الموضوع: سيراتو 2011

أنا إستلمت عربية كيا سيراتو 2011 هاي لاين وكيل.هي مش عربيتي..هي عربية عمي.أنا راكب فانتازيا و 523i .المهم حبيت أعمل أول موضوع ليا في منتدي كيا عن العربية دي

العربية كماليتها حلوة جدا بالنسبة لسعرها يعني راميين فيها أوبشن كتير.
الفتيس الجديد بتاعها حلو الـ 6 سرعات...بس مش زي بتاع الفانتازيا.يعني لو قارنا بينهم..في السيراتو عزم حلو قبل الـ 100 ووتقيل بعد الـ 100 علي عكس الفانتازيا.
وفي إحساس بالنقلات علي السرعات العالية..علي عكس الفانتازيا مفيش.
العفشة بتاعتها معجبتنيش نهائيا.ناشفة بصورة مبالغ فيها بجد.خصوصا في الخلف.ودي أكتر حاجة معجبتنيش في العربية دي.
الثبات....مش هقارن بينها وبين الفانتازيا لأن كده مقارنة ظالمة.بس فعلا علي السرعات العالية في الطرق اللي فيها عالي وواطي ( مراجيح السبتية )..علي الطرق الممهدة ثبات حلو.

التكييف بتاعها من أكبر مزاياها ..تلاجة في عز الحر. العزل الخارجي جيد جدا فيما عدا عزل صوت العفشة.وعزل الموتور ممتاز.
النظام الصوتي حلو وصوته نقي.
الكراسي بتاعتها مريحة ومش متعبة في المسافات الطويلة.
التقييم الإجمالي ليها من وجهة نظري 7/10

والسبب في ده حاجتين ( العفشة / الثبات ) ونصيحة محدش يجري بيها فوق الـ 120-140 بالكتير.

بقول هاي لاين يا جماعة...جنط 17 طبعا