أرجو الإفاده.. صوت تكتكه مع تشغيل التكييف

**mahmoud_afifi** · 30-08-2011 10:59 PM

السلام عليكم ورحمة الله

كل عام وأنتم بخير وعيد سعيد عليكم يا رب

المشكله وما فيها ان التكييف كان شغال طول عمره كويس بس بقاله اسبوع دلوقتي بيعمل صوت تكتكه والعربيه على الd وانا دايس فرامل انما طول ما انا دايس سنة بنزين صغيره الصوت بيروح. ولو العربيه على الn اوقات الصوت يبقى موجود و أوقات لأ وحتى وهو موجود بيبقى خفيف عن وانا على الd ودايس فرامل.

العربيه عامله 60 الف كيلو ولسه ماعملتش صيانة ال60.
ايه المشكله في رأيكم ؟

**mahmoud_afifi** · 31-08-2011 12:14 AM

المشاركة الأصلية كتبت بواسطة ahmed_ezz

ممكن و الله اعلم لما تعمل الصيانة ديه و تغير السيور كلها يظبط لان ممكن يطلع سير التكيف مثلا

جزاك الله خير على الرد
انا شاكك في كده فعلا بس قولت اسأل عشان لو في حاجه تانيه أقولهم عليها في التوكيل.

**mahmoud_afifi** · 07-09-2011 04:44 PM

النهارده عملت صيانة ال60 وغيرت السير.

الصوت لسه موجود بس بقى أقل من الاول !
في حل عشان يروح خالص ؟
خاصة انه ماكنش موجود قبل كده

**mahmoud_afifi** · 09-09-2011 02:34 AM

المشاركة الأصلية كتبت بواسطة roland_yamaha

خلي واحد يبصلك علي الكمبرسور ممكن تكون البلية بتاعتة عاوزة تتغير او عاوز يتزود زيت

متشكر جدا على رد حضرتك :)

دي تتعمل في التوكيل او مركز معتمد عادي ؟
ولو عملتها بره تطلعني من الضمان ولا مفيش مشاكل ؟

**Ahmod** · 09-09-2011 02:43 AM

هل التكتكة بتفضل موجودة سواء التكييف بيجيب الهوا من برة او من جوة ؟ يعني في الحالتين بتسمع الصوت ؟

ولا الصوت فقط لما بتكون جايب الهوا من جوة العربية ؟

**mahmoud_afifi** · 09-09-2011 07:07 PM

المشاركة الأصلية كتبت بواسطة ahmod

هل التكتكة بتفضل موجودة سواء التكييف بيجيب الهوا من برة او من جوة ؟ يعني في الحالتين بتسمع الصوت ؟

ولا الصوت فقط لما بتكون جايب الهوا من جوة العربية ؟

ماجربتش بصراحه موضوع الهوا من بره. هي بتدور الهوا الي جوه العربيه.

**mahmoud_afifi** · 09-09-2011 07:09 PM

المشاركة الأصلية كتبت بواسطة roland_yamaha

مخلتش حد في التوكيل يبصلك عليه ليه وانت بتعمل صيانه هناك
l

أنا قولتلهم عليها وقالوا هننضف الفلتر يمكن ورق شجر ولا حاجه هو الي عامل كده. وكمان مع تغيير السير قولت يمكن تختلف.
ولما جيت اسمع الصوت وانا هناك ماكنش باين بس لما روّحت البيت لقيته موجود بس أخف من الاول.