المشاركة الأصلية كتبت بواسطة mahmoud_az
قدر الله وما شاء فعل والحمد الله أنك فديت الاسكودا
الصيني يكسب - هل تم اصلاحها أم لا - يرجي الافادة
يمكنك الذهاب للوكيل الشركة البافارية او الاتصال بمركزها المعتمد أوتوتيك بجسر السويس للاصلاح
تليفون مهندس هيثم هو 0123889355
حبيبي ألف شكر علي مشاركتك والحمد لله علي كل حال
الصيني فعلا يكسب عشان سعره معقول وإمكانياته عالية والدليل إن الحمد لله فديت موتور عربيتي بفضل الله وبفضل ال abs اللي متلاقيهوش ف عربيات تانية بنفس الفئة السعرية.
العربية الحمد لله إتصلحت وهاوريلكوا صورها قريب عشان أعرف رأيكوا ولو في إقتراحات ممكن تقولوهالي.
المشاركة الأصلية كتبت بواسطة ahmed_oth
حمد الله على السلامه يا جميل وان شاء الله تكون اخر الاحزان
على فكره انت من اكتر الاسباب اللى شدتنى الى قسم البرليانس اللى عمرى مادخلته من وقت اشتراكى فى هذا المنتدى,,وبكلامك عنا هذه العربيه خلانى اعيد تفكيرى فى شراء العربيه بعد ماكنت مقتنع بنسبه 90% برينو سانديرو دلوقتى بقت 40% و60% ل fsv
من قصتك عن الاسعار لقطع الغيار وعدم انتشارها واحتكار البفاريا لبعض القطع الغيار خللانى اصل لهذه النتيجه وهى اهميه التأمين على fsv مع شركه التأمين التابعه للبفاريا بالذات حتى اتفادى ما واجهته خلال مسيرتك فى اصلاح العربيه ,,
اللي يسلمك, ومتشكر جدا علي اهتمامك
علي فكرة بأه أنا كنت هاجيب سانديرو قبل م افكر ف ال fsv. بس لقيت السانديرو ناقصها حاجات موجودة في البريليانس وبسعر أقل حاجة بسيطة, وف نفس الوقت عربية عائلية سيدان تختلف عن السانديرو اللي حجمها أصغر نسبيا ومش عائلية.
بالنسبة لاحتكار الوكيل لقطع غيار العربية ف دي نقطة مش مضايقاني أوي, ولو جيت البافارية وجربت تتعامل مع المهندسين والعمال اللي هناك بجد هتغفرلهم أي قرارات أو سياسة ممكن يكونوا متبعينها بخصوص البريليانس. الناس فعلا مبيقصروش في أي عيب أو عطل ممكن يظهر عند أي عميل ومبيقعدوش يقولولك لأ دي بره الضمان لأ دي سوء إستخدام لأ دي مش عارف إيه ...
الخلاصة أنا مستريح جدا مع البريليانس والبافارية, مع العلم إن مرتبي مش 10000 جنيه ف الشهر ولا وارث عشان الإشاعات اللي بتقولك إن البافارية بينصبوا ع العملا. وتكلفة أخر صيانة عملتها كانت ب 380 جنيه (غيار زيت وفلتر واللذي منه). ولو جربت تبص علي أسعار قطع غيار العربيات التانية ف التوكيلات التانية هتلاقيها برضه غالية
المفضلات