الاكسنت rb 2012

**dodo_star80** · 03-09-2011 03:11 PM

طبعا الكاسيت اجمد من غبور ده بجانب فيها طفايه حريق وشداد وفوجات وايرباج وتحكم طارة وجنوط 16 والتكيف بتاعها اعلى من المصرى بمراحل وبعدين مشكله ازاى حضرتك اذا كان دى عربيه زيرو ومعاها شهاده ضمان ولما سافرت بيها ثابته جدااا في السفر لانها جنوط 16

**raedegypt** · 03-09-2011 03:18 PM

المشاركة الأصلية كتبت بواسطة heart_sugar

انا بقالي اسبوعين بدور على العربية ومش موجوده في اي مكان لا في المصرية ولا سمير ريان ولا في اي مكان حتى في الشركة مفيش وكل مسئل بيقولولي دي عمله زي البودره دلوقتي
لدرجه ان لقيت وحده في معرض وبيبعها 104000 الف يعني اعلا من سعر الشركه وبقيت المعارض
المهم انا اجلت لبعد العيد عشان قالو في غبور في مركب حتدخل بعد العيد ان شاء الله
انا محتاج مسعدتكم بجد
اخد الهاف لاين ب103 الف ولا اخد الفول ب110 الف والفرق بين الاثنين هو
ان الفول فيها جنوط 14 وطاره مالتي وفوانيس شبوره وغطاء عازل للموتور شيفين الموضوع يستاهل خصوصا اني حستلف المبلغ الفرق لاني واخد العربية قسط ولا اخد الهاف والحجات دي اوبشن واقدر اضيف الفوانيس بعدين
الحاجه الثانيه هي مسئله اللون انا حيران بين الفضي والفيراني لاني كان عندي لون اسود ومشكله كتير ومش ميال للاحمر والسماوي او البرونزي فانتم شيفين انهي لون احلا في العربية وبيظهرا ويستحمل وبيخفي الحكات ومش بيبان التراب فيه
ولو حد شاري العربية من مصر يا ريت يرفع لينا صور للعربية من بره ومن جوه
شكرا واسف على تعبكم

خد الهاف 103 الف وبصراحه كل الوانها حلوة لان العربيه شكلها تحفه . افضل الالوان اللون ال تحبه . وانا ارشحلك ثلاث الوان البرونزى - الفضى - السماوى افضل ثلاثه والباقى حلو الونها كلها حلوة. مبروك وعيش حياتك الهيونداى فى الموديلات الجديده ضرب العربيات كلها حتى فى الخليج

**atyam** · 04-09-2011 04:10 AM

توكل على الله هات ال103 وكل فترة زودلها حاجه

انا كنت زيك كده وتوكلت على الله وجبتها 103500 عشان استلم فى ساعتها

والعربية ماشاء الله ربنا يبارك فيها جميله وهتريحك ومش هتبص لكل اللى ناقص

وارشحلك الفضى جميل فى ستايل العربية

والعربية عشان شكلها ملفت تصدق عليها وداوم على تشغيل القران فيها وربنا يحميهالك من شر العين

وبالتوفيق والف مبروك ياباشا وربنا يباركلك فيها ويكفيك شرها