معلمات مفيده

**tatooo2005** · 26-08-2011 02:37 AM

رجالة فورد :

انا كنت عاوز اعرف ايه طقم الشمبر ده .. واحس امته انى محتاج اعمل طقم شمبر , يعنى هوه لازم اوصل لمرحلة الدخنه من الشكمان علشان اعمل القصه ديه ولا ممكن اعمله بمجرد انى احس ان الماتور خف .
ولو لاقدر الله محتاج اعمله , الموضوع سهل ولا معقد ومحتاج حوار , يعنى اى ميكانيكى ممكن يعمله ويطلع كويس , وتكلفته قد ايه بالمصنعيه ( السياره فورد فيستا 2000 الشكل القديم ) ماتور مش زيتك .
يعنى عاوزين ردوود مفصله عن موضوع طقم الشمبر ده وجزاكم الله خيرا .

**meda2711** · 26-08-2011 02:42 PM

لما يحصل دخنة زرقا ونقصان للزيت بزيادى يبقى كده العربية محتاجة طقم شمبر

انا عملت طقم شمبر من حوالى 4 شهور وكنت رايح علشان اغير طقم شمبر بس بس لما الميكانيكى بيفتح بيطلب حاجات تانية يعنى تعمل حسابك انه ممكن يطلب حاجات تانية

والموضوع ده لازم لازم يكون ميكانيكى شاطر وفاهم مش شرط متخصص بس لازم يكون فاهم العربية دى ويكون بيشتغل فيها كتير وحافظها

وده موضوعى عن التصليح اتمنى انه يفيدك http://www.nilemotors.net/Nile/227556-1300.html

وعلى فكرة العيوب اللى كانت فيها خلاص الحمد لله اتصلحت والموتور بقى حلو جدا والعربية بقت صاروخ :))

وبالنسبة للاسعار فهى بتختلف على حسب الشغل اللى هيتعمل فيها يعنى انا تقريبا اتكلفت الفين جنيه من غير المصانعية بس انا غيرت حاجات كتير

واى استفسار تانى قولى على طول

**tatooo2005** · 26-08-2011 05:54 PM

ياباشا شكرا جزيلا على ردك ...

انا عندى اسفسارين كمان :

اولا : ايه الفروق بين الدخنه ( يعنى اعرف انى فيه دخنه بيضه وزرقه ) وكل واحده من الدخنه ديه بتدل على ايه . ديه حاجه مع ملاحظة انى عندى زى ميكون دخنة بسيطه جدا من عمة الزيت لما بفتحها فهل ده دليل على حاجه ولا عادى ومفيش دخنه من الشكمان و مفيش نقصان فى الزيت والزيت تمام .
ثانيا : ملاحظ ان سخونة الكبوت بقت اعلى شويه ومش عارف ده لأن احنا فى الصيف والجو الجميل بتاعنا ولا ديه حاله جديده . مع العلم انى معنيش مؤشر يبين حرارة العربيه , موجود عندى لمبه حمره بتنور لما العربيه بتسخن والحمد لله منورتش من اول ما جبت العربيه من سنتين ونص .
فهل السخونه الملموسه ديه دليل على حاجه ولا عادى ....

شكرا

**meda2711** · 27-08-2011 02:55 AM

المشاركة الأصلية كتبت بواسطة tatooo2005

ياباشا شكرا جزيلا على ردك ...

انا عندى اسفسارين كمان :

اولا : ايه الفروق بين الدخنه ( يعنى اعرف انى فيه دخنه بيضه وزرقه ) وكل واحده من الدخنه ديه بتدل على ايه . ديه حاجه مع ملاحظة انى عندى زى ميكون دخنة بسيطه جدا من عمة الزيت لما بفتحها فهل ده دليل على حاجه ولا عادى ومفيش دخنه من الشكمان و مفيش نقصان فى الزيت والزيت تمام .
ثانيا : ملاحظ ان سخونة الكبوت بقت اعلى شويه ومش عارف ده لأن احنا فى الصيف والجو الجميل بتاعنا ولا ديه حاله جديده . مع العلم انى معنيش مؤشر يبين حرارة العربيه , موجود عندى لمبه حمره بتنور لما العربيه بتسخن والحمد لله منورتش من اول ما جبت العربيه من سنتين ونص .
فهل السخونه الملموسه ديه دليل على حاجه ولا عادى ....

شكرا

الدخنة البيضا بتبقى بيضا عادى والزرقا بيبقى لونها مش ابيض وفى نفس الوقت مش اسود يعنى ابيض مسود :))

حكاية عمة الزيت مش عارف والله تبقى ايه

وطالما مفيش نقصان زيت او دخنة من الشكمان يبقى انت مش محتاج طقم شمبر لان طقم الشمبر عيبه الاساسى هى نقصان الزيت سواء بكمية قليلة وده بيبقى فى اوائل انه بيبوظ لحد ما يوصل لمرحلة انه ياكل زيت بطريقة كبيرة وكده يبقى خلاص لازم يتغير

وحكاية السخونة عادى هى العربية دى بتسخن جدا من عند الحوض والكبوت كده حتى لو العربية فى المؤشر مش عالى انا المؤشر بيبقى عند ال n فى الاول خالص ومن جوا بتبقى سخنة والكلام ده من ساعة ما جبت العربية

وان شاء الله خير

**tatooo2005** · 27-08-2011 04:54 AM

المشاركة الأصلية كتبت بواسطة meda2711

الدخنة البيضا بتبقى بيضا عادى والزرقا بيبقى لونها مش ابيض وفى نفس الوقت مش اسود يعنى ابيض مسود :))

يعنى رقاصه وبترقص ...
طيب ان شاء الله خير .. بس بردو معرفتش كل دخنه بتشير لأيه .

