداوية

**Yones** · 24-08-2011 11:43 PM

كنت اتمنى افيدك بصراحة بس هل الصوت ده بيظهر برضه مع الطلعة ولا التدوير بس؟
وياريت يامعتوق برضه تفهمنا الجهاز اللى بيكشف التسريب ده بيركب فين وازاى ولو غطاء الرادياتير فيه مشكلة وبيسرب ومحتاج يتغير يبقى سعره فى حدود كام؟
معلش على كتر الاسئلة وان شاء الله المنتدى يصحى ويبقى احسن

**Hamdy Masria** · 24-08-2011 11:57 PM

مش عارف

**m3touk_85** · 25-08-2011 02:16 AM

المشاركة الأصلية كتبت بواسطة yones

كنت اتمنى افيدك بصراحة بس هل الصوت ده بيظهر برضه مع الطلعة ولا التدوير بس؟
وياريت يامعتوق برضه تفهمنا الجهاز اللى بيكشف التسريب ده بيركب فين وازاى ولو غطاء الرادياتير فيه مشكلة وبيسرب ومحتاج يتغير يبقى سعره فى حدود كام؟
معلش على كتر الاسئلة وان شاء الله المنتدى يصحى ويبقى احسن

فى التدوير بس فى اقل من ثانية ويختفي

ده جهاز بيركب فى الراديتير او القربة ومقياس الامان من 10 الى 15 psi لمدة دقيقة وتكررها مرتين 3 وتاخد المتوسط اذا نزل عن كده جامد يبقي في تسريب فى مكان معين وتبدأ تدور عليه

غطا الراديتير تقريبا ب 75 جنيه بس انا افضل لك تدور على غطا استيراد يكون نظيف لو الراديتير بتاعك الاصلي

ياباشا تنور واسأل زي ما انت عايز