الموضوع: اللوجان لازم ترخص

المشاركة الأصلية كتبت بواسطة kamalabdelaziz

النهاردة فى أهرام الجمعة إعلان مستفز عن اللوجان:
56 ألف بسعر بلادها !!!!!!!!
وحاطين تحت الكماليات بتاعة الفول أوبشن مش بتاعة السعر ده ، وكان من الشفافية إنه يكتب أسعار المستويات الثلاثة وإمكانات كل منهم وذلك لاحترام عقلية القارئ.

والأدهى إن الـ 56 ألف ثمن العربية من غير حتى باور ستيرنج. دا لو أنا مكانهم كنت هاتكسف أنزل عربية من غير باور ستيرنج سنة 2009 وفى الوقت اللى مشروع إحلال التاكسيات بأخرى جديدة كلها هاتبقى بور ستيرنج.

دا غير السعر المبالغ فيه.... يعنى الحكومة ألغت الجمارك علشان صاحب التوكيل يحطها فى جيبه.
لأ
لأ
لأ
أنا لما أدفع جمارك للبلد هاأستفيد مها انا ولا غيرى بصورة غير مباشرة ، مثلاً رصف للدائرى ولا محاور جديدة ولا كوبرى.
لكن ياترى صاحب التوكيل هياخد هامش الربح الفظيع ده ويعمل بيه كوبرى مثلا بدل ما البلد مخنوقة.
من الآخر أنا ليا مصلحتى الشخصية أولا ثم مصلحة بلدى (فى حالة زى دى)

كمان أنا "مستهلك مصرى"
مستهلك : يعنى فيه سوق و منافسين وحقوق وإلتزام
ومصرى : يعنى ما حدش يستكردنى

يبقى اللوجان لازم ترخص
اللوجان لازم ترخص
اللوجان لازم ترخص

واضح من كلامك انك مطلع على جميع التفاصيل و بتالي أن عندي ليك سؤال

تعرف الفضية الـ 56 بتعمل كام فالمغرب؟؟؟

السؤال دة لصاحب الموضوع

:k38:

ناس كتير اتكلمت فى موضوع اللوجان و سعرها و إن صاحب التوكيل واخد الفرق فى جيبه و كلام كتير أوى

أنا بس حابب أقول إن الواحد لما بيجى يشترى حاجة مش بيقعد يدور على تكلفتها كام على المنتج على قد ما بيشوف هل هى متناسبة مع المنافسين فى السوق و لا لأ....

يعنى إللى بيروح يشترى بنطلون ب 300 جنيه و لا أكتر ما هو بيبقى مبسوط أوى و هو طالع بيه من المحل فى كيس شيك ....
تفتكروا يعنى العامل فى أحد بلدان العالم الثالث إللى شغال فيه و سعر الخام و الشحن و ما إلى ذلك من تكاليف يبرر الأسعار دى ...؟؟...أكيد لأ و ألف لأ كمان....
هتقولوا صناعة السيارات مش مقياس للملابس... طيب لما عم منصور جمع الأفيو فى مصر و نزلها أوتوماتيك...أصبحت بكام بعد أن كانت كورى و نقل يدوى بكام.....محدش يعنى اتنفض و الدنيا قامت و مش عايزة تقعد فى البلد كلها مش بس فى المنتدى على إن ده استغلال شخصى لاتفاقية دولية....
طيب ما حصل كتير إن مصر وقعت على اتفاقيات دولية... البعض شايف إنها بتصب فى مصلحة مجموعة معينة من الأشخاص و مع ذلك الاعتراضات لم تكن فى مثل تلك القوة....
السوق لا يعترف غير بلغة العرض و الطلب.....
معاك 56000 جنيه....يجيوا إيه فى العربيات ؟؟؟
بيكانتوا....سبيرانزا 213 A ...لوجان ( مش باور ستيرينج )
دى speranza A 516 ...عربية صينى المنشأ...مجمعة فى مصر.....لا سمعة لها...و بعد تواجد فى السوق توكيلها ذاع صيته بكل ما هو لا يمت بالخير بصلة....بتتباع ب 75 ألف جنيه تقريبا...
لما اللوجان إللى هى تعاون رومانى فرنساوى و مجمعة فى المغرب و جاية عن طريق توكيل سمعته كويسة واقفة ب 70 ألف...الناس معترضة على إيه ؟؟؟
و بعدين حتى لو ممكن يقللوا فى سعرها عن كده..إنتوا مش شفتوا إنها اتأخرت...تفتكروا ليه ؟؟..أكيد المنافسين المحليين لم يجعلوا دخول مثل تلك السيارة بالأمر الهين على محمد نصير...هما مش حاطين ملاين الجنيهات فى استثماراتهم علشان يجى واحد الحظ يساعدوا فى إنه يستفيد من اتفاقية و يخرب بيتهم...لن ليسمحوا أبدا إن اللوجان مثلا تبقى 55 ألف فول أوبشن و هما بيبيعوا حاجة زى اللانوس بقرب ال 70 ألف....دى كانت تبقى خراب أكيد على أدمغتهم....لابد من الوصول لتفاهم ودى ما بين اللاعبين فى السوق على تثبيت الأسعار على معدل عام معين لا يزيد و لا يقل عن حدود متفق عليها...و ده الحال فى أى سلعة و أى تجارة و كل المشتغلين بالسوق فاهمين الكلام ده كويس...
فى النهاية أحب تانى أشدد على إن الجادين فى شراء أى سلعة ...هى دى الخطوات العملية إللى بيقوموا بيها لاتخاذ قرار بشأن أى المنتجات الأفضل بالنسبة لهم
بيأخذ لفة فى السوق...و يجرب..و يسأل على السمعة...و حجم الانتشار فى السوق و توافر خدمات الصيانة و قطع الغيار...و فى النهاية إللى نفسه بترتاح له أكتر بيشتريه...
إللى شايف إن اللوجان ب 70 ألف حرام فيها الفلوس....يقول لى مين بالسعر ده حلال فيه الفلوس أكتر...غير كده يبقى كلام مشاعر و غير عملى بالمرة...

