سباق فورميولا ون ..... استانبول .. متعة بجد

**aif** · 11-05-2008 08:52 PM

سباق الفورميولا وان اليوم كان رائع .... فعلا انا بقيت قاعد مش قادر اغمض عيني
السباق كان في حلبة استانبول بارك ... وفيراري فرضت سيطرتها بالمركز الاول والثالث
السرعة كانت بتتعدي 320 كم / ساعة ....
الفائز كان فيليبي ماسا البرازيلي ... لكن برضه مازال في المركز الثاني عشان نظام النقاط الجديد المعمول به .......
اليكم النتائج التفصيلية

.................................................. .
نتيجة سباق النهاردة
..............
1- البرازيلي فيليبي ماسا (فيراري) 1,26,49,451 ساعة
2- البريطاني لويس هاميلتون (ماكلارين مرسيدس) بفارق 3,779 ث
3- الفنلندي كيمي رايكونن (فيراري) بفارق 4,271 ث
4- البولندي روبرت كوبيتسا (بي ام دبليو ساوبر) بفارق 21,945 ث
5- الألماني نيك هايدفيلد (بي ام دبليو ساوبر) بفارق 38,741 ث
6- الإسباني فرناندو الونسو (رينو) بفارق 53,724 ث
7- الأسترالي مارك ويبر (ريد بول) بفارق 1,04,229 د
8- الألماني نيكو روزبرغ (وليامس) بفارق 1,11,406 د
9- الأسكتلندي ديفيد كولتهار (ريد بول) بفارق 1,15,270 د
10- الإيطالي يارنو تروللي (تويوتا) بفارق 1,16,344 د

.................................................. ....
- ترتيب بطولة العالم للسائقين بعد سباق النهاردة

1- رايكونن 35 نقطة
2- ماسا 28
3- هاميلتون 28
4- كوبيتسا 24
5- هايدفيلد 20
6- كوفالاينن 14
7- ويبر 10
8- الونسو 9
9- تروللي 9
10- روزبرغ 8
.................................................. .....
- ترتيب الصانعين بعد سباق النهاردة .... فيراري مطرقعة لفوق

1- فيراري 63 نقطة
2- بي ام دبليو 44
3- ماكلارين 42
4- وليامس 13
5- ريد بول 10
6- تويوتا 9
7- رينو 9
8- هوندا 3
9- تورو روسو 2

..............................
الجزيرة الرياضية كانت ناقلة السباق بالكامل ......................متعة

**Mzeid** · 11-05-2008 09:42 PM

شكراَ لحضرتك على النتائج التفصيلية للسباق .. و بجد أنا مكنتش فاكر أن فيه حد بيتابع السباقات إلا نادر أوي أنا كل ما بصادف سباق منهم في التلفيزيون بتابعه لأخره ..
بس الغريب إن الشركات كلها بتطور من سياراتها بس برض فيراري أحسن فريق مش علرف ليه .. ؟!
:):)

**فادى** · 11-05-2008 09:55 PM

بصراحة بحس بالملل و انا بتابع السباقات دى لأن المشهد هو هو و تقريبا المراكز لا تتغير كثيرا بالاضافة الى عدم وجود الكثير من الحوادث :).
لكنها قمة الرياضات الميكانيكية.
ملحوظة :
المركز من 1-4 كلها سيارات أوروبية, و اليابانى فى الأخر. و تفوق ايطالى كالعادة.

بس ايه فريق رد بول ده؟ أول مرة أسمع عنه؟ و من هو الصانع الذى يدعمه؟

**aliabutaleb** · 11-05-2008 10:22 PM

هاضرب لكم كرسي في الكلوب :o
هسأل سؤال نفسي أعرف إجابته من زمان
مش ممكن تفهمونا نظام الفورميولا وان ايه؟
يعني مين بيكسب إزاي؟ وإيه نظام الجولات وما إلى ذلك؟

**Ashraf A.Kader** · 11-05-2008 10:32 PM

انا اتفرجت عليها كان فعلا رائع

**فادى** · 11-05-2008 10:59 PM

المشاركة الأصلية كتبت بواسطة alijandroo

هاضرب لكم كرسي في الكلوب :o
هسأل سؤال نفسي أعرف إجابته من زمان
مش ممكن تفهمونا نظام الفورميولا وان ايه؟
يعني مين بيكسب إزاي؟ وإيه نظام الجولات وما إلى ذلك؟

ببساطة هى سباقات عادية, تقام فى مجموعة من الدول و فى النهاية يحتسب مجموع النقاط لكل سائق و كل فريق لمعرفة الفائز.
الأول يأخذ 10 نقاط على ما أذكر, الثانى يأخذ 6 (مش متأكد), الثالث 4, الرابع 3, الخامس 2, السادس 1,( مش متأكد تماما من هذه الأرقام).
و يجب أن تكون السيارة مزودة بمحرك لا يزيد عن 3000 سى سى, أو 1500 سى سى مع شاحن هواء تربو, و يجب ألا تزود بأى أنظمة للحفاظ على الثبات و الكبح, (ُايه اس بى, ايه بى اس), و علبة تروس يدوية أو علبة تروس هيدروليكية. كما أن هناك ارتفاع معين للسيارة و بضعة مواصفات أخرى يجب على الصانعين اتباعها.
و هذه السباقات هى قمة السباقات الميكانيكية, و تعتمد بشكل أساسى على السيارة و قدراتها (سرعتها, ثباتها, اعتماديتها), أكثر من السائق, لأن السائقين كلهم بمستوى متقارب جدا, و احدى أبطال هذه السباقات قديما الأرجينتينى "فانجيو" قال : السيارة عليها 80%, و السائق 20% فقط.
لذا تجد أن مايكل شوماخر مثلا لم يحقق أى انتصار مع فيرارى فى البداية, لأن سيارة فيرارى كانت سيئة أنذاك, الى أن بدلوها بسيارة أفضل, فسيطر على عدة بطولات متتالية.

