عندي مشكلة : العربية بتبطل

**mrsoftware1** · 28-08-2011 05:36 PM

المشاركة الأصلية كتبت بواسطة ghosty1313

المشكله دى حصلت معايا من اول يوم جيبت فيه العربيه
ودلوقتى عامل 12 الف كم ولسه المشكله موجوده

وروحت التوكيل 4 مرات لغاية دلوقتى 4 مرات ولسه مش عارفين يحلوها

وفى اللحظه اللى انا بكلمكم فيها دلوقتى قاعد جوا توكيل المقطم الفاشل وسط المهندسين والفنيين الفاشلين ومستنى يعالجوا العيب بعد ما اشتكيتهم واشتكيت مدير الصيانه واتصلوا بيا واعتذروا ووعدوا بالحل

بس والله لو خرجت انهارده والمشكله لسه موجوده بجد هايزعلوا منى اخر زعل

يا باشا قولنا عملت ايه فيها؟ يارب تكون اتصلحت معاك

**Ahmedelsawy** · 31-08-2011 04:43 PM

أنا روحت عثمان موتورز قبل العيد
وقالي انه مالوش في العيوب دي ( الصيانات بس ) و لازم أروح التوكيل في المقطم و لسه في حد بيقول انه راح المقطم 4 مرات بدون حل
انا كلمت التوكيل و وصلت لحد في المبيعات قالي ممكن تروح الميكانيكون العرب لأن فيه عملاء ليهم شكروا فيهم وممكن تروح العبور لو حبيت لكن المقطم مافيهوش مشاكل وكله زي بعض ( ما هما من شركة واحدة و مش ممكن يعيبوا في بعض )
ملحوظة : أنا كنت بسأل عن مركز خدمة علشان بيبقوا شغالين السبت و انا ظروف شغلي مافيهاش اجازات كتير

**ghosty1313** · 02-09-2011 03:24 PM

للأسف لما روحت كان يوم الوقفه وكان فيه زحمه شديده وعلشان المشكله تبان لازم العربيه تشتغل لفتره لإن العيب بيظهر لما العربيه تسخن او فى الزحمه

ولما حطوها على الكمبيوتر مالاقوش فيها اى مشكله ولازم تتجرب لمدة ساعه على الاقل فى مناطق زحمه لإن المشكله بتظهر معايا فى الزحمه وفى الاشارات وبعد ما العربيه تسخن

فهاروح تانى بعد العيد

وبالنسبه ليه مصمم على فرع المقطم اللى فيه مهندسين فاشلين وفنيين فاشلين

اولا علشان قريب من البيت
ثانيا علشان من حقى الاقى الخدمه اللى عايزها فى اى فرع اروحه.. ولو مهندسين فاشلين يبقى يتعلموا .. ولو اداره سيئه يبقى تتصلح

هو عموما بعد الشكوى اللى عملتها فيهم بقى فيه اهتمام واتصال من الفرع للسؤال عن المشكله
فخطوه كويسه انهم اصبحوا يهتموا فاضل خطوة اصلاح المشكله

للاسف بعد العيد مسافر بره مصر لمدة اسبوعين ولما ارجع هاوديها التوكيل تانى وهاتتصلح يعنى هاتتصلح

**best2010** · 04-09-2011 04:01 AM

المشاركة الأصلية كتبت بواسطة ghosty1313

وبالنسبه ليه مصمم على فرع المقطم اللى فيه مهندسين فاشلين وفنيين فاشلين

اولا علشان قريب من البيت
ثانيا علشان من حقى الاقى الخدمه اللى عايزها فى اى فرع اروحه.. ولو مهندسين فاشلين يبقى يتعلموا .. ولو اداره سيئه يبقى تتصلح

هو عموما بعد الشكوى اللى عملتها فيهم بقى فيه اهتمام واتصال من الفرع للسؤال عن المشكله
فخطوه كويسه انهم اصبحوا يهتموا فاضل خطوة اصلاح المشكله

للاسف بعد العيد مسافر بره مصر لمدة اسبوعين ولما ارجع هاوديها التوكيل تانى وهاتتصلح يعنى هاتتصلح

بكل أسف كلام حضرتك سليم 100% .. توكيل المقطم فاااااااااااااااااشل والفرق بينه وبين العبور شاسع وكأنك بتروح توكيل ماركة مختلفة .. وانا اقترح على eim انهم يسرحوا الناس بتوع المقطم او يشغلوهم شغلانه تانية غير الصيانة حفاظاً على سمعة التوكيل والماركة .. لكن رأفة بيك حاول يا باشا تضغط على نفسك وتروح العبور لأن من الواضح انهم فى المقطم جابوا آخرهم .. ومتنساش تتطمنا

**abou_mariam** · 04-09-2011 08:37 AM

المشاركة الأصلية كتبت بواسطة ayman1204

روحوا توكيل العبور افضل واحسن والمهندسين هناك واخدين دورات تدريبية

ما أنيل من سيدى الا ستى
جرب فرنش موتورز الرحاب ناس كتيــــــــــــــــــــــ ـــــــــــر بتشكر فية و أسعارة كويسة

**ch_mahm2024** · 04-09-2011 11:22 AM

متاااااااابع

**Ahmedelsawy** · 04-09-2011 12:26 PM

من الواضح ان المشكلة دي اتكررت مع أكتر من حد بمعنى انها مشكلة عامة مش مشكلة فردية في عربية بعينها
هل فيه حد واجه المشكلة دي و اتحلت معاه يعني راح التوكيل مثلا أو مركز خدمة ؟
ياريت لو حد حصل معاه كده ممكن يقولنا المشكلة كانت فين( تغيير قطعة غيار أو ضبط بوابة الهواء إلخ ) و اتحلت في أي مركز خدمة

**Abdm** · 05-09-2011 06:33 PM

المشاركة الأصلية كتبت بواسطة ahmedelsawy

من الواضح ان المشكلة دي اتكررت مع أكتر من حد بمعنى انها مشكلة عامة مش مشكلة فردية في عربية بعينها
هل فيه حد واجه المشكلة دي و اتحلت معاه يعني راح التوكيل مثلا أو مركز خدمة ؟
ياريت لو حد حصل معاه كده ممكن يقولنا المشكلة كانت فين( تغيير قطعة غيار أو ضبط بوابة الهواء إلخ ) و اتحلت في أي مركز خدمة

أنا فاكر أن المشكلة دية فعلا واحد زميلنا أتكلم عليها وكان عامل موضوع بس مش فاكر الموضوع فين فى قسم اللوجان وحصلت معاة كذا مرة وكان بردة بيتابع بس كان مع فرع العبور وأول مرة نظفة البوابة وضبطوها بس مش عارف كانت بوابة الهواء ولآ البنزين وغالبا كانت البنزين !!! وبردة ما نفعش الموضوع دة وما أتصلحتش ورحلهم تانى وأشتكى لغاية ما عرفو السر وكان ..... تغيير البوابة بالكامل والحمد لله المشكلة أتصلحت
وربنا يسترها معانا جميعا ... والله الموفق والمستعان