السيارات المجمعة محليا يتم احتساب جمارك على الأجزاء المستوردة و هى ليست بضخامة المنتج كامل الصنع أبدا...بالإضافة إلى وجوب وجود فرق فى سعر المنتج المجمع محليا ...خصوصا لوجود بعض الأجزاء المصنعة محليا...

سؤال يطرح نفسه.....
هل تعتقد إن الاتفاقية معمولة فعلا علشان محمد نصير ؟؟
و لا هى نواة لحلم قديم جدا يسمى " السوق العربية المشتركة " ؟؟
و المعاملة بالمثل الفروض لو احنا جدعان نغرق المغرب دى عربيات...لو هما بيجمعوا اللوجان..شوف احنا بنجمع كام عربية...
بس طبعا لو الأجزاء المستوردة من السيارات المجمعة محليا تم إدخالها بغرض إعادة التصدير و بالتالى عدم دفع جمارك عليها و أيضا لو وصلت نسبة المكونات المحلية ل 40 %....

فى نقطة أثيرت....
حصيلة الجمارك بيتم رصف طرق جديدة بها دى مش حقيقة مؤكدة...
لو فعلا كل ذى حق بيأخذ حقه..أفتكر حصيلة مصاريف التراخيص على السيارات كافية لرصف أضيق حوارى و أزقة مصر
و نسيب الجمارك تؤدى دورها فى ميزانية الدولة

وفقا للموقع الرسمى لرينو - داشيا فى المغرب
http://www.dacia.ma/showroom/logan/price.html

قائمة أسعار اللوجان...للمستهلك المغربى
72200 درهم = 49,425 جنيه
85700 درهم = 58,666 جنيه
98800 درهم = 67,568 جنيه

و الأسعار المعلنة فى السوق المصرى للمستهلك هى
56000 بدل ال 49425
64000 بدل ال 58666
70000 بدل ال 67568
يعنى أول فئتين فيهم فرق 6 آلاف و الأخيرة 2500 جنيه....

طبعا لما التوكيل بيشترى مش بيأخذ بالأسعار بتاعت المستهلك المغربى..لكن مش هيأخذ تخفيض كبير زى لو كان واخدها من مصدرها من الشركة الأم...

المشاركة الأصلية كتبت بواسطة chato_eg

وفقا للموقع الرسمى لرينو - داشيا فى المغرب
http://www.dacia.ma/showroom/logan/price.html

قائمة أسعار اللوجان...للمستهلك المغربى
72200 درهم = 49,425 جنيه
85700 درهم = 58,666 جنيه
98800 درهم = 67,568 جنيه

و الأسعار المعلنة فى السوق المصرى للمستهلك هى
56000 بدل ال 49425
64000 بدل ال 58666
70000 بدل ال 67568
يعنى أول فئتين فيهم فرق 6 آلاف و الأخيرة 2500 جنيه....

طبعا لما التوكيل بيشترى مش بيأخذ بالأسعار بتاعت المستهلك المغربى..لكن مش هيأخذ تخفيض كبير زى لو كان واخدها من مصدرها من الشركة الأم...

أحب أضيف معلومة كمان أن السيارة فعلا مفيش عليها جمارك لكن عليها 10% ضريبة مبيعات + 5% رسم وارد والنسب دى واجبة التحصيل قبل الافراج على السيارة.