**meda2711** · 27-08-2011 05:53 AM

المشاركة الأصلية كتبت بواسطة tatooo2005

يعنى رقاصه وبترقص ...
طيب ان شاء الله خير .. بس بردو معرفتش كل دخنه بتشير لأيه .

بص انا مش عارف هى بترمز لايه

بس اللى اعرفه ان الدخنة البيضا الصبح مع الدوارة طالعة من الشكمان بعدين تختفى ده يبقى كاوتش صباب عايز يتغير لو على طول يبقى طقم شمبر

**aYaBooY** · 28-08-2011 02:08 PM

هيا المرحومة كانت متعودة دايما
هههههههههه
بص يا موسوس
1.دخنة سودة من الشكمان
يبقي منظومة الحرق مش كاملة يعني البنزين بيطلع بنزين مش عادم و بيكون ريحتها بنزين قوي
و ديه علاجها تغير البوجيهات و تنظيف بوابة المنافولد و لو مرحتش يبقي تنظيف رشاشات على جهاز التراسونيك
2.دخنة بيضة الصبح او في اول الدوارة و تروح لما العربية تسخن
كدة مشكلة في جلد الصباب و محتاج شغل في وش الموتور بس
3.دخنة رمادي ( مزرقة ) من الشكمان مع الكبس او مع السلانسية
كدة فيه مشكلة في طقم الشنبر و فيه زيت بيدخل يتجرق مع البنزين و بيخرج مع العادم و ده بتكون ريحتة وحشة و تخنق
عند حضرتك الدخان خارج من فتحة الفايز او فتحة تزويد الزيت ( علشان العربية مفيهاش عمة )
و ده معناه ان الموتور ابتدي يخف و مش معني ابتدي يخف انك محتاج تفتح دلوقتي
و برده مش شرط انك لما تفتح تفتح على طقم شنبر و بس لا ساعتها ممكن تفتح معاك عمرة كاملة
و طبعا لو حضرتك مجربتش تليين قبل كدة منصحكش تعمل اي شغل في العربية و خصوصا في الصيف و انصحك تبقي تغير موتور
و برده مش شرط تروح تعمل كدة بكرة انا فضلت ماشي بالموتور مفوت ( مش خفيف لا مفوت ) حوالى سنتين

**tatooo2005** · 31-08-2011 10:05 PM

والله يا جو انت بتحرجنى

**tatooo2005** · 29-10-2011 02:02 AM

انا لسه مش عارف احدد :::
ظهرت دخنه بيضه من الشكمان بعد ما نضفت البوبات والأيدلر مباشرة .. وخفت بعد كده ودلوقتى مش موجوده .
بس جيت بعد كده بيوم وكبسست جامد ظهرت عندى دخنه بيضه دوسه اه ودسه لأ وبعدين اختفت فى فى الكبس .

محتاج اعمل تقييم كامل لأنى فعلا موسوس جدا , وده لأنى مهتم جدا ا بالماتور بتاعى من اول ما اشتريت العربيه وكل تغيرت زيت قبل معادها ب 2000 كيلو .
بس اللى متاكد منه انى اول ما بدور الصبح برجع وببص فى الشكمان على طول مش بلاقى اى نوع من الدخنه بس طبعا مجربتش ادوس وابوص فى نفس الوقت علشان مش بيبقه حد معايا . ودايما ببص فى االمرايا ورايا مش بلاقى دخنه ,, والزيت عندى مش بينقص خالص والحمد لله ومفيش زيت فى الشكمان .

ممكن حد يقولى اختبار اعمله علشان اعرف هل هناك مشكله ام لا .. وجزاكم الله عنا خيرا جميعا

**aYaBooY** · 29-10-2011 03:13 AM

طارق حبيب ليك وحشة
ممكن سؤال ( انت بتغسل ايدك كام مرة في اليوم ؟)
لما اتقابلنا من فترة و شوف الدخنة من طبة الزيت ( اسمها طبة مش عمة ) قولتلك ان الموتور كدة خف او بدا في مشوار الخففان
حضرتك عاوز تعرف حالة الموتور ايه
و ديه فيها دلالات كتير انا مش عارف هاتعرف تتعامل مع ايه فيها
اولا هاتفتح طبة الزيت و العربية دايرة في وضع السخونة العادية ( يعني بعد اول الدوارة بحوالى 3 دقائق ( معلقتين و نص مربة توت ) ) و تشوف التكيه فيه عليه زيت ولا لا لو اه يبقي هاتزود شوية و شوف هاتلاحظ انسياب الزيت ولا لا
ده اختبار لما تقولى النتيجة هاؤولك معناه ايه
ثانيا حد يزودلك و انت واقف ورا و شوف النتيجة ايه
مطلوب انك تزود مرتين تلاتة ( فوم فوم فوم ) و المرة كبسة مستمرة ( فووووووووم )
عاوز اعرف ايه اخبار العادم الي طالع من الشكمان
ثالثا فيه صوت طقطقة مع دوارة الموتور ولا لا
لو فيه بيروح مع التزويد ولا موجود
بس طبعا كل ديه اجتهادات و الفيصل عند فك الموتور قطع قطع كله بينكشف و يبان

الموضوع: معلمات مفيده

LinkBack

أدوات الموضوع

عرض

-

-

-

-

-

المواضيع المتشابهه

معلومات مفيده

تقييم و معلمات عن السول

الزرجينه مفيده ام لا

تجربة مفيده

معلومات مفيده

الكلمات الدلالية لهذا الموضوع

المفضلات

المفضلات

ضوابط المشاركة