محتار بين الكورولا والسيفيك وعاوز الحل

**mahmoudselim** · 28-08-2011 10:13 AM

المشاركة الأصلية كتبت بواسطة blackhorsa17

تمااااام يا باشا ومتشكر جدا و شكلى كده حبيع السيفيك وان شاء الله حنزل الحرفيين اسال على الموتور ده و لو قالولى على موتور تانى حبقى اسالك الاول

أستخير ربنا الاول وربنا يوفقك . ومتقلقش مافيش مواتير تانية لان مانزلش غير الماتور ال 2000 ودا ديزل ومش هتلاقي في مصر . بس عامتا ماتشتريش الماتور من الحرفيين انت تروح للمكان ال بيورد للحرفيين , يعني عليك وعلي المنطقة الصناعية في مدينة نصر جنب مستشفي الوفاء والامل وجنب مصنع بيبسي برضوا او ما تدخل المنطقة الصناعية اسأل علي شركة فوجي 1000 مين يدلك (الشركة دي بتاعت واحد ياباني بيستورد عربيات المعاقين وبيبعها هنا وفي نفس الوقت بيورد لتجار الحرفيين انصاص عربيات وقطع غيار وشغلهم كلة في التويوتا الوديل دا بس ولسة من قريب ابتدوا يشتغلو في موديلات اعلي شوية ) هتروح هناك هتسأل علي مهندس محمد النجار اتكلم معاه بصفة ودية كدا وهو هيظبطك وهتجيب من هناك انظف حاجة وهتكون متأكد انها لسة واصلة من اليابان يعني مفيش ايد صنايعي مصري اتمدت عليها وهتلاقي هناك مواتير ماعدتش ال 50000 كيلو يعني لسة جديدة. وربنا يوفقك يا باشا

**blackhorsa17** · 28-08-2011 10:27 AM

ربنا يكرمك يا باشا والله بجد وان شاء الله حروحلهم وحبقى اقولك انا عملت ايه بالظبط

**blackhorsa17** · 28-08-2011 10:28 AM

بس انت موافقنى فى موضوع انى اظبط الكورولا وابيع السيفيك؟

**mahmoudselim** · 28-08-2011 10:40 AM

المشاركة الأصلية كتبت بواسطة blackhorsa17

بس انت موافقنى فى موضوع انى اظبط الكورولا وابيع السيفيك؟

والله يا باشا انت اكتر واحد ممكن تحكم علي الموضوع دا . بمعني شوف اي عربية من الاثنين حالتها افضل وهتصرف عليها اقل, دا غير انك اكيد بترتاح في عربية أكتر من التانية واكيد في عربية فيه اوبشن اكتر من اختها. يعني في عدة عوامل انت بتحكم علي اساسها .
ولو الاثنين زي بعض في كل حاجة , توكل علي الله وخلي الكورولا .