الكليه الحربيه و كشف الهيئه

**hugan** · 27-08-2011 03:56 AM

ابن اخويا نجح السنه دي في الثانويه العامه تجريبي
وربنا اكرمه وحصل علي 96 %ادبي
المهم دماغه متظبطه علي كليه عسكريه وكان شغال من بعد الاعدايه ومظبط نفسه جيم وتدريبات وعضلات لانه مش مقتع بحاجه غير الحربيه
فهو الحمد لله ربنا اكرمه ووصل للهيئه
والشرطه نفس الكلام
ودخل سياسه واقتصاد والكل انبه عليها علي اساس ان تجاره انجليزي افضل منها
لكن مجوعه اغراه بسياسه واقتصاد اللي في رائيي ما لهاش لازمه
لان علشان تدخل الخارجيه
حلم صعب يمكن دخول الشرطه اسهل
السؤال هو الواسطه شغاله
ولا الموضوع اتغيير بعد الثوره
الاجابه عندي انا
ان الواسطه زي ما هي وبدون تغيير
المشكله اني خايف لا يحصل صدمه لو ما حصلش نصيب بسبب الواسطه ولو اني
مكلم له لواء جيش
لكن انا عارف ان الناس دي غير مضمونه وبتدي وعود في الهواء
لو حد عنده فكره عن القبول الايام دي من خلال قريب له او حد معرفه داخل الجيش
هل من الممكن نه يقبل وينجح بدون واسطه
سواء في الحربيه او الشرطه
ولا لابد من وجود واسطه
وفي نقطه تانيه
باقول انه بعد انتهاء الحزب الوطني واعضاء مجلسي الشعب والشوري
لانهم كانو بياخدو نصيب الاسد من اعداد الطلبه
مش عارف باقول ان الفرصه موجوده

**AboELsoud** · 27-08-2011 06:37 AM

اولا السلام عليكم
ثانيا متقلقش يا باشا في موضوع الحربيه انا اصلا والدي ظابط جيش _بس على المعاش_ و انا كان نفسي ادخل الحربيه بس للاسف قلشت طبي بس متابع مع كل صحابي اللي دخلوا و اللي قلشوا و مع جيراني و قرايبي و اولاد زمايل والدي
المهم موضوع كشف الهيئه ده بكل بساطه حضرتك بتعمل اللي عليك و تستنى النتيجه
بمعنى انا اعرف ناس كان متوصي عليها من رتب كبيره جداا يمكن قيادات كمان و في الاخر قلشوا
و اعرف ناس كانت سايبه الموضوع خالص و لا واسطه ولا وجع دماغ و دخلوا حربيه
المهم حضرتك تاخد بالاسباب و تعمل اللي عليك و تكلم كل اللي تعرفهم و ممكن يفيدوك في الموضوع ده
و في الاخر النتيجه بتبقى من عند ربنا و كمان مره متقلقش خالص انا اعرف ناس مكانتش معاها حاجه خالص و دخلوا
ربنا معاه و يا رب يقبل كده عشان تبقى حضرتك عم الظابط :)

**mohamedbook** · 27-08-2011 06:51 AM

المشكلة ان هما بيخدوا عدد محدد في الدفعة واحيانا كتير بيكون المتقدمين عددهم اكتر من الدفعة الي هما عيزها عشان كده بيقلشوا ناس كتير جدا فيما يسمي بكشف الهيئة