**hazem_khidr** · 12-05-2008 12:01 AM

شكرا يا احمد باشا علي الخبر
انا فتحت موقع الفورميلا واحد من شويه و مكنش لسه نتيجه السباق ظهرت فيه !
لاني متابع للفورميلا واحد و من احد عشاقها و خصوصا الفريق الاحمر(فيراري طبعا)

شوفوا حل لفيراري عايزين تويوتا تفوز بأي طريقة ....أو رينو !!;)

شيكو باشا فيراري مالهاش حل !!!!
و لسه بدري قدام تويوتا علشان تقدر تنافس في المراكز الاولي:)
تويوتا لسه حديثه العهد في الفورميلا 1
لسه بدري علي ما تنافس فريق بقوه و خبره فيراري التي لم تغب شمسها موسم واحد عن البطوله منذ بدايتها في 1957!!!!!!
فيراري اسم عريق و مدعوم من فيات(لو تلاحظ سيارات فورميلا واحد من فيراري حتلاقي اسم فيات علي مقدمه سياراتها:) )
فيراري .......قمه يلهث ورائها الاخرون
ممكن تراجع اللينك دا و تقولي ايه رايك في الشركه العظيمه دي
http://www.nilemotors.net/Nile/showthread.php?t=2125

**Chicco** · 12-05-2008 01:34 AM

شيكو باشا فيراري مالهاش حل !!!!
و لسه بدري قدام تويوتا علشان تقدر تنافس في المراكز الاولي:)
تويوتا لسه حديثه العهد في الفورميلا 1
لسه بدري علي ما تنافس فريق بقوه و خبره فيراري التي لم تغب شمسها موسم واحد عن البطوله منذ بدايتها في 1957!!!!!!
فيراري اسم عريق و مدعوم من فيات(لو تلاحظ سيارات فورميلا واحد من فيراري حتلاقي اسم فيات علي مقدمه سياراتها:) )
فيراري .......قمه يلهث ورائها الاخرون
ممكن تراجع اللينك دا و تقولي ايه رايك في الشركه العظيمه دي
http://www.nilemotors.net/Nile/showthread.php?t=2125

ميولك الايطالية يا سنيور زيمو مش خافية على حد :D:D
موضوع فيراري حلو جدا ...بس شكله قلب خناقة مش عارف ليه

فيراري طبعا ملهاش حل .....المسئولين بتوع فورميولا قاعدين يغيروا في القواعد و المواصفات عشان يكسروا إحتكار فيراري و ما فيش فايدة .....و لا حتى مرسيدس مكلارين عارفه تصد معاهم
بس معلهش ...مسير تويوتا توصل برضه ....تويوتا لا تعرف المستحيل يا سنيور

**فادى** · 12-05-2008 02:27 AM

المشاركة الأصلية كتبت بواسطة Chicco

ميولك الايطالية يا سنيور زيمو مش خافية على حد :D:D
موضوع فيراري حلو جدا ...بس شكله قلب خناقة مش عارف ليه

فيراري طبعا ملهاش حل .....المسئولين بتوع فورميولا قاعدين يغيروا في القواعد و المواصفات عشان يكسروا إحتكار فيراري و ما فيش فايدة .....و لا حتى مرسيدس مكلارين عارفه تصد معاهم
بس معلهش ...مسير تويوتا توصل برضه ....تويوتا لا تعرف المستحيل يا سنيور

تويوتا ايه بس الى تجيب فيرارى دى, ده فى المشمش.
تويوتا تفعل المستحيل فى البيع فقط, كل هم تويوتا فى الحياة هو البيع و البيع, لو كان فى تويوتا من يستحق التحية فهم الفريق المسئول عن الدعاية, و على فكرة مشاركة تويوتا و هوندا فى هذه السباقات هى فقط نوع من الدعاية, حتى يقولون نحن نشارك فى سباقات الفورمولا واحد, لا أكثر و لا أقل, و مجرد المشاركة هى أقصى أحلام هذه الفرق, و لا يمكنها أن تطمح فى أى مركز متقدم.

متزعلش يا أستاذ شيكو أنا مش قصدى أضايقك, احنا سيبنالكو المبيعات و خلينا احنا فى السباقات بتاعتنا الى مش جايبة همها:).
أود أن أضيف على مداخلة الأستاذ حازم,
سيارة فيرارى التى تشارك فى هذه السباقات بها جزء كبير من فيات, فمثلا علبة التروس المطورة انطلاقا من علبة "سيلسبيد" تم تطويرها فى ماجنيتى ماريللى التى افتتحتها فيات لتطوير التقنيات المتقدمة, و نظام الحقن و كل ذلك مأخوذ من فيات, كما أن فيرارى نفسها تابعة لفيات, و لذا يوضع شعار فيات فى المقدمة.

و كان مايكل شوماخر السائق الشهير الألمانى الجنسية, الايطالى الهوى, يقود سيارة فيرارى فى السباقات ثم يخرج من الحلبة ليقود سيارة من طراز فيات باندا (لذا سميت هذه السيارة بفيرارى جونيور, الى جانب طابعها الرياضى طبعا), و التى كانت سيارته المفضلة, و كان كثيرا ما يمتدح سيارات فيات, و فى احدى المعارض الأوروبية وقف بجانب الجناح الخاص بفيات ليمتدح طرازاتها المختلفة, فعلا راجل بيفهم:).