تركيب مروحة لإضافية للسربنتينة التكييف ازاى ؟

**prisoner** · 25-08-2011 01:06 PM

السلام عليكم ورحمة الله وبركاته
كل سنة وحضراتكم بخير
امبارح بليل جالى تليفون من واحد قريبى معاه كريستالة 99 برضوا وكان واقف عند بتاع التكيفات فى المعادى المهم قاللى على حاجة غريبة جدا اول مرة اسمعها هو كان رايح يكشف على التكييف ويشوف الشحن بتاعه انا قولتله خليه ينظف السربنتينة من برة كده من التراب وخلاص المهم قاللى لا الراجل عايز يركب مروحة على السربنتينة افتكرت ان فى مروحة محروقة عايزة تتغير خفت يشتغله قولتله خلينى اكلمه المهم كلمته بعد السلامات قولتله العربية دى فيها ايه قاللى الشحن زى الفل والكبس تمام بس الاداء بتاع التكييف بالنهار قليل وبليل بيشتغل حلو قولتلى يبقى الكباس ضعيف مثلا قاللى لا حتى لو جبت كباس استيراد هتلاقيه كده برضوا المشكلة ان لما انت بتجرى الهواء بيتغلغل السربنتينة الامامية اذن التبريد يبقى كويس انما ازاى الحال وانت واقف قاللى بنركب مروحة على السربنتينة زيادة مع كتاوت وبتخلللى التكييف ثلاجة فى عز الحر وانت واقف وقاللى فى عربية واقفة خلى قريبى يشوفها قاللى احنا بنعملها كتير والراجل ده فى المعادى وقريبى قاللى انا وقفت طابور علشان اعمل عنده التكييف وعنده زحمة ماشاء الله حسب الوصف انا قولتله انا لازم اشوف الاختراع ده وطبعا لسة التجربة اكيد انهاردة وهاعرف عمل ايه وابلغكم بالاخبار حد بقى يقولى الموضوع ده مظبوط والا ايه يا اهل الخبرة تحياتى

**HeMa_LanCeR** · 25-08-2011 01:22 PM

هيركب مروحه قدام السربنتينة
بس كده :)

**prisoner** · 25-08-2011 01:31 PM

تسلم على الرد البسيط الجميل طيب المشكلة دلوقتى مكان تركيبها فين انا لسة مشفتهاش بس الموضوع غريب ولو اشتغلت مع تبريد العربية فى الشتاء هاتبقى مشكلة كبيرة لانها هاتبرد الموتور جامد مش هايدى اداءه كويس والا انا غلطان والا ايه

**HeMa_LanCeR** · 25-08-2011 02:49 PM

لأ مكانها موجود لأنها هتكون صغيره و رفيعه شوية
ولو كده في الشتا ابقي افصلها يا حج :)

**prisoner** · 25-08-2011 02:51 PM

المشاركة الأصلية كتبت بواسطة hema_lancer

لأ مكانها موجود لأنها هتكون صغيره و رفيعه شوية
ولو كده في الشتا ابقي افصلها يا حج :)

هههههههههههههههههههههه الله ينور عليك لسة مشكلة التعليم المجانى ليها تاثير معلش بكرة احلى ;)

**mohammedabdallh** · 25-08-2011 04:32 PM

فكره كويسه نبقى نشوفها
وقولنا الاخبار ايه يا ا/ مصطفى

**MITSUKERO** · 25-08-2011 10:36 PM

بص بقي ياباشا انا قتيلك هنا لحد ما تقولي علي الموضوع ده عشان انا خلاص قربت اتجنن من ان التكييف بيبقي اداؤه وفت و انا واقف في الزحمة بجد عايز الموضوع ده و متابع بأهتمام جدا