الموضوع: ازاى ترخص موتوسيكلك

1 - اولا انت بتشترى الوتوسيكل لازم يكون معاك صورة الافراج بتاعة الى جاى من المكان الى دخل علية الموتوسيكل مثلا بورسعيد او اسكندرية او اى حتة
ملحوظة
مش ممكن ت...اخد اصل الافراج علشان دة بيكون فى المرور تمام

2- لازم تعطى الى اشتريت منة اسمك بالكامل او يفضل صورة البطاقة علشان يتعملك توكيل يحق لك بية البيع لنفسك

3- بص بقة يا سيدى بع ما تشترى والراجل الى انت اشتريت منة يبلغ الراجل الى فى بورسعيد اسمك علشان يعملك توكيل ويحوللك الورق الموضوع دة يخدلة من 15 الى 20 يوم دة لو حظك حلو ولازم تاخد من الى بعلك او الى عملك التوكيل حاجة اسمها رقم الصادر الى طلع الورق بية من المرور الى فى بورسعيد

ملحوظة
اكتب على ظهر صورة البطاقة بتاعتك الى هتديها للراجل المرور الى انتا عاوز تجييب علية الورق علشان الراجل يحولك علية علطول بدل متلف حولين نفسك

4- بعد مايجى الورق بالسلامة بيجى الاول على مرور الدراسة لانة المرور الام وبعدين يتحول على المرور الى انت كتبتة للراجل على ظهر البطاقة فاكر

5- تروح المرور ياباشا ونبتدى بقة واول حاجة تعملها تجيب شهادة بيانات موجهة للشهر العقارى علشان تروح تحول من توكيل الى عقد بيع لنفسك

6- ترجع المرور وانت معاك

1- عقد البيع
2- التامين الاجبارى حوالى 50 جنية( بيدفع فى المرور
3- تشترى ورق من الخزنة تراخيص وفحص موتوسيكل جنية وتجيب من على الشباك بتاع الافراجات حاجة اسمها صحة بيانات بكتبهالك على ظهر الافراج ويختمها وتروح مكان الفحص وتفحص
4- دوسية فاضى
5- تصور بطاقتك 5 صور وتصور الوتوكيل وتصور العقد


وبعدين بقة تروح شباك تراخيص الموتوسيكلات وتقدم كل الى انت عملتة وجبتة وتستنى رحمت الموظف بقة بس يارب تكونو انبسطم فى الرحلة دية

واليكم بعض اسعار الورق وهذا بدون الرشوة والاكراميات

سعر الارقام الجديدة(النمر) + الضريبة = 140
سعر بوليصة التامين الاجبارى = 50
سعر تحويل التوكيل الى عقد = 70
سعر ورق التراخيص والفحص حوالى = 20

عاوز اقولكم حاجة علشان ابقى خلصت ضميرى التوكيل الى كان معمول لية كان فية اضافات يعنى مكتوب فية يحق لة البيع والترخيص والكلام دة بس مكنش مختوم علية خلى بلكم لازم الاضافة تتختم علشان الى هيكون مش مختوم لازم يرجع بورسعيد يختمة ويرجع
منقول للافاده

الف شكر يا دياب ....
وبجد موضوع مهم